Mateo 21:28 - Mixteco del suroeste de Tlaxiaco Oaxaca

²⁸ ’Saájee, ¿na̱ja káꞌvi iniꞌ rán jie̱ꞌe̱ꞌ tu̱ꞌun yaꞌá? Ɨɨn te̱e ni̱yo u̱vi̱ꞌ se̱ꞌya yɨ́ɨ́ re̱ꞌ, jee ña̱kuyatin re̱ꞌ nu̱u̱nꞌ se̱ꞌya yɨ́ɨ́ xíꞌnañúꞌún re̱ꞌ, jee nkachiꞌ re̱ꞌ: “Se̱ꞌya ni̱ꞌ, kuáꞌán, kɨ̱satíñú nú vitan nu̱u̱nꞌ káá tataꞌ sáꞌá ni̱ꞌ uva.”

Mateo 21:28 Referans Kwoze

1 Corintios 15:58

Jee saáva ránoꞌó ñaniꞌ jín ku̱ꞌva maáníꞌ ya̱ ñúnúunꞌ ni̱ꞌ, kuiñɨ ni̱ꞌin rán jín ya̱ yɨ́táꞌán kunikɨnꞌ rán Cristo, sukuáni sáꞌá rán ka̱ꞌ tiñu I̱toꞌoꞌ‑ó. Chi jíníꞌ rán ya̱ ntu sátíñú ka̱ꞌá rán jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó.

1 Corintios 10:15

Jee káꞌánꞌ ni̱ꞌ jín rán kuéntáꞌ kúvi rán ñɨvɨ ya̱ tánɨ́ꞌ xi̱ni̱ꞌ, jee sanáaꞌ ránoꞌó jie̱ꞌe̱ꞌ ya̱ káchíꞌ ni̱ꞌ retú ya̱ va̱tu̱ni káchíꞌ ni̱ꞌ, áxí, ntu̱ví.

Mateo 20:1

’Suꞌva tátúníꞌ Ndiosíꞌ nééꞌ antivɨ́ súkún nu̱u̱nꞌ rá ñɨvɨ yɨ́ꞌɨ́ xi̱ntíín re̱ꞌ, kúvi‑i kuéntáꞌ ɨɨn te̱e kúvi i̱toꞌoꞌ xí ñuꞌun, jee neꞌenꞌ víꞌí nkene re̱ꞌ kua̱nukú re̱ꞌ musúꞌ sáva satíñú ráa nteñu rá tataꞌ uva re̱ꞌ.

Marcos 13:34

Sukuán íyó kuéntáꞌ íyó ɨɨn te̱e ya̱ nkene‑e veꞌi‑i jee kua̱ꞌa̱nꞌ íká‑a. Jee ne̱ ntiáꞌan kene re̱ꞌ, jee njia̱ꞌa re̱ꞌ nu̱u̱nꞌ ta ɨɨn rá musúꞌ re̱ꞌ tiñu sáꞌá ráa, sáva kuneen kuéntáꞌ ráa veꞌi re̱ꞌ. Jee nta̱túníꞌ re̱ꞌ nu̱u̱nꞌ te̱e kúmí yuvéꞌí, ya̱ nito koo‑o.

Lucas 13:4

Áxí rá ni xáꞌúnꞌ u̱ni̱ꞌ (18) rá te̱e ya̱ nna̱niso torre Siloé ya̱ta̱ꞌ ráa jee ñaꞌniꞌ‑i ráa, ¿á jiáni iniꞌ rán ya̱ kúvi ráa ñɨvɨ íyó ka̱ꞌ kua̱chi ráa, nsú káꞌ ntáká rá ñɨvɨ ñuunꞌ Jerusalén rúja?

Mateo 21:33

’Teso̱ꞌo ránú inka ka̱ꞌ tu̱ꞌun kúnkunuún yaꞌá: Ni̱yo ɨɨn te̱e kúvi i̱toꞌoꞌ xí ñuꞌun, jee ntee re̱ꞌ rá yokúꞌúꞌ uva nu̱u̱nꞌ ñu̱ꞌún re̱ꞌ, jee ñasɨꞌ re̱ꞌ kuráꞌ yuꞌú nu̱u̱nꞌ káá rá yokúꞌúꞌ uva vá, jee ntu̱fí re̱ꞌ nu̱u̱nꞌ yu̱u̱ꞌ nu̱u̱nꞌ kuꞌni ráa uva, jee nsa̱ꞌá re̱ꞌ ɨɨn veꞌi súkún sáva kumí ráa nu̱u̱nꞌ káá tataꞌ uva. Jee kuíre njia̱núún re̱ꞌ ñuꞌun vá nu̱u̱nꞌ rá te̱e satíñú maa jee nkene re̱ꞌ kua̱ꞌa̱nꞌ íká re̱ꞌ.

Mateo 17:25

Jee nkachiꞌ Pedro: ―Saá. Jee sáá nki̱vɨ Pedro iniꞌ veꞌi, jee xíꞌna ka̱ꞌ máá Jesús nkaꞌanꞌ re̱ꞌ Pedro, jee ni̱ka̱tu̱ꞌún re̱ꞌ máá: ―¿Ná jiáni iniꞌ nú, Simón? Rá te̱e ya tátúníꞌ nu̱u̱nꞌ rá ñuunꞌ ñɨ̱vɨ́ yaꞌá, ¿né ɨɨn nu̱u̱nꞌ ñɨvɨ náneeꞌ ráa rá xu̱ꞌún jín rá xu̱ꞌún tétáꞌán, á nu̱u̱nꞌ rá se̱ꞌya maáráa, áxí nu̱u̱nꞌ rá inka ñɨvɨ rúja? ―nkachiꞌ Jesús.

Mateo 22:17

Saáva kachiꞌ xá nu̱u̱nꞌ ráníꞌ na̱ja jiáni iniꞌ nú, ¿á yɨ́netuꞌ ya̱ chunáán‑ó xu̱ꞌún náneeꞌ te̱e ya̱ tátúníꞌ nación Roma, áxí ntu̱ví? ―nkachiꞌ rává nu̱u̱nꞌ Jesús.

Mateo 21:27

Jee nna̱xiníkó ráa nu̱u̱nꞌ Jesús, jee nkachiꞌ ráa: ―Ntu jíníꞌ ránꞌ ―nkachiꞌ ráa. Jee suni nkachiꞌ re̱ꞌ nu̱u̱nꞌ ráa: ―Nuꞌuꞌ ranika̱ꞌ suni nsáꞌ kachiꞌ ni̱ꞌ nu̱u̱nꞌ rán na̱ tiñu níso ni̱ꞌ ya̱ sáꞌá ni̱ꞌ rá tiñu yaꞌá.

Mateo 21:29

Jee nna̱xiníkó‑o nu̱u̱nꞌ tátáꞌ‑a, jee nkachiꞌ‑i: “Ntu kuíni ni̱ꞌ kɨ̱ꞌɨ̱nꞌ ni̱ꞌ”, nkachiꞌ‑i, soo kuéé jee nna̱kani iniꞌ‑i jee ña̱ꞌa̱nꞌ‑a.