Mateo 20:14 - Mixteco del suroeste de Tlaxiaco Oaxaca

¹⁴ Tɨɨn ya̱ kúvi ya̱ꞌvi nú jee kuáꞌán, chi kuíni ni̱ꞌ ku̱ꞌva ni̱ꞌ nu̱u̱nꞌ musúꞌ yaꞌá ya̱ nkívɨ sátíñú ne̱ nu̱u̱nꞌ nɨ́ꞌɨ, kuéntáꞌ táji ni̱ꞌ nu̱u̱nꞌ noꞌó.

Mateo 20:14 Referans Kwoze

Juan 17:2

Chi ntaji nú tiñu níso ni̱ꞌ ya̱ tátúníꞌ ni̱ꞌ nu̱u̱nꞌ ntáká ñɨvɨ ñɨ̱vɨ́, sáva ntáká rá ñɨvɨ ya̱ ntaji nú nu̱u̱nꞌ ni̱ꞌ kɨꞌɨ ráa nu̱u̱nꞌ ni̱ꞌ, ni̱ꞌi̱nꞌ ráa ya̱ kutekuꞌ ráa nