Mateo 20:19 - Mixteco del suroeste de Tlaxiaco Oaxaca

¹⁹ Jee naku̱ꞌva ráa nuꞌuꞌ xi̱ntíín rá ñɨvɨ ya̱ ntu kúvi nación Israel, jee kaꞌanꞌ u̱ꞌvi̱ꞌ ráa kune̱ꞌyá ráa nuꞌuꞌ, jee kuun ráa yoꞌo nuꞌuꞌ, jee tekaa ráa nuꞌuꞌ nu̱u̱nꞌ kurúsiꞌ, jee kuviꞌ ni̱ꞌ, soo ki̱vɨ̱ꞌ uníꞌ jee natekuꞌ i̱i̱ꞌ ni̱ꞌ kene ni̱ꞌ nteñu rá ni̱yɨ ―nkachiꞌ Jesús.

Mateo 20:19 Referans Kwoze

Mateo 16:21

Ne̱ saájee nka̱jiéꞌé Jesús nakachiꞌ va̱ꞌa na̱a̱ꞌ re̱ꞌ nu̱u̱nꞌ rá te̱e súkuáꞌa re̱ꞌ vá, ya̱ íyó re̱ꞌ kɨ̱ꞌɨ̱nꞌ re̱ꞌ nu̱u̱nꞌ ñuunꞌ Jerusalén. Jee rá te̱e kúñáꞌnú, jín rá su̱tu̱ꞌ kúñáꞌnú, jín rá te̱e xínéꞌénꞌ tu̱ꞌun nta̱túníꞌ Ndiosíꞌ yanaꞌán, xinóꞌo víꞌí ráa re̱ꞌ, jee kaꞌniꞌ ráa re̱ꞌ. Soo ki̱vɨ̱ꞌ uníꞌ jee natekuꞌ i̱i̱ꞌ re̱ꞌ kene re̱ꞌ nteñu rá ni̱yɨ.

Hechos 2:23

Nna̱ku̱ꞌva rán te̱e yaꞌá xi̱ntíín rá te̱e niva̱ꞌa. Jee ntee ráa maa nu̱u̱nꞌ kurúsiꞌ. Suꞌva ñaꞌniꞌ rán maa. Soo nsa̱ꞌá rán sáni ya̱ nkuna̱a̱ꞌ iniꞌ Ndiosíꞌ, jee ne̱ tióꞌ chíji jíníꞌ re̱ꞌ ya̱ kuvi sukuán sáni nsa̱náaꞌ re̱ꞌ.

Hechos 21:11

Sáá nkenta re̱ꞌ nu̱u̱nꞌ ránꞌ, jee ntɨɨn re̱ꞌ manchíjí Pablo. Jee nte̱nuꞌniꞌ re̱ꞌ máá naꞌá re̱ꞌ jín jie̱ꞌe̱ꞌ re̱ꞌ, jee nkachiꞌ re̱ꞌ: ―Káchíꞌ Ta̱chi̱ꞌ Ííꞌ Ndiosíꞌ, ya̱ te̱e xí manchíjí yaꞌá, sukuán tenuꞌniꞌ rá te̱e Israel te̱e vá nu̱u̱nꞌ ñuunꞌ Jerusalén. Jee naku̱ꞌva ráa re̱ꞌ xi̱ntíín rá te̱e ntu kúvi Israel.

Hechos 4:27

’Jee sukuán nkuvi nijia, chi nku̱tútú Herodes, jín Poncio Pilato, jín rá ñɨvɨ ntu kúvi Israel, jín rá ñɨvɨ kúvi Israel, ñuunꞌ yaꞌá. Jee nkenta ráa si̱kɨ̱ꞌ Se̱ꞌya ííꞌ nú, Jesús, ya̱ ñani nú sáva tatúníꞌ re̱ꞌ nu̱u̱nꞌ ñɨ̱vɨ́.

Lucas 24:46

Jee nkachiꞌ re̱ꞌ nu̱u̱nꞌ ráa: ―Sukuán níso nu̱u̱nꞌ Tutuꞌ Ííꞌ ya̱ saá íyó kunoꞌo ni̱ꞌ ya̱ kúvi ni̱ꞌ Cristo, jee ki̱vɨ̱ꞌ uníꞌ ya̱ níꞌiꞌ ni̱ꞌ jee natekuꞌ i̱i̱ꞌ ni̱ꞌ nako̱o ni̱ꞌ kene ni̱ꞌ nteñu rá ni̱yɨ.

Lucas 23:11

Jee Herodes jín rá soldado re̱ꞌ nito u̱ꞌvi̱ꞌ ráa nku̱ichi iniꞌ ráa nne̱ꞌyá ráa Jesús jee nkaꞌanꞌ u̱ꞌvi̱ꞌ ráa re̱ꞌ, jee nna̱sikúnijin ráa ɨɨn saꞌma máá viiꞌ ya̱ kúvi saꞌma ñúꞌún te̱e máá kúñáꞌnú. Jee kuíre tukuni nna̱chuichí Herodes Jesús nu̱u̱nꞌ Pilato.

Marcos 15:1

Jee ya̱neꞌenꞌ, nna̱túꞌún rá su̱tu̱ꞌ kúñáꞌnú, jín rá te̱e kúñáꞌnú, jín rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín nɨꞌɨ rá inka ka̱ꞌ te̱e yɨ́ꞌɨ́ Justicia Ñáꞌnú ya̱ néen kuéntáꞌ ráa nu̱u̱nꞌ Israel. Jee niꞌniꞌ ráa Jesús, jee nnaka ráa maa, jee nna̱ku̱ꞌva ráa maa xi̱ntíín Pilato.

Marcos 14:65

Jee kéꞌín ráa nka̱jiéꞌé tiésɨ́ɨ́ ráa nu̱u̱nꞌ re̱ꞌ. Jee ñasɨꞌ ráa nu̱u̱nꞌ re̱ꞌ, jee jiáꞌa ráa re̱ꞌ jín yɨ̱kɨ́ ráa. Jee káchíꞌ ráa nu̱u̱nꞌ re̱ꞌ: ―Kachiꞌ tu̱ꞌun kéne yuꞌú Ndiosíꞌ. Jee rá te̱e kúmí ráa re̱ꞌ nkatuꞌ ráa nu̱u̱nꞌ re̱ꞌ.

Mateo 12:40

Chi kuéntáꞌ kua̱ꞌ ñúꞌún Jonás u̱ni̱ꞌ ki̱vɨ̱ꞌ jín u̱ni̱ꞌ yakuááꞌ iniꞌ ɨɨn tia̱ká máá káꞌnú nasɨ́kuitɨꞌ, jee suni sukuán kuvi jín nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, chi kɨse̱ꞌí ni̱ꞌ chi̱ji ñuꞌun u̱ni̱ꞌ ki̱vɨ̱ꞌ jín u̱ni̱ꞌ yakuááꞌ.

Mateo 17:23

Jee kaꞌniꞌ ráa nuꞌuꞌ, soo ki̱vɨ̱ꞌ uníꞌ jee natekuꞌ i̱i̱ꞌ ni̱ꞌ jee kene ni̱ꞌ nteñu rá ni̱yɨ ―nkachiꞌ Jesús. Jee nnu̱kuéká víꞌí iniꞌ rá te̱e súkuáꞌa re̱ꞌ vá ya̱ nkachiꞌ re̱ꞌ sukuán nu̱u̱nꞌ ráa.

Mateo 27:26

Saájee nna̱kani núne re̱ꞌ Barrabás. Jee nchiꞌi rá soldado yoꞌo Jesús nsa̱ꞌá re̱ꞌ, jee nna̱ku̱ꞌva re̱ꞌ maa xi̱ntíín rá soldado sáva tekaa ráa maa nu̱u̱nꞌ kurúsiꞌ kuviꞌ‑i.

Mateo 27:63

jee nkachiꞌ ráa: ―I̱toꞌoꞌ, nákúꞌun iniꞌ ráníꞌ ya̱ sáá ntekuꞌ te̱e xínáꞌví vá, jee nkachiꞌ re̱ꞌ: “Ki̱vɨ̱ꞌ uníꞌ jee natekuꞌ ni̱ꞌ kene ni̱ꞌ nteñu rá ni̱yɨ.”

Marcos 15:15

Saájee Pilato kuíni re̱ꞌ kino̱o va̱ꞌa re̱ꞌ jín rá ñɨvɨ, jee nsia̱áꞌ re̱ꞌ Barrabás. Jee nchiꞌi rá soldado yoꞌo Jesús nsa̱ꞌá re̱ꞌ, jee nna̱ku̱ꞌva re̱ꞌ maa xi̱ntíín ráa, sáva tekaa ráa maa nu̱u̱nꞌ kurúsiꞌ, sáva kaꞌniꞌ ráa maa.

Lucas 18:32

Chi naku̱ꞌva rá ñɨvɨ nuꞌuꞌ xi̱ntíín rá ñɨvɨ ya̱ ntu kúvi nación Israel, jee kaꞌanꞌ u̱ꞌvi̱ꞌ ráa kune̱ꞌyá ráa nuꞌuꞌ, jee tenu̱u̱nꞌ ráa nuꞌuꞌ, jee tiesɨ̱ɨ́ ráa nuꞌuꞌ,