Mateo 20:26 - Mixteco del suroeste de Tlaxiaco Oaxaca

²⁶ Soo nkúvi sukuán nteñu rán. Chisaꞌ néni ɨɨn ránú ya̱ kuíni‑i kuñáꞌnú‑u ka̱ꞌ nteñu rán, jee íyó kɨtíñú ñɨvɨ vá nu̱u̱nꞌ ránú.

Mateo 20:26 Referans Kwoze

Marcos 10:43

Soo nkúvi sukuán nteñu rán. Chisaꞌ néni ɨɨn ránú ya̱ kuíni‑i kuñáꞌnú‑u ka̱ꞌ nteñu rán, jee íyó kɨtíñú ñɨvɨ vá nu̱u̱nꞌ rán.

Marcos 10:45

Chi nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, nsáꞌ váji ni̱ꞌ, sáva kɨtíñú rá ñɨvɨ nu̱u̱nꞌ ni̱ꞌ, chisaꞌ va̱ji ni̱ꞌ sáva kɨtíñú ni̱ꞌ nu̱u̱nꞌ rá ñɨvɨ. Jee va̱ji ni̱ꞌ sáva ku̱ꞌva ni̱ꞌ maáníꞌ kuviꞌ ni̱ꞌ, sáva chunáán nkáꞌnú ni̱ꞌ maáníꞌ nu̱u̱nꞌ Ndiosíꞌ sáva nakani núne ni̱ꞌ kue̱ꞌe̱ꞌ ñɨvɨ nkɨ́ꞌɨ ráa xi̱ntíín kua̱chi ráa xinánitáꞌvíꞌ ni̱ꞌ ráa ―nkachiꞌ Jesús.

Marcos 9:35

Jee ña̱kuneeꞌ re̱ꞌ jee nkana re̱ꞌ rá ni uxúꞌ u̱vi̱ꞌ (12) ráa jee nkachiꞌ re̱ꞌ nu̱u̱nꞌ ráa: ―Ré néni ɨɨn kuíni kuvi ñɨvɨ kúñáꞌnú ka̱ꞌ nu̱u̱nꞌ nɨꞌɨ, íyó kuvi‑i ne̱ nu̱u̱nꞌ nɨ́ꞌɨ ka̱ꞌ jee íyó chineí‑i inka ñɨvɨ kuéntáꞌ kuvi‑i ɨɨn musúꞌ nu̱u̱nꞌ nɨꞌɨ.

1 Pedro 5:3

Jee koto tátúníꞌ ni̱ꞌin rán ntáká tiñu nu̱u̱nꞌ rá ñɨvɨ ya̱ néen kuéntáꞌ rán. Chisaꞌ kueꞌnu va̱ꞌa rán ichi Ndiosíꞌ sáva suꞌva ku̱ꞌva rán ɨɨn ichi váꞌa nu̱u̱nꞌ ráa na̱ja kueꞌnu ráa.

Lucas 18:14

Jee káchíꞌ ni̱ꞌ nu̱u̱nꞌ rán ya̱ te̱e vá nástútú xu̱ꞌún náneeꞌ vetíñú Roma, jee nsa̱ꞌá Ndiosíꞌ ya̱ nkino̱o na̱a̱ꞌ‑a nu̱u̱nꞌ re̱ꞌ sáá nni̱kó‑o veꞌi‑i. Soo inka te̱e vá ntu̱ví. Chi ntáká ñɨvɨ ya̱ kutéyɨ́ɨ́‑ɨ sáꞌá ñáꞌnú‑u maáa, jee saꞌ kino̱o kanuun ñɨvɨ vá. Jee ɨɨn ñɨvɨ ya̱ sáꞌá núun‑u maáa ñúláꞌví iniꞌ‑i maáa, jee ni̱ꞌi̱nꞌ‑i ya̱ nuñáꞌnú‑u.

1 Pedro 4:11

Retú níꞌínꞌ ɨɨn ránoꞌó ɨɨn ta̱ꞌvi̱ꞌ ya̱ chíneí Ndiosíꞌ nó kaꞌanꞌ nú, jee kaꞌanꞌ sáni káꞌánꞌ nú Tu̱ꞌun Ndiosíꞌ. Jee retú ɨɨn ránoꞌó ni̱ꞌi̱nꞌ nú ta̱ꞌvi̱ꞌ ya̱ chineí nú táꞌán nú, jee saꞌá nú maa jín fuersáꞌ táji Ndiosíꞌ nu̱u̱nꞌ nú, sáva nakuetúꞌún rá ñɨvɨ Ndiosíꞌ jie̱ꞌe̱ꞌ ntáká tiñu sáꞌá rán jie̱ꞌe̱ꞌ Jesús ya̱ kúvi Cristo, jee kúñáꞌnú nasɨ́kuitɨꞌ re̱ꞌ tátúníꞌ re̱ꞌ nɨ́ɨ́nkání. Sukuán koo.

Mateo 25:44

’Saájee suni naxiníkó ráa nu̱u̱nꞌ nuꞌuꞌ, jee kachiꞌ ráa: “I̱toꞌoꞌ, ¿na̱ tiempúꞌ niniꞌ ráníꞌ ya̱ jíso̱ko nú, áxí jíchíꞌ nú nute, áxí jíka nú kuéntáꞌ ɨɨn te̱e jíka íká inka ñuunꞌ, áxí kúmániꞌ saꞌma kuꞌun nú, áxí kúꞌvíꞌ nú, áxí yɨ́ꞌɨ́ nú veka̱a, jee ni ntu̱ví nchíneí ránꞌ noꞌó?”

Hebreos 1:14

Chi ntáká rá najiáꞌáꞌ ííꞌ Ndiosíꞌ, jee súka̱ꞌ ntu̱ví íyó yɨkɨkúñu ráa, soo jiátíñú re̱ꞌ ráa kúvi ráa musúꞌ re̱ꞌ sáꞌá ráa tiñu re̱ꞌ, chi chúichí re̱ꞌ ráa sáva chineí ráa ntáká rá ñɨvɨ ya̱ ni̱ꞌi̱nꞌ rává ta̱ꞌvi̱ꞌ ya̱ nanitáꞌvíꞌ rává.

Filemón 1:13

Jee nkuini ni̱ꞌ ya̱ kino̱o re̱ꞌ jín nuꞌuꞌ yaꞌá, sáva nu̱u̱nꞌ nú chíneí re̱ꞌ nuꞌuꞌ ya̱ jíniñúꞌún ni̱ꞌ ni yɨ́ꞌɨ́ ni̱ꞌ veka̱a jie̱ꞌe̱ꞌ káchítu̱ꞌún ni̱ꞌ tu̱ꞌun váꞌa jie̱ꞌe̱ꞌ Cristo.

2 Timoteo 1:18

Jíkánꞌ táꞌvíꞌ ni̱ꞌ ya̱ kunáꞌví iniꞌ I̱toꞌoꞌ‑ó re̱ꞌ, máá ki̱vɨ̱ꞌ nenta tuku I̱toꞌoꞌ‑ó. Jee jíníꞌ va̱ꞌa nú na̱ja nchi̱neí re̱ꞌ ránuꞌuꞌ ñuunꞌ Éfeso.

2 Corintios 1:24

Jee nsáꞌ núníꞌin ránꞌ kosoꞌ ránꞌ nu̱u̱nꞌ ránoꞌó jie̱ꞌe̱ꞌ ichi ya̱ kúneí iniꞌ ránú Jesús. Chisaꞌ táꞌán sátíñú nkáá kúvi ránꞌ jín ránoꞌó, sáva kusɨ̱ɨ̱ꞌ iniꞌ ánímaꞌ ránú. Chi íñɨ́ ni̱ꞌin rán jie̱ꞌe̱ꞌ kúneí iniꞌ rán Cristo.

Hechos 13:5

Sáá nkenta ráa ñuunꞌ Salamina, ya̱ tɨ́ɨn Chipre, jee nnuun ráa barkúꞌ yukuán, jee nste̱kútu̱ꞌún ráa Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ néñu̱ꞌun rá ñɨvɨ Israel nééꞌ yukuán Ndiosíꞌ. Suni kútáꞌán Juan jín ráa, sáva chineí re̱ꞌ ráa.

Juan 18:36

Saájee Jesús nna̱xiníkó‑o: ―Tiñu níso ni̱ꞌ ya̱ tátúníꞌ ni̱ꞌ jee ntu kéne‑e nu̱u̱nꞌ ñɨ̱vɨ́ yaꞌá. Chi retánꞌ nu̱u̱nꞌ ñɨ̱vɨ́ yaꞌá kéne tiñu níso ni̱ꞌ tátúníꞌ ni̱ꞌ, saájee rá ñɨvɨ yɨ́ꞌɨ́ xi̱ntíín ni̱ꞌ kantáꞌán ráa jee nama ráa nuꞌuꞌ sáva nkúꞌva ráa nuꞌuꞌ xi̱ntíín rá te̱e kúñáꞌnú nu̱u̱nꞌ Israel. Soo tiñu níso ni̱ꞌ tátúníꞌ ni̱ꞌ nsáꞌ kéne nu̱u̱nꞌ ñɨ̱vɨ́ yaꞌá ―nkachiꞌ Jesús.

Mateo 27:55

Jee yukuán íñɨ́ kue̱ꞌe̱ꞌ rá ñaꞌan néꞌyá íká ráña, jee suviráña vá nchi̱nikɨnꞌ ráña Jesús ne̱ ñuꞌun Galilea sáva chineí ráa re̱ꞌ.

Apoclipsis 17:6

Jee niniꞌ ni̱ꞌ ya̱ jíni ñaꞌan vá jín ni̱ñɨ̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Ndiosíꞌ, jín ni̱ñɨ̱ꞌ rá ñɨvɨ ya̱ nnákani ráa ya̱ nááꞌ jie̱ꞌe̱ꞌ Jesús, ya̱ káchíꞌ‑ó ya̱ ñaꞌniꞌ víꞌí ña ráa. Jee nti̱vɨ́ víꞌí xíniꞌ ni̱ꞌ sáá niniꞌ ni̱ꞌ ña.

Mateo 20:27

Jee néni ɨɨn ránú kuíni‑i kuvi‑i ya̱ xíꞌnañúꞌún nteñu ránú kosoꞌ‑o nu̱u̱nꞌ ránú, jee íyó kuvi‑i kuéntáꞌ ɨɨn musúꞌ kéꞌen ñɨvɨ kɨtíñú‑u chineí‑i nu̱u̱nꞌ ránú,

Lucas 22:26

Soo ránoꞌó chi ni nkúvi sukuán jín rán. Chisaꞌ ɨɨn ya̱ kúñáꞌnú ká nteñu rán, jee íyó naxinúun‑u maáa sáva kuvi‑i kuéntáꞌ ɨɨn maá súchí ka̱ꞌ, jee ɨɨn ñɨvɨ ya̱ yósóꞌ nu̱u̱nꞌ rán íyó koo kuéntáꞌ musúꞌ ya̱ yɨ́tíñú‑u nu̱u̱nꞌ inka ñɨvɨ.