Mateo 20:15 - Mixteco del suroeste de Tlaxiaco Oaxaca

¹⁵ ¿Á nkúvi saꞌá ni̱ꞌ sáni kuíni iniꞌ maáníꞌ jín xu̱ꞌún ni̱ꞌ rúja? Áxí, ¿á ñúꞌún úꞌvi iniꞌ nú ya̱ kúvi ni̱ꞌ te̱e va̱ꞌa iniꞌ rúja?”, nkachiꞌ i̱toꞌoꞌ xí tiñu vá.

Mateo 20:15 Referans Kwoze

Marcos 7:22

kúsíkɨ́ iniꞌ‑i jín ɨɨn ñaꞌan ya̱ kúvi ñasɨ́ꞌɨ́ inka te̱e áxí jín ɨɨn te̱e ya̱ kúvi yɨ́ɨ́ inka ñaꞌan, sáꞌá úꞌvi iniꞌ‑i, sáꞌá kini‑i, xínáꞌví‑i, íyó kánéꞌí‑i, ñúꞌún úꞌvi iniꞌ‑i, káꞌánꞌ si̱kɨ̱ꞌ táꞌán‑a, sáꞌá vi̱xi̱ꞌ‑i, ntu stie̱ꞌé‑e.

Mateo 6:23

Soo retú ntu nijinꞌ va̱ꞌa nchinúún nú, jee kuéntáꞌ íyó nɨꞌɨ yɨkɨkúñu nú nu̱u̱nꞌ ñu̱neenꞌ. Jee suni sukuán retú káchíꞌ nú ya̱ túúnꞌ ñuꞌunꞌ iniꞌ ánímaꞌ nú, soo retú ntu jiáꞌa nú stúúnꞌ Ndiosíꞌ ánímaꞌ nú, yukuán jee saꞌ víꞌí ka̱ꞌ kua̱ꞌa̱nꞌ nú nu̱u̱nꞌ ñu̱neenꞌ.

Juan 17:2

Chi ntaji nú tiñu níso ni̱ꞌ ya̱ tátúníꞌ ni̱ꞌ nu̱u̱nꞌ ntáká ñɨvɨ ñɨ̱vɨ́, sáva ntáká rá ñɨvɨ ya̱ ntaji nú nu̱u̱nꞌ ni̱ꞌ kɨꞌɨ ráa nu̱u̱nꞌ ni̱ꞌ, ni̱ꞌi̱nꞌ ráa ya̱ kutekuꞌ ráa nɨ́ɨ́nkání jín‑ó saꞌá ni̱ꞌ.

Efesios 2:1

Jee ránoꞌó, ya̱ níꞌiꞌ rán nu̱u̱nꞌ Ndiosíꞌ nékúvi jie̱ꞌe̱ꞌ njiáꞌa rán nu̱u̱nꞌ ya̱ tátúníꞌ Ndiosíꞌ jín jie̱ꞌe̱ꞌ rá kua̱chi nsa̱ꞌá rán.

Efesios 1:11

Chi nka̱ji Ndiosíꞌ yó sáva kúvi‑ó ñɨvɨ re̱ꞌ ya̱ yɨ́ꞌɨ́‑ó nu̱u̱nꞌ Cristo. Chi saá ya̱ nkuna̱a̱ꞌ ya̱chi̱ꞌ iniꞌ re̱ꞌ ni̱ꞌi̱nꞌ‑ó maa sánikua̱ꞌ ñúꞌún iniꞌ re̱ꞌ, ya̱ maáréꞌ kúvi ya̱ síkúnkuvi ntáká tiñu sáni kúnáaꞌ iniꞌ re̱ꞌ sáni kuíni re̱ꞌ saꞌá re̱ꞌ.

1 Corintios 4:7

Chi, ¿né ɨɨn sáꞌá sɨ́ɨ́n noꞌó nsú káꞌ inka ñɨvɨ rúja?, jee, ¿na̱ kuvi ya̱ kúmí nú ya̱ ntu nkútaꞌviꞌ nú maa nu̱u̱nꞌ Ndiosíꞌ rúja? Jee retú íyó nijia ya̱ nku̱taꞌviꞌ nú maa, jee, ¿na̱ kuvi chi kútéyɨ́ɨ́ nú jín maánú kuéntáꞌ retánꞌ nsáꞌ nku̱taꞌviꞌ nú kúvi‑i rúja?

Hechos 13:45

Soo sáá niniꞌ rá ñɨvɨ Israel ya̱ kue̱ꞌe̱ꞌ ñɨvɨ nku̱tútú yukuán, jee nñu̱kuíñɨ́ iniꞌ ráa nne̱ꞌyá ráa Pablo. Jee nkachiꞌ ráa ya̱ nátatúꞌún ráa re̱ꞌ. Jee ntenu̱u̱nꞌ ráa re̱ꞌ.

Mateo 11:25

Jee tiempúꞌ yukuán, jee ni̱ka̱nꞌ táꞌvíꞌ Jesús nu̱u̱nꞌ Tátáꞌ‑a Ndiosíꞌ, jee nkachiꞌ‑i: ―Nákuetúꞌún ni̱ꞌ noꞌó, Tátáꞌ ni̱ꞌ, ya̱ kúvi nú I̱toꞌoꞌ tátúníꞌ nu̱u̱nꞌ antivɨ́ jín iniꞌ ñɨ̱vɨ́ yaꞌá, chi nchise̱ꞌí nú tiñu ñáꞌnú nú yaꞌá nu̱u̱nꞌ rá ñɨvɨ tu̱ꞌva jín rá ñɨvɨ níchí ya̱ ntu njiáꞌa nú ya̱ ki̱ku̱ꞌun iniꞌ ráa maa, chisaꞌ nstúvi nú maa nu̱u̱nꞌ rá ñɨvɨ ñúláꞌví iniꞌ ya̱ kúvi ráa kuéntáꞌ rá súchí lúlí.

Santiago 5:9

Ránoꞌó ñaniꞌ jín ku̱ꞌva, koto násóyu̱ꞌú rán nu̱u̱nꞌ ɨɨn inka táꞌán rán, sáva ntu kúnáaꞌ kua̱chi si̱kɨ̱ꞌ rán. Kune̱ꞌyá rán, Ndiosíꞌ ya̱ suvire̱ꞌ vá jiéꞌnéꞌ kua̱chi yatin niji re̱ꞌ, kuéntáꞌ ya ñúneen re̱ꞌ yuvéꞌí.

Santiago 1:18

Jee ña̱tíñú re̱ꞌ tu̱ꞌun na̱a̱ꞌ re̱ꞌ, sáva saꞌá re̱ꞌ ya̱ nakaku‑ó ya̱ kuvi‑ó se̱ꞌya re̱ꞌ, sáni kuíni re̱ꞌ. Nsa̱ꞌá re̱ꞌ suꞌva sáva kuvi‑ó rá se̱ꞌya xíꞌnañúꞌún ya̱ ña̱ko̱so̱ꞌ nu̱u̱nꞌ kue̱ꞌe̱ꞌ ka̱ꞌ se̱ꞌya re̱ꞌ, ya̱ va̱ji nu̱u̱nꞌ rá ñɨvɨ ya̱ nsa̱ꞌá re̱ꞌ.

Efesios 2:5

Jee asúnika̱ꞌ nkuvi‑ó kuéntáꞌ ñɨvɨ níꞌiꞌ nu̱u̱nꞌ re̱ꞌ, jie̱ꞌe̱ꞌ ya̱ njia̱ꞌa‑ó nu̱u̱nꞌ ya̱ tátúníꞌ Ndiosíꞌ, soo nsa̱ꞌá re̱ꞌ ya̱ kutekuꞌ‑ó nɨ́ɨ́nkání jín Cristo. (Chi jie̱ꞌe̱ꞌ ya̱ íyó mániꞌ iniꞌ re̱ꞌ néꞌyá re̱ꞌ yó nna̱tavaꞌ re̱ꞌ yó nu̱u̱nꞌ kua̱chi‑ó nsi̱káku re̱ꞌ yó.)

Mateo 20:14

Tɨɨn ya̱ kúvi ya̱ꞌvi nú jee kuáꞌán, chi kuíni ni̱ꞌ ku̱ꞌva ni̱ꞌ nu̱u̱nꞌ musúꞌ yaꞌá ya̱ nkívɨ sátíñú ne̱ nu̱u̱nꞌ nɨ́ꞌɨ, kuéntáꞌ táji ni̱ꞌ nu̱u̱nꞌ noꞌó.