Mateo 22:22 - Mixteco del suroeste de Tlaxiaco Oaxaca

²² Sáá nteso̱ꞌo rává ya̱ nkachiꞌ re̱ꞌ sukuán, jee nti̱vɨ́ víꞌí xíniꞌ rává, jee nxi̱nóo rává re̱ꞌ, jee kua̱ꞌa̱nꞌ rává.

Mateo 22:22 Referans Kwoze

Marcos 12:12

I̱ña̱jée rá su̱tu̱ꞌ kúñáꞌnú jín rá te̱e xínéꞌénꞌ tu̱ꞌun nta̱túníꞌ Ndiosíꞌ yanaꞌán nnu̱kú ráa kɨ̱tɨɨn ráa re̱ꞌ, chi ña̱ku̱ꞌun iniꞌ ráa ya̱ nna̱kani re̱ꞌ tu̱ꞌun kúnkunuún yaꞌá si̱kɨ̱ꞌ ráa. Soo yúꞌví ráa rá ñɨvɨ kue̱ꞌe̱ꞌ. Jee nxi̱nóo ráa re̱ꞌ, jee kua̱ꞌa̱nꞌ ráa.

Colosenses 4:6

Jee sukuáni kuva̱ꞌa iniꞌ rán kaꞌanꞌ rán jín ráa, ya̱ táxínꞌ tu̱ꞌun káꞌánꞌ nú kuéntáꞌ nu̱ꞌú neyu sáꞌá ñɨ̱ɨ̱nꞌ, sáva kuniꞌ rán na̱sa íyó naxiníkó rán nu̱u̱nꞌ ta ɨɨn ɨɨn ráa.

Hechos 6:10

Soo ntu̱né nníꞌínꞌ ráa kuneí ráa jín re̱ꞌ, chi níchí xíniꞌ re̱ꞌ, jee njia̱ꞌa Ta̱chi̱ꞌ Ííꞌ Ndiosíꞌ nu̱u̱nꞌ re̱ꞌ sákachiꞌ re̱ꞌ.

Mateo 22:46

Jee ni ɨɨn ráa ni ntu nkúvi naxiníkó nu̱u̱nꞌ tu̱ꞌun nkachiꞌ Jesús, jee ne̱ ki̱vɨ̱ꞌ yukuán, jee ni ɨɨn ráa ka̱ꞌ ntu nkiji ka̱ꞌ iniꞌ ráa katu̱ꞌún ráa re̱ꞌ.

Mateo 22:33

Jee sáá nteso̱ꞌo rá ñɨvɨ kue̱ꞌe̱ꞌ rá tu̱ꞌun xínéꞌénꞌ Jesús, jee nti̱vɨ́ nasɨ́kuitɨꞌ xi̱ni̱ꞌ ráa.

Mateo 10:16

’Jee kune̱ꞌyá rán, chi nuꞌuꞌ chúichí ni̱ꞌ ránoꞌó kɨ̱ꞌɨ̱nꞌ rán nteñu rá ñɨvɨ, kuéntáꞌ kuáꞌánꞌ rá lanchi nteñu rá váꞌúꞌ xe̱e̱nꞌ. Saáva nito koo rán kuéntáꞌ ko̱o̱ꞌ, soo kuꞌun másúꞌ saɨn iniꞌ rán kuéntáꞌ paloma.

Lucas 21:15

Chi nuꞌuꞌ taji ni̱ꞌ tu̱ꞌun níchí ki̱vɨ antúníꞌ rán na̱ja kaꞌanꞌ rán naxiníkó rán nu̱u̱nꞌ ráa, sáva ni ɨɨn rá ñɨvɨ ya̱ kénta ráa si̱kɨ̱ꞌ ránó ni nsáꞌ kuneí ráa jín rán ni ntu̱náꞌ íyó nakachiꞌ ráa si̱kɨ̱ꞌ tu̱ꞌun kachiꞌ rán.

Mateo 8:10

Jee sáá nteso̱ꞌo Jesús rá tu̱ꞌun nkachiꞌ‑i, jee nti̱vɨ́ xíniꞌ re̱ꞌ, jee nkachiꞌ re̱ꞌ nu̱u̱nꞌ rá ñɨvɨ ya̱ níkɨ́nꞌ ráa re̱ꞌ kua̱ꞌa̱nꞌ: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ ni sú nu̱u̱nꞌ ñuunꞌ Israel ntu nnániꞌinꞌ ni̱ꞌ ni ɨɨn ñɨvɨ ya̱ kúneí víꞌí iniꞌ‑i nuꞌuꞌ, kuéntáꞌ kua̱ꞌ kúneí iniꞌ te̱e yaꞌá nuꞌuꞌ.