Mateo 22:5 - Mixteco del suroeste de Tlaxiaco Oaxaca

⁵ ’Jee sáá nkachiꞌ rá musúꞌ vá sukuán nu̱u̱nꞌ rá ñɨvɨ ya̱ nkana re̱ꞌ, soo ntu ntɨ́ɨn kuéntáꞌ ráa maa, jee kua̱ꞌa̱nꞌ ráa, ɨɨn ráa nkene‑e kua̱ꞌa̱nꞌ‑a nu̱u̱nꞌ káá tataꞌ sáꞌá‑a, jee inka ka̱ꞌ nkene‑e kua̱ꞌa̱nꞌ‑a nu̱u̱nꞌ xíkó‑o.

Mateo 22:5 Referans Kwoze

Hebreos 2:3

Jee nu̱u̱nꞌ ni̱yo sukuán, jee maáórán, ¿na̱sa ka̱ꞌ vá saꞌá‑ó jee kaku‑ó nu̱u̱nꞌ tu̱nóꞌó vá, retú ntu nénu̱u̱nꞌ‑ó chuꞌun iniꞌ‑ó jie̱ꞌe̱ꞌ tu̱ꞌun máá ñáꞌnú káꞌ jie̱ꞌe̱ꞌ ya̱ na̱sa natavaꞌ Jesús yó nu̱u̱nꞌ kua̱chi‑ó sikáku re̱ꞌ yó rúja? Chi xíꞌna ka̱ꞌ nkachitu̱ꞌún maá I̱toꞌoꞌ‑ó Jesús tu̱ꞌun yaꞌá, jee kuíre rá te̱e ya̱ nteso̱ꞌo maa, jee nna̱stúvi ráa ya̱ naáꞌ jie̱ꞌe̱ꞌ tu̱ꞌun yaꞌá nu̱u̱nꞌ‑órán

2 Timoteo 3:4

jín ya̱ xi̱kóñáꞌán yuꞌuꞌ ráa ñanitáꞌán ráa nu̱u̱nꞌ rá te̱e jíto u̱ꞌvi̱ꞌ rává, jín ya̱ ni nsáꞌ nikó iniꞌ ráa saꞌá ráa kua̱chi, jín ya̱ kuꞌun téyɨ́ɨ́ víꞌí iniꞌ ráa, jín ya̱ kunu̱u̱nꞌ ráa ya̱ sɨ́ɨꞌ iniꞌ maáráa nsú káꞌ kunu̱u̱nꞌ ráa Ndiosíꞌ,

Romanos 8:6

Chi rá ñɨvɨ túví ráa antúníꞌ ráa nu̱u̱nꞌ ya̱ níyo iniꞌ ráa jín yɨkɨkúñu ráa, ya̱ ntu yɨ́tíñú ráa nu̱u̱nꞌ Ndiosíꞌ, jee sáꞌá‑a ya̱ naanꞌ ráa kuéntáꞌ jíꞌíꞌ ráa nu̱u̱nꞌ Ndiosíꞌ. Soo rá ñɨvɨ túví ráa antúníꞌ ráa nu̱u̱nꞌ ya̱ kuíni Ta̱chi̱ꞌ Ííꞌ Ndiosíꞌ jee sáꞌá‑a ya̱ kutekuꞌ ráa jín Ndiosíꞌ jee va̱ꞌa kúvi iniꞌ ráa.

Romanos 2:4

Áxí, ¿á kúníichiꞌ nú ya̱ ntántúníꞌ ñunkúún iniꞌ Ndiosíꞌ noꞌó jín ya̱ jiéꞌnéꞌ xá iniꞌ re̱ꞌ jín ya̱ káꞌnú xá iniꞌ re̱ꞌ néꞌyá re̱ꞌ noꞌó? ¿Á ntu jíníꞌ nú ya̱ ñunkúún iniꞌ re̱ꞌ noꞌó sáva nachuꞌun re̱ꞌ ichi noꞌó nakani iniꞌ nú nu̱u̱nꞌ kua̱chi nú, résa?

Hechos 24:25

Jee sáá nákani Pablo jie̱ꞌe̱ꞌ ya̱ íyó kino̱o na̱a̱ꞌ ñɨvɨ nu̱u̱nꞌ Ndiosíꞌ, jín jie̱ꞌe̱ꞌ ya̱ íyó nakeꞌen‑ó maáó, jín jie̱ꞌe̱ꞌ ya̱ koo ɨɨn ki̱vɨ̱ꞌ sanáaꞌ Ndiosíꞌ jie̱ꞌe̱ꞌ rá kua̱chi nɨꞌɨ rá ñɨvɨ, jee nyu̱ꞌví Félix, jee nkachiꞌ re̱ꞌ nu̱u̱nꞌ‑u: ―Kuáꞌán ntañúꞌún. Jee sáá íyó tiempúꞌ ni̱ꞌ, jee kana ni̱ꞌ nó.

