Mateo 23:23 - Mixteco del suroeste de Tlaxiaco Oaxaca

²³ ’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó te̱e kúvi fariseo!, chi, ¡te̱e sansuꞌva ví rán!, chi násokoꞌ rán nu̱u̱nꞌ Ndiosíꞌ ni u̱ji̱ꞌ ni u̱ji̱ꞌ ta sientúꞌ nɨꞌɨ nantíñú rán ne̱ nantíñú káyánká ne̱ yu̱ku̱ꞌ mi̱nu stíláꞌ, jín yu̱ku̱ꞌ anís, jín yu̱ku̱ꞌ comino, soo ntu sáꞌá rán rá tiñu máá ñáꞌnú víꞌí ka̱ꞌ ya̱ tátúníꞌ Ndiosíꞌ, ya̱ kueꞌnu na̱a̱ꞌ rán, jín ya̱ kunáꞌví iniꞌ rán ñanitáꞌán rán, jín ya̱ kuneí iniꞌ rán Ndiosíꞌ. Íyó saꞌá rán rá tiñu yaꞌá ni jín nsáꞌ xínóo rán saꞌá rán rá inka rá tiñu.

Mateo 23:23 Referans Kwoze

Lucas 11:42

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó!, chi násokoꞌ rán nu̱u̱nꞌ Ndiosíꞌ ni u̱ji̱ꞌ ni u̱ji̱ꞌ ta sientúꞌ nɨꞌɨ nantíñú rán ne̱ nantíñú káyánká ne̱ yu̱ku̱ꞌ mi̱nu stíláꞌ, jín yu̱ku̱ꞌ ruda, jín ntáká ka̱ꞌ rá yuveꞌ, soo ntu sáꞌá rán kuéntáꞌ kueꞌnu na̱a̱ꞌ rán nu̱u̱nꞌ Ndiosíꞌ ni ya̱ kunu̱u̱nꞌ rán Ndiosíꞌ jín ñɨvɨ. Íyó saꞌá rán rá tiñu yaꞌá ni jín nsáꞌ xínóo rán saꞌá rán rá inka rá tiñu.

Mateo 9:13

Kuáꞌán rán, jee kutu̱ꞌva rán ná kúníꞌ káchíꞌ tu̱ꞌun yaꞌá ya̱ níso nu̱u̱nꞌ Tutuꞌ Ííꞌ ya̱ káchíꞌ Ndiosíꞌ suꞌva: “Kuíni ni̱ꞌ ya̱ kunáꞌví iniꞌ rán ñanitáꞌán rán, jee nsú ya̱ so̱ko̱ꞌ rán rá sa̱na̱ꞌ nu̱u̱nꞌ ni̱ꞌ.” Chisaꞌ nsáꞌ váji ni̱ꞌ kana ni̱ꞌ rá ñɨvɨ na̱a̱ꞌ sáva ki̱vɨ ráa nu̱u̱nꞌ Ndiosíꞌ, chisaꞌ va̱ji ni̱ꞌ kana ni̱ꞌ rá ñɨvɨ íyó kua̱chi sáva nakani iniꞌ ráa jee ki̱vɨ ráa naꞌá Ndiosíꞌ ―nkachiꞌ Jesús.

Lucas 18:12

Jee nééꞌ niteꞌ ni̱ꞌ u̱vi̱ꞌ íchí ya̱ semana, jee suni táji ni̱ꞌ u̱ji̱ꞌ ni u̱ji̱ꞌ ta sientúꞌ ntáká nu̱u̱nꞌ ya̱ níꞌínꞌ ni̱ꞌ”, nkachiꞌ fariseo vá.

Mateo 12:7

Soo ntu jiáku̱ꞌun iniꞌ rán ná kúníꞌ káchíꞌ tu̱ꞌun yaꞌá, ya̱ níso nu̱u̱nꞌ Tutuꞌ Ííꞌ, ya̱ nkachiꞌ Ndiosíꞌ: “Kuíni ni̱ꞌ ya̱ kunáꞌví iniꞌ rán ñanitáꞌán rán, jee nsú ya̱ so̱ko̱ꞌ rán rá sa̱na̱ꞌ nu̱u̱nꞌ ni̱ꞌ”, nkachiꞌ re̱ꞌ, jee saáva retánꞌ jiáku̱ꞌun iniꞌ rán tu̱ꞌun vá, jee ya̱ ntu̱ví ka̱ꞌ síjíta rán si̱kɨ̱ꞌ ñɨvɨ ya̱ ntu̱náꞌ kua̱chi‑i íyó.

Mateo 23:13

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó te̱e kúvi fariseo!, ¡te̱e sansuꞌva kúvi rán! Chi jiásɨ́ꞌ rán ya̱ ki̱vɨ rá ñɨvɨ xi̱ntíín Ndiosíꞌ ya̱ nééꞌ antivɨ́ súkún tatúníꞌ re̱ꞌ nu̱u̱nꞌ ráa, chi ránoꞌó jee ni ntu kívɨ rán xi̱ntíín re̱ꞌ, jee ni ntu jiáꞌa rán ya̱ ki̱vɨ rá inka ka̱ꞌ ñɨvɨ.