Mateo 20:22 - Mixteco del suroeste de Tlaxiaco Oaxaca

²² Jee nna̱xiníkó Jesús nu̱u̱nꞌ ráa, jee nkachiꞌ re̱ꞌ: ―Ntu jíníꞌ rán ná kúvi ya̱ jíkánꞌ rán nu̱u̱nꞌ ni̱ꞌ. ¿Á kuvi kunoꞌo rán tu̱nóꞌó kiji kunoꞌo ni̱ꞌ, koꞌo ni̱ꞌ maa? [Jee, ¿á kuvi kunoꞌo rán tu̱nóꞌó kunoꞌo ni̱ꞌ kuéntáꞌ kuanuté ni̱ꞌ maa?] ―nkachiꞌ Jesús. Jee nkachiꞌ ráa: ―Kuvi saꞌá ránꞌ maa.

Mateo 20:22 Referans Kwoze

Lucas 22:42

jee nkachiꞌ re̱ꞌ: ―Tátáꞌ ni̱ꞌ, retú kuíni nú, jee siíyo nú copa yaꞌá ya̱ kúvi tu̱nóꞌó kiji kunoꞌo ni̱ꞌ. Soo koto sáꞌá nú ya̱ kuíni iniꞌ nuꞌuꞌ, chisaꞌ saꞌá nú sáni ya̱ kuíni maánú ―nkachiꞌ re̱ꞌ.

Mateo 26:42

Jee nni̱kó tuku re̱ꞌ kua̱ꞌa̱nꞌ re̱ꞌ ya̱ uvíꞌ íchí, jee jíkánꞌ táꞌvíꞌ re̱ꞌ, jee nkachiꞌ re̱ꞌ: ―Tátáꞌ maáníꞌ, retú ntu kúvi jia̱ꞌa tu̱nóꞌó yaꞌá ya̱ váji kunoꞌo ni̱ꞌ, jee saꞌá sáni kuíni maánú ―nkachiꞌ Jesús.

Juan 18:11

Saájee nkachiꞌ Jesús nu̱u̱nꞌ Pedro: ―Nachuꞌun yuchiꞌ espada nú iniꞌ ñɨɨn yuchiꞌ nú. Chi tu̱nóꞌó ntaji Tátáꞌ ni̱ꞌ nu̱u̱nꞌ ni̱ꞌ, ¿á ntu saá íyó kunoꞌo ni̱ꞌ maa réja? ―nkachiꞌ Jesús.

Marcos 14:36

Jee ni̱ka̱nꞌ táꞌvíꞌ re̱ꞌ: ―¡Abba! ¡Tátáꞌ ni̱ꞌ! Nɨꞌɨ nu̱u̱nꞌ vá kúvi saꞌá nú. Siíyo nú copa yaꞌá ya̱ kúvi tu̱nóꞌó kiji kunoꞌo ni̱ꞌ. Soo koto sáꞌá nú ya̱ kuíni iniꞌ nuꞌuꞌ, chisaꞌ saꞌá ya̱ kuíni maánú ―sukuán ni̱ka̱nꞌ táꞌvíꞌ re̱ꞌ.

Mateo 26:39

Jee nika Jesús ntíꞌ ka̱ꞌ ichinúúnꞌ, jee ña̱kui̱ñɨ̱ꞌ ítɨ́ re̱ꞌ ña̱xin re̱ꞌ nu̱u̱nꞌ re̱ꞌ ne̱ nu̱u̱nꞌ ñu̱ꞌún, jee jíkánꞌ táꞌvíꞌ re̱ꞌ, jee káchíꞌ re̱ꞌ: ―Tátáꞌ ni̱ꞌ, retú kuvi, jee siíyo nú copa yaꞌá ya̱ kúvi tu̱nóꞌó kiji kunoꞌo ni̱ꞌ. Soo koto saꞌá nú sáni kuíni iniꞌ nuꞌuꞌ, chisaꞌ saꞌá nú sáni kuíni maánú ―nkachiꞌ Jesús.

Romanos 8:26

Jee suni sukuán chíneí chítuvi Ta̱chi̱ꞌ Ííꞌ yó chi táyáꞌ iniꞌ‑ó. Chi sáá ntu jíníꞌ‑ó na̱sa kaꞌanꞌ‑ó jín Ndiosíꞌ, soo máá maá Ta̱chi̱ꞌ Ííꞌ vá tána re̱ꞌ jíkánꞌ táꞌvíꞌ re̱ꞌ nu̱u̱nꞌ Ndiosíꞌ jie̱ꞌe̱ꞌ‑ó ya̱ ntu níꞌínꞌ‑ó sákachiꞌ‑ó.

Santiago 4:3

Jee sáá jíkánꞌ rán maa nu̱u̱nꞌ re̱ꞌ, ntu níꞌínꞌ rán maa, chi jie̱ꞌe̱ꞌ ya̱ niváꞌa jiáni iniꞌ rán jíkánꞌ rán maa, chi jíkánꞌ rán maa sáva kuatíñú rán maa nu̱u̱nꞌ ya̱ sɨ́ɨ́ꞌ níyo iniꞌ rán.

Lucas 12:50

Jee íyó kuanuté ni̱ꞌ nu̱u̱nꞌ tu̱nóꞌó, jee na̱ ka̱ꞌ vá núkuíꞌyáꞌ iniꞌ ni̱ꞌ nekuaꞌ sikúnkuvi ni̱ꞌ maa.

Mateo 26:56

Soo nɨꞌɨ yaꞌá kúvi suꞌva sáva sikúnkuvi rá tu̱ꞌun nééꞌ nu̱u̱nꞌ Tutuꞌ níso Tu̱ꞌun Ndiosíꞌ ya̱ ntee rá te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán ―nkachiꞌ Jesús. Saájee ntáká rá te̱e súkuáꞌa re̱ꞌ ráa nkeꞌen ráa nxi̱nóo ráa re̱ꞌ jee ninu ráa kua̱ꞌa̱nꞌ ráa.

Mateo 26:35

Jee nkachiꞌ Pedro nu̱u̱nꞌ Jesús: ―Súnika̱ꞌ íyó kuviꞌ ni̱ꞌ jín noꞌó, soo ni nsáꞌ kachiꞌ ni̱ꞌ ya̱ ntu jíníꞌ ni̱ꞌ noꞌó ―nkachiꞌ Pedro, jee suni sukuán nkachiꞌ ntáká rá te̱e kútáꞌán jín Jesús ya̱ súkuáꞌa re̱ꞌ ráa.