Mateo 21:10 - Mixteco del suroeste de Tlaxiaco Oaxaca

¹⁰ Sáá nki̱vɨ Jesús ñuunꞌ káꞌnú Jerusalén, jee ntáká rá ñɨvɨ ñuunꞌ vá ne̱ va̱a̱ꞌ kúvi ráa, jee nkachiꞌ ráa: ―¿Né ɨɨn kúvi te̱e yaꞌá?

Mateo 21:10 Referans Kwoze

Hechos 9:5

Jee ni̱ka̱tu̱ꞌún Saulo: ―¿Né ɨɨn kúvi nú, I̱toꞌoꞌ ni̱ꞌ? Jee nna̱xiníkó ta̱chi̱ꞌ yuꞌú vá: ―Maáníꞌ kúvi Jesús, ya̱ jíto u̱ꞌvi̱ꞌ nú. [Xínóꞌo nú maánú, kuéntáꞌ ɨɨn sa̱na̱ꞌ ya̱ jiáñúꞌ yátá ti̱ꞌ xi̱ni̱ꞌ tu̱xíi ñɨvɨ tájí ti̱ꞌ.]

Lucas 9:9

Jee nkachiꞌ Herodes: ―Nuꞌuꞌ nta̱jí ni̱ꞌ ya̱ kuachi ráa xi̱ni̱ꞌ Juan, jee saáva, ¿né ɨɨn kúvi te̱e yaꞌá jie̱ꞌe̱ꞌ ya̱ tésóꞌo ni̱ꞌ ya̱ sáꞌá re̱ꞌ rá tiñu sukuán rúja? ―nkachiꞌ re̱ꞌ, jee núkú re̱ꞌ na̱ja kuvi kuniꞌ re̱ꞌ Jesús.

Lucas 7:49

Saájee rá inka ka̱ꞌ ñɨvɨ nééꞌ nkáá jín re̱ꞌ yumesáꞌ yájíꞌ ráa xi̱ta̱ꞌ káꞌánꞌ ɨɨn inka ráa jín táꞌán ráa: ―¿Né ɨɨn kúvi te̱e yaꞌá, ya̱ ne̱ rá kua̱chi sáꞌá ñɨvɨ nékáꞌnú iniꞌ re̱ꞌ? ―nkachiꞌ ráa.

Lucas 5:21

Saájee rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ jín rá fariseo vá, nka̱jiéꞌé ráa jiáni iniꞌ ráa: “¿Né ɨɨn kúvi te̱e yaꞌá ya̱ káꞌánꞌ re̱ꞌ tu̱níváꞌa néꞌyá re̱ꞌ Ndiosíꞌ? Chi, ¿né ɨɨn kúvi ya̱ nékáꞌnú iniꞌ kua̱chi sáꞌá ñɨvɨ rúja? Chisaꞌ métúꞌún ni Ndiosíꞌ ví ya̱ nékáꞌnú iniꞌ re̱ꞌ jie̱ꞌe̱ꞌ kua̱chi sáꞌá ñɨvɨ rúja.”

Juan 2:18

Saájee rá te̱e kúñáꞌnú nu̱u̱nꞌ rá ñɨvɨ Israel nkachiꞌ ráa nu̱u̱nꞌ re̱ꞌ: ―¿Na̱ seña xtúvi nú nu̱u̱nꞌ ránꞌ ya̱ íyó tiñu níso nú ya̱ sáꞌá nú rá tiñu yaꞌá résa? ―nkachiꞌ ráa.

Lucas 20:2

Jee nkachiꞌ ráa nu̱u̱nꞌ re̱ꞌ: ―Kachiꞌ nú nu̱u̱nꞌ ránꞌ, ¿na̱ tiñu níso nú ya̱ sáꞌá nú rá tiñu yaꞌá?, áxí, ¿né ɨɨn ntaji tiñu yaꞌá nu̱u̱nꞌ nú sáꞌá nú maa rúja? ―nkachiꞌ ráa.

Mateo 2:3

Jee Herodes, te̱e tátúníꞌ, jee sáá nteso̱ꞌo re̱ꞌ tu̱ꞌun vá, jee nku̱níní víꞌí iniꞌ re̱ꞌ, jín suni ntáká rá ñɨvɨ ñuunꞌ Jerusalén ranika̱ꞌ.

Mateo 21:9

Jee rá ñɨvɨ ya̱ kuáꞌánꞌ ichinúúnꞌ re̱ꞌ jín rá ñɨvɨ níkɨ́nꞌ ya̱ta̱ꞌ re̱ꞌ kánajíín ráa, jee káchíꞌ ráa: ―¡Sikáku ránuꞌuꞌ, nákuetúꞌún‑ó maáréꞌ ya̱ kúvi Se̱ꞌya ichiyúkúnꞌ David! ¡Na̱ ka̱ꞌ netuꞌ ka̱ꞌ kúvi maáréꞌ ya̱ váji jín tiñu ñáꞌnú nu̱u̱nꞌ súví I̱toꞌoꞌ‑ó Ndiosíꞌ! ¡Sikáku Ndiosíꞌ yó!, chi, ¡na̱ ka̱ꞌ ñáꞌnú ka̱ꞌ Ndiosíꞌ nééꞌ antivɨ́ súkún! ―káchíꞌ rá ñɨvɨ vá.

Mateo 21:11

Jee nkachiꞌ rá ñɨvɨ kuáꞌánꞌ jín Jesús: ―Yaꞌá kúvi Jesús ya̱ nákani re̱ꞌ tu̱ꞌun kéne yuꞌú máá maá Ndiosíꞌ. Kúvi re̱ꞌ te̱e ñuunꞌ Nazaret ya̱ tɨ́ɨn ñuꞌun Galilea ―nkachiꞌ ráa.