Mateo 21:34 - Mixteco del suroeste de Tlaxiaco Oaxaca

³⁴ ’Jee sáá nkenta tiempúꞌ nastútú rá uva, jee nchu̱ichí re̱ꞌ rá musúꞌ re̱ꞌ nu̱u̱nꞌ rá te̱e sátíñú nu̱u̱nꞌ ñu̱ꞌún vá, sáva nakeꞌen re̱ꞌ tataꞌ sáꞌá sánikua̱ꞌ íyó ni̱ꞌi̱nꞌ re̱ꞌ.

Mateo 21:34 Referans Kwoze

Mateo 22:3

Jee nchu̱ichí re̱ꞌ rá musúꞌ re̱ꞌ kua̱kana ráa rá ñɨvɨ ya̱ nkana re̱ꞌ viko tána̱ꞌá, jee ntu nkuíni rá ñɨvɨ vá kiji rává.

Mateo 21:35

Soo rá te̱e sátíñú vá ntɨɨn ráa rá musúꞌ re̱ꞌ vá, jee ɨɨn rá musúꞌ re̱ꞌ vá njia̱ꞌa ráa maa, jee inka ka̱ꞌ ñaꞌniꞌ ráa maa, jee inka ka̱ꞌ chi nkuun ráa yu̱u̱ꞌ maa.

Mateo 21:38

Soo rá te̱e sátíñú vá, sáá niniꞌ ráa se̱ꞌya yɨ́ɨ́ maáréꞌ, jee nkachiꞌ ɨɨn inka ráa: “Te̱e yaꞌá chi nu̱u̱nꞌ re̱ꞌ kino̱o ta̱ꞌvi̱ꞌ ñuꞌun yaꞌá. Nkóꞌónꞌ‑ó jee kaꞌniꞌ‑ó maa, jee kino̱o yó jín ta̱ꞌvi̱ꞌ‑i kuvi‑ó”, nkachiꞌ ráa.

Mateo 21:40

Jee sáá kiji te̱e xí ñuꞌun uva vá, ¿ná kúvi ya̱ saꞌá re̱ꞌ jín rá te̱e sátíñú vá rúja? ―nkachiꞌ Jesús.

Mateo 21:41

Jee nkachiꞌ ráa nu̱u̱nꞌ Jesús: ―Máá xéénꞌ xinóꞌo re̱ꞌ xináánꞌ re̱ꞌ rá te̱e kánéꞌén sátíñú vá, jee ku̱ꞌvanúún re̱ꞌ ñuꞌun vá nu̱u̱nꞌ káá tataꞌ uva vá nu̱u̱nꞌ rá inka ka̱ꞌ rá ñɨvɨ ya̱ naku̱ꞌva ráa uva nu̱u̱nꞌ re̱ꞌ sáni íyó ni̱ꞌi̱nꞌ re̱ꞌ, sáá kenta tiempúꞌ nastútú maa ―nkachiꞌ ráa.

Marcos 12:1

I̱ña̱jée nka̱jiéꞌé Jesús nna̱kani re̱ꞌ tu̱ꞌun ya̱ kúnkunuún káꞌánꞌ tu̱ꞌun vá nu̱u̱nꞌ ráa, jee nkachiꞌ‑i: ―Ɨɨn te̱e ntee re̱ꞌ rá yokúꞌúꞌ uva. Jee ñasɨꞌ re̱ꞌ kuráꞌ nu̱u̱nꞌ káá rá yokúꞌúꞌ uva vá. Jee ntu̱fí re̱ꞌ nu̱u̱nꞌ yu̱u̱ꞌ nu̱u̱nꞌ kuꞌni ráa uva. Jee nsa̱ꞌá re̱ꞌ ɨɨn veꞌi súkún, sáva kumí ráa nu̱u̱nꞌ káá tataꞌ uva. Jee kuíre njia̱núún re̱ꞌ ñuꞌun vá nu̱u̱nꞌ rá te̱e satíñú maa, jee nkene íká re̱ꞌ kua̱ꞌa̱nꞌ re̱ꞌ.

Marcos 12:7

Soo rá te̱e sátíñú vá nna̱túꞌún ráa: “Te̱e yaꞌá chi nu̱u̱nꞌ re̱ꞌ kino̱o ta̱ꞌvi̱ꞌ ñuꞌun yaꞌá. Nkóꞌónꞌ‑ó jee kaꞌniꞌ‑ó maa, jee ta̱ꞌvi̱ꞌ‑ó nuvi ñuꞌun yaꞌá.”

Marcos 12:9

’Saájee, ¿ná kúvi ya̱ saꞌá te̱e xí ñuꞌun uva vá rúja? Kiji re̱ꞌ jee xináánꞌ re̱ꞌ rá te̱e sátíñú vá. Jee ku̱ꞌvanúún re̱ꞌ ñuꞌun vá nu̱u̱nꞌ káá tataꞌ uva vá nu̱u̱nꞌ rá inka ka̱ꞌ ñɨvɨ.

Lucas 20:9

Jee nka̱jiéꞌé Jesús káchíꞌ re̱ꞌ nu̱u̱nꞌ rá ñɨvɨ tu̱ꞌun kúnkunuún yaꞌá suꞌva: ―Ɨɨn te̱e ntee re̱ꞌ rá yokúꞌúꞌ uva nu̱u̱nꞌ ñu̱ꞌún re̱ꞌ. Jee njia̱núún re̱ꞌ maa nu̱u̱nꞌ rá te̱e sátíñú maa, jee nkene re̱ꞌ kua̱ꞌa̱nꞌ re̱ꞌ kue̱ꞌe̱ꞌ tiempúꞌ.