Hechos 2:13

Soo inka ráa ka̱ꞌ káꞌánꞌ u̱ꞌvi̱ꞌ ráa jee nkachiꞌ ráa: ―Jíni ráa.

Mateo 13:22

Jee nikɨn ña̱kava‑a nteñu rá yu̱ku̱ꞌ iñu sáá nxi̱náváꞌ te̱e vá maa, suvi‑i kúvi ñɨvɨ ya̱ tésóꞌo ráa Tu̱ꞌun Ndiosíꞌ, soo nániꞌvɨꞌ víꞌí ka̱ꞌ iniꞌ‑i jie̱ꞌe̱ꞌ kue̱ꞌe̱ꞌ tiñu íyó iniꞌ ñɨ̱vɨ́ yaꞌá jee kuíni‑i kukúká‑a, jee yaꞌá xínáꞌví‑i ñɨvɨ vá, jee sátéꞌéꞌ‑e vá nu̱u̱nꞌ Tu̱ꞌun Ndiosíꞌ, jee saáva ntu jiáꞌnu ñɨvɨ vá ntu jíjia‑a jín Tu̱ꞌun Ndiosíꞌ, kuéntáꞌ ntu kénta ku̱ꞌva nikɨn tataꞌ.

Génesis 25:34

Saájee njia̱ꞌa Jacob i̱xta̱tíláꞌ jín neyu nsa̱ꞌá‑a jín nuchi lenteja nu̱u̱nꞌ Esaú nyajiꞌ re̱ꞌ niꞌi re̱ꞌ, jee nnakui̱ñɨ̱ꞌ re̱ꞌ jee kua̱ꞌa̱nꞌ re̱ꞌ, jee sukuán nkuniichiꞌ Esaú ta̱ꞌvi̱ꞌ ya̱ níyo ni̱ꞌi̱nꞌ re̱ꞌ jie̱ꞌe̱ꞌ nkaku re̱ꞌ xíꞌnañúꞌún.

Génesis 19:14

Saájee nkene re̱ꞌ kua̱kaꞌanꞌ re̱ꞌ jín rá te̱e ya̱ kuvi rá se̱ꞌya ka̱sá re̱ꞌ ya̱ káá náꞌviꞌ ráa jín rá se̱ꞌya sɨ́ꞌɨ́ re̱ꞌ jee nkachiꞌ re̱ꞌ: ―¡Nako̱o rán jee kene rán kuáꞌán rán yaꞌá, chi sa̱néꞌ íyó xináánꞌ I̱toꞌoꞌ ñuunꞌ yaꞌá! ―nkachiꞌ Lot. Soo nkaꞌvi iniꞌ rá se̱ꞌya ka̱sá re̱ꞌ ya̱ kási̱kɨ́ re̱ꞌ.

Mateo 22:4

’Jee tukuni nta̱jí re̱ꞌ inka ka̱ꞌ rá musúꞌ re̱ꞌ, jee nkachiꞌ re̱ꞌ nu̱u̱nꞌ ráa: “Kachiꞌ rán nu̱u̱nꞌ rá ñɨvɨ ya̱ nkana ni̱ꞌ kiji, ya̱: Ya nsa̱ꞌá stákoo ni̱ꞌ neyu, chi ya nta̱jí ni̱ꞌ ñaꞌniꞌ ráa rá toro ni̱ꞌ jín rá chelu ya̱ nxi̱náñu ni̱ꞌ, jee ya íyó tu̱ꞌva nɨꞌɨ, kiji rán viko tána̱ꞌá, kachiꞌ ránú nu̱u̱nꞌ ráa”, nkachiꞌ te̱e tátúníꞌ vá.

Mateo 22:6

Jee rá inka ka̱ꞌ ntɨɨn ráa rá musúꞌ te̱e tátúníꞌ vá, jee nsa̱ꞌá kini ráa rává, jee ñaꞌniꞌ ráa rává.

Juan 2:16

Jee nkachiꞌ re̱ꞌ nu̱u̱nꞌ rá ñɨvɨ ya̱ xíkó rá paloma: ―Tavaꞌ rán rá yaꞌá chíkéꞌi, jee koto sáꞌá rán veꞌi Tátáꞌ ni̱ꞌ ɨɨn nu̱yáꞌvi ―nkachiꞌ re̱ꞌ.

2 Pedro 2:3

Jee jie̱ꞌe̱ꞌ ya̱ uꞌvi iniꞌ ráa jee jíchíꞌ ráa ránoꞌó jín rá tu̱ꞌun túꞌún kéne xi̱ni̱ꞌ ráa ya̱ xínéꞌénꞌ ráa. Jee ne̱ yanaꞌán víꞌí ya̱ íyó stákoo ya̱ sijíta Ndiosíꞌ ráa jee kɨ̱naanꞌ nijia ráa.