Mateo 22:30 - Mixteco del suroeste de Tlaxiaco Oaxaca

³⁰ Chi ki̱vɨ̱ꞌ natekuꞌ i̱i̱ꞌ tuku rá ñɨvɨ níꞌiꞌ kene ráa nteñu rá níyɨ, jee ni nsáꞌ tana̱ꞌá ráa ka̱ꞌ, jee ni nsáꞌ xitánáꞌá ráa rá se̱ꞌya sɨ́ꞌɨ́ ráa, chisaꞌ koo ráa kuéntáꞌ kua̱ꞌ rá najiáꞌáꞌ ííꞌ Ndiosíꞌ ya̱ íyó antivɨ́ súkún, ya̱ ni ntu tánáꞌá rává.

Mateo 22:30 Referans Kwoze

Mateo 24:38

Chi kuéntáꞌ rá ki̱vɨ̱ꞌ yukuán sáá ntiáꞌan kajiéꞌé kuun sa̱vi̱ꞌ xéénꞌ chitú nute nu̱u̱nꞌ ñu̱ꞌún, jee yájíꞌ rá ñɨvɨ, jíꞌi ráa, tánáꞌá ráa, jee stánáꞌá ráa rá se̱ꞌya ráa, ne̱kua̱ꞌ nkenta ki̱vɨ̱ꞌ nkívɨ Noé iniꞌ barkúꞌ máá káꞌnú nasɨ́kuitɨꞌ ya̱ naní arca.

Apoclipsis 19:10

Saájee nuꞌuꞌ nna̱kui̱ñɨ̱ꞌ ítɨ́ ni̱ꞌ jiáxin ni̱ꞌ maáníꞌ ne̱ nu̱u̱nꞌ ñu̱ꞌún nu̱u̱nꞌ najiáꞌáꞌ ííꞌ vá sáva kuneñu̱ꞌun ni̱ꞌ maa. Soo nkachiꞌ‑i nu̱u̱nꞌ ni̱ꞌ: ―Koto sáꞌá nú sukuán. Chi suni táꞌán musúꞌ kúvi ni̱ꞌ jín noꞌó jín rá ñanitáꞌán nú, ya̱ yɨ́tíñú‑órán nu̱u̱nꞌ Ndiosíꞌ ya̱ níkɨ́nꞌ kutú váꞌa‑ó tu̱ꞌun jie̱ꞌe̱ꞌ Jesús. Saáva kuneñu̱ꞌun nú máá maá Ndiosíꞌ. Chi rá tu̱ꞌun na̱a̱ꞌ ya̱ nkachitu̱ꞌún Jesús, yukuán kúvi tu̱ꞌun na̱a̱ꞌ ya̱ jiáꞌa Ta̱chi̱ꞌ Ííꞌ nu̱u̱nꞌ rá ñɨvɨ ya̱ káchítu̱ꞌún na̱a̱ꞌ tu̱ꞌun kéne yuꞌú Ndiosíꞌ ―nkachiꞌ najiáꞌáꞌ ííꞌ vá.

Lucas 17:27

Chi rá ñɨvɨ rá ki̱vɨ̱ꞌ ntekuꞌ Noé yanaꞌán víꞌí, [jee ni ntu sáꞌá ráa kuéntáꞌ], jee yájíꞌ ráa jíꞌi ráa jee tánáꞌá ráa, jee stánáꞌá ráa rá se̱ꞌya ráa, ne̱kua̱ꞌ nkenta ki̱vɨ̱ꞌ nkívɨ Noé iniꞌ barkúꞌ máá káꞌnú nasɨ́kuitɨꞌ ya̱ naní arca, jee nkuun sa̱vi̱ꞌ xéénꞌ nasɨ́kuitɨꞌ nchi̱tú nute nu̱u̱nꞌ ñu̱ꞌún jee nxi̱náánꞌ kua̱íyó kuitɨꞌ.

Mateo 13:43

Saájee rá ñɨvɨ kino̱o na̱a̱ꞌ sáꞌá Ndiosíꞌ, jee na̱tuunꞌ nuva ráa kujianu̱te̱ꞌ ráa kuéntáꞌ kua̱ꞌ nka̱niiꞌ, nuñáꞌnú ráa xi̱ntíín Tátáꞌ ráa Ndiosíꞌ, sáá kenta tatúníꞌ re̱ꞌ nu̱u̱nꞌ nɨꞌɨ. Ñɨvɨ ya̱ íyó rá so̱ꞌo, jee teso̱ꞌo va̱ꞌa.

Mateo 18:10

’Jee koto kúníichiꞌ iniꞌ rán ni ɨɨn rá su̱chí lúlí yaꞌá. Chi nuꞌuꞌ káchíꞌ ni̱ꞌ nu̱u̱nꞌ rán, ya̱ rá najiáꞌáꞌ ííꞌ ya̱ íyó ne̱ antivɨ́ súkún, ya̱ kúmí ráa rá su̱chí lúlí yaꞌá, jee sukuáni íñɨ́ rá najiáꞌáꞌ vá ichinúúnꞌ Tátáꞌ ni̱ꞌ ya̱ íyó ne̱ antivɨ́ súkún nákani ráa jie̱ꞌe̱ꞌ rává.

Mateo 22:31

’Soo jie̱ꞌe̱ꞌ ya̱ natekuꞌ i̱i̱ꞌ nijia tuku rá ñɨvɨ níꞌiꞌ, jee, ¿á ntiáꞌan kaꞌvi rán nu̱u̱nꞌ Tutuꞌ níso Tu̱ꞌun Ndiosíꞌ rúja?, ya̱ máá Ndiosíꞌ nkaꞌanꞌ, sáá nkachiꞌ re̱ꞌ: