Mateo 23:18 - Mixteco del suroeste de Tlaxiaco Oaxaca

¹⁸ Jee suni káchíꞌ rán ya̱: “Ntu̱náꞌ yɨ́yáꞌvi‑i ya̱ sánáaꞌ néni ɨɨn ñɨvɨ nu̱u̱nꞌ tu̱ꞌun káꞌánꞌ‑a jie̱ꞌe̱ꞌ altar nu̱u̱nꞌ téñuꞌunꞌ rá ñɨvɨ rá sa̱na̱ꞌ násokoꞌ ráa nu̱u̱nꞌ Ndiosíꞌ, soo néni ɨɨn ñɨvɨ ya̱ sánáaꞌ‑a nu̱u̱nꞌ tu̱ꞌun káꞌánꞌ‑a jie̱ꞌe̱ꞌ rá sa̱na̱ꞌ sókóꞌ ya̱ yósóꞌ nu̱u̱nꞌ altar, saájee ya̱ íyó si̱kɨ̱ꞌ‑ɨ sikúnkuvi‑i ya̱ nkachiꞌ‑i”, káchíꞌ rán.

Mateo 23:18 Referans Kwoze

Mateo 23:16

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó!, chi kúvi rán kuéntáꞌ kúvi te̱e kuáá ya̱ ni ntu chuꞌun rán rá ñɨvɨ ichi na̱a̱ꞌ, chi káchíꞌ rán ya̱ néni ɨɨn ñɨvɨ ya̱ sánáaꞌ‑a nu̱u̱nꞌ tu̱ꞌun káꞌánꞌ‑a jie̱ꞌe̱ꞌ veñu̱ꞌun káꞌnú Ndiosíꞌ jee ntu̱náꞌ yɨ́yáꞌvi ya̱ nkachiꞌ‑i, soo néni ɨɨn ñɨvɨ sánáaꞌ‑a nu̱u̱nꞌ tu̱ꞌun káꞌánꞌ‑a jie̱ꞌe̱ꞌ ka̱a kuáán yɨ́yáꞌvi oro ya̱ nákɨɨnꞌ iniꞌ veñu̱ꞌun vá, saájee ya̱ íyó si̱kɨ̱ꞌ‑ɨ sikúnkuvi‑i, káchíꞌ rán.

Mateo 23:17

¡Te̱e naanꞌ te̱e kuáá ví rán!, ¿né ɨɨn ví máá ñáꞌnú ka̱ꞌ: á oro vá áxí veñu̱ꞌun káꞌnú ya̱ sáꞌá‑a i̱i̱ꞌ oro vá rúja?

Mateo 23:19

’¡[Te̱e naanꞌ] te̱e kuáá ví rán!, chi, ¿né ɨɨn ví máá ñáꞌnú ka̱ꞌ: á rá nantíñú násokoꞌ yósóꞌ nu̱u̱nꞌ altar, áxí maá altar, ya̱ sáꞌá‑a ya̱ ííꞌ rá nantíñú násokoꞌ nu̱u̱nꞌ altar vá rúja?

Marcos 7:11

Soo ránoꞌó káchíꞌ rán: “Ré kachiꞌ ɨɨn te̱e nu̱u̱nꞌ tátáꞌ‑a áxí nu̱u̱nꞌ nánáꞌ‑a: Ntu kúvi chineí ni̱ꞌ noꞌó chi Corbán kúvi néni ɨɨn nantíñú ni̱ꞌ ya̱ kúvi taji ni̱ꞌ nu̱u̱nꞌ noꞌó sáva chineí ni̱ꞌ noꞌó, nékui.” (Corbán kúníꞌ káchíꞌ: Ya̱ nso̱ko̱ꞌ ni̱ꞌ maa nu̱u̱nꞌ Ndiosíꞌ.)

Gálatas 5:3

Tukuni sánáaꞌ ni̱ꞌ nu̱u̱nꞌ rán ya̱ ntáká te̱e ya̱ saꞌá circuncidar re̱ꞌ maáréꞌ, jee íyó re̱ꞌ ya̱ sikúnkuvi re̱ꞌ nɨꞌɨ kuitɨꞌ ya̱ tátúníꞌ ley vá.