Mateo 21:35 - Mixteco del suroeste de Tlaxiaco Oaxaca

³⁵ Soo rá te̱e sátíñú vá ntɨɨn ráa rá musúꞌ re̱ꞌ vá, jee ɨɨn rá musúꞌ re̱ꞌ vá njia̱ꞌa ráa maa, jee inka ka̱ꞌ ñaꞌniꞌ ráa maa, jee inka ka̱ꞌ chi nkuun ráa yu̱u̱ꞌ maa.

Mateo 21:35 Referans Kwoze

Hechos 7:52

Jee rá te̱e nna̱kani tu̱ꞌun nkene yuꞌú Ndiosíꞌ chi, ¿né ɨɨn ráa ntu níto u̱ꞌvi̱ꞌ rá jííꞌ rán yanaꞌán rúja? Jee ñaꞌniꞌ ráa rá te̱e vá ya̱ nkachitu̱ꞌún ya̱chi̱ꞌ ráa, ya̱ kiji máá maá te̱e ya̱ na̱a̱ꞌ kúvi re̱ꞌ nu̱u̱nꞌ Ndiosíꞌ. Jee nna̱ku̱ꞌva rán re̱ꞌ, jee ñaꞌniꞌ rán maa.

Mateo 5:12

Na̱ ka̱ꞌ kusɨ̱ɨ̱ꞌ iniꞌ rán jee sɨ̱ɨ̱ꞌ kuvi ka̱ꞌ iniꞌ ánímaꞌ rán, chi mánasɨ́ ñáꞌnú ví ta̱ꞌvi̱ꞌ nataji Ndiosíꞌ nu̱u̱nꞌ rán ya̱ íyó ne̱ antivɨ́ súkún. Chi sánikua̱ꞌ sáꞌá kini ráa jín ránoꞌó suni sukuán nsa̱ꞌá kini rá ñɨvɨ jín rá te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán ne̱ ntiáꞌan nkiji ránoꞌó.

Apoclipsis 6:9

Jee sáá nsine re̱ꞌ ya̱ úꞌúnꞌ seyúꞌ, jee niniꞌ ni̱ꞌ maa nu̱u̱nꞌ chíñúꞌún ráa Ndiosíꞌ nu̱u̱nꞌ naní altar, jee niniꞌ ni̱ꞌ ya̱ chi̱ji yukuán yɨ́ꞌɨ́ rá ánímaꞌ rá ñɨvɨ ya̱ ni̱ꞌi̱ꞌ ráa chi ñaꞌniꞌ ñɨvɨ ráa jie̱ꞌe̱ꞌ ni̱nu̱ꞌ iniꞌ ráa tu̱ꞌun váꞌa Ndiosíꞌ jín ya̱ nstúvi ráa ya̱ naáꞌ jie̱ꞌe̱ꞌ tu̱ꞌun vá.

Mateo 21:34

’Jee sáá nkenta tiempúꞌ nastútú rá uva, jee nchu̱ichí re̱ꞌ rá musúꞌ re̱ꞌ nu̱u̱nꞌ rá te̱e sátíñú nu̱u̱nꞌ ñu̱ꞌún vá, sáva nakeꞌen re̱ꞌ tataꞌ sáꞌá sánikua̱ꞌ íyó ni̱ꞌi̱nꞌ re̱ꞌ.

Mateo 21:36

Jee tukuni nchu̱ichí re̱ꞌ kue̱ꞌe̱ꞌ ka̱ꞌ rá musúꞌ re̱ꞌ nsú káꞌ kua̱ꞌ ya̱ xíꞌnañúꞌún, jee rá te̱e sátíñú vá suni nuún nsa̱ꞌá kini ráa rá musúꞌ re̱ꞌ vá.