Mateo 20:23 - Mixteco del suroeste de Tlaxiaco Oaxaca

²³ Saájee nkachiꞌ Jesús nu̱u̱nꞌ ráa: ―Ya̱ nááꞌ ví nijia ya̱ kunoꞌo ni̱ꞌ, jín suni kunoꞌo rán kuéntáꞌ kunoꞌo ni̱ꞌ, [jee kunoꞌo rán tu̱nóꞌó kuanuté rán kuéntáꞌ kunoꞌo ni̱ꞌ tu̱nóꞌó kuanuté ni̱ꞌ], soo rá ñɨvɨ ya̱ kuneeꞌ xiín ichi kuáꞌá ni̱ꞌ jín ichi sátín ni̱ꞌ, nsú nuꞌuꞌ ví ya̱ ku̱ꞌva maa nu̱u̱nꞌ ñɨvɨ, chisaꞌ Tátáꞌ ni̱ꞌ Ndiosíꞌ ya nsa̱túꞌva re̱ꞌ maa sáva ku̱ꞌva re̱ꞌ maa nu̱u̱nꞌ rá ñɨvɨ nka̱ji re̱ꞌ kuneeꞌ maa ―nkachiꞌ Jesús.

Mateo 20:23 Referans Kwoze

Apoclipsis 1:9

Nuꞌuꞌ Juan, ya̱ kúvi ni̱ꞌ ñanitáꞌán‑órán. Jee jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, ɨɨn nuún ni nkáá nóꞌo ni̱ꞌ jín ránoꞌó tu̱nóꞌó sáꞌá kíni ñɨvɨ yó, jee ɨɨn nuún ni nkáá yɨ́ꞌɨ́ ni̱ꞌ jín rán xi̱ntíín Ndiosíꞌ, jee ɨɨn nuún ni nkáá káꞌnú íyó iniꞌ‑ó kúneí‑ó kúníꞌin‑ó íñɨ́‑ó jín Cristo. Jee jie̱ꞌe̱ꞌ ya̱ stékútu̱ꞌún ni̱ꞌ tu̱ꞌun váꞌa Ndiosíꞌ jín tu̱ꞌun ya̱ kúvi ya̱ naáꞌ ya̱ njiáꞌa Jesús, jee saáva ntɨɨn rá ñɨvɨ nuꞌuꞌ yɨ́ꞌɨ́ ni̱ꞌ xi̱ntíín ráa, jee ña̱na̱ka ráa nuꞌuꞌ ne̱ nu̱u̱nꞌ ɨɨn ñuꞌun naní Patmos ya̱ káá sɨ́ɨ́n ma̱ꞌñú nteñúꞌún.

Hechos 12:2

Jee nta̱jí re̱ꞌ kaꞌniꞌ rá ñɨvɨ Jacobo, ñaniꞌ Juan, jín yuchiꞌ espada.

Marcos 10:40

Soo rá ñɨvɨ ya̱ kuneeꞌ xiín ichi kuáꞌá ni̱ꞌ áxí ichi sátín ni̱ꞌ, nsú nuꞌuꞌ ví ya̱ ku̱ꞌva maa nu̱u̱nꞌ ñɨvɨ. Chisaꞌ Ndiosíꞌ ya nsa̱túꞌva maa sáva ku̱ꞌva re̱ꞌ maa nu̱u̱nꞌ ñɨvɨ ya̱ nka̱ji re̱ꞌ kuneeꞌ maa ―nkachiꞌ Jesús nu̱u̱nꞌ ráa.

Mateo 25:34

’Saájee nuꞌuꞌ ya̱ kúvi ni̱ꞌ ya̱ tátúníꞌ nu̱u̱nꞌ nɨꞌɨ jee kachiꞌ ni̱ꞌ nu̱u̱nꞌ rá ñɨvɨ íñɨ́ ichi kuáꞌá ni̱ꞌ: “Neꞌenꞌ ránoꞌó, ya̱ netuꞌ kúvi rán nsa̱ꞌá Tátáꞌ ni̱ꞌ, jee ni̱ꞌi̱nꞌ rán ta̱ꞌvi̱ꞌ ya̱ váꞌa ya̱ yɨ́ꞌɨ́ rán xi̱ntíín re̱ꞌ tátúníꞌ re̱ꞌ nu̱u̱nꞌ rán ya̱ ya íyó túꞌva‑a ne̱ sáá nka̱jiéꞌé ña̱ko̱o ñɨ̱vɨ́ yaꞌá nsa̱ꞌá re̱ꞌ.

1 Corintios 2:9

Chi suꞌva nsi̱kúnkuvi Ndiosíꞌ sánikua̱ꞌ káꞌánꞌ tu̱ꞌun nééꞌ nu̱u̱nꞌ Tutuꞌ níso Tu̱ꞌun re̱ꞌ ya̱ káchíꞌ: Ya̱ váꞌa nsa̱ꞌá stákoo Ndiosíꞌ ya̱ kuvi ñɨvɨ ñúnúunꞌ ráa re̱ꞌ, jee yukuán ni ɨɨn ñɨvɨ ntu̱ví néꞌyá jínúunꞌ maa, jee ni ntu̱ví tésóꞌo ráa jín so̱ꞌo jie̱ꞌe̱ꞌ‑e, ni ntu̱ví jiáni iniꞌ ánímaꞌ ráa ya̱ sukuán koo káchíꞌ nu̱u̱nꞌ Tutuꞌ.

Romanos 8:17

Jee ya̱ ya kúvi‑ó se̱ꞌya Ndiosíꞌ, jee suni ni̱ꞌi̱nꞌ‑ó ɨɨn ta̱ꞌvi̱ꞌ. Chi kutaꞌviꞌ‑ó ta̱ꞌvi̱ꞌ taji Ndiosíꞌ nu̱u̱nꞌ‑ó. Jee kutaꞌviꞌ nkáá‑ó ta̱ꞌvi̱ꞌ vá jín Cristo. Retú kuiñɨ ni̱ꞌin‑ó jín Cristo jee íyó ñɨvɨ koto u̱ꞌvi̱ꞌ ráa yó kuéntáꞌ nito u̱ꞌvi̱ꞌ ráa re̱ꞌ. Jee nu̱u̱nꞌ nóꞌo‑órán sukuán jín Cristo, jee suni saꞌá Ndiosíꞌ ya̱ viiꞌ kuñáꞌnú nkáá‑ó jín Cristo.

Hebreos 11:16

Soo nñu̱ꞌun iniꞌ ráa ɨɨn ñuunꞌ váꞌa ka̱ꞌ ya̱ kúvi ñuunꞌ antivɨ́. Jee saáva Ndiosíꞌ ntu kúkanuun re̱ꞌ kuna̱ní re̱ꞌ Ndiosíꞌ ráa. Nsa̱ꞌá stákoo re̱ꞌ ñuunꞌ ya̱ kuvi ráa.

Colosenses 1:24

Vitan jee nuꞌuꞌ, ne̱ ánímaꞌ ni̱ꞌ kúsɨ́ɨꞌ víꞌí iniꞌ ni̱ꞌ ya̱ nóꞌo ni̱ꞌ jie̱ꞌe̱ꞌ tiñu sáꞌá ni̱ꞌ jie̱ꞌe̱ꞌ ya̱ váꞌa ránoꞌó. Sáni nnoꞌo Cristo jie̱ꞌe̱ꞌ rá ñɨvɨ ya̱ kúneí iniꞌ ráa re̱ꞌ, suni sukuán ne̱ yɨkɨkúñu máá maáníꞌ nóꞌo ni̱ꞌ ni síkúnkuvi ni̱ꞌ tiñu Cristo jie̱ꞌe̱ꞌ ya̱ váꞌa maáráa, ya̱ kúvi ráa kuéntáꞌ yɨkɨkúñu re̱ꞌ, ya̱ kúvi ráa ñɨvɨ re̱ꞌ ya̱ nstútú re̱ꞌ.

2 Corintios 1:7

Jee íyó kutú tu̱ꞌun neí iniꞌ ráníꞌ ya̱ kuiñɨ ni̱ꞌin ránú, chi jíníꞌ ráníꞌ ya̱ sánikua̱ꞌ suni ne̱ taꞌanꞌ ránoꞌó nóꞌo rán tu̱nóꞌó jín ránuꞌuꞌ, jee suni sukuán ranika̱ꞌ nasáneí Ndiosíꞌ iniꞌ ne̱ jíꞌín ránoꞌó jín ránuꞌuꞌ.

Mateo 13:11

Saájee nna̱xiníkó re̱ꞌ nkachiꞌ re̱ꞌ nu̱u̱nꞌ ráa: ―Nu̱u̱nꞌ ránoꞌó chi ntaji Ndiosíꞌ ya̱ kukáꞌnú iniꞌ rán jie̱ꞌe̱ꞌ rá tu̱ꞌun nyɨse̱ꞌí jie̱ꞌe̱ꞌ na̱ja kívɨ ñɨvɨ naꞌá Ndiosíꞌ jee tátúníꞌ re̱ꞌ nu̱u̱nꞌ ráa ya̱ nééꞌ re̱ꞌ antivɨ́ súkún. Soo nu̱u̱nꞌ rá inka ka̱ꞌ ntu̱ví njiáꞌa re̱ꞌ maa.

Mateo 20:24

Jee sáá nteso̱ꞌo ni ujíꞌ ka̱ꞌ rá te̱e súkuáꞌa re̱ꞌ vá rá tu̱ꞌun nkachiꞌ re̱ꞌ vá, jee nki̱ti̱ꞌ iniꞌ ráa nne̱ꞌyá ráa Jacobo jín ñaniꞌ‑i Juan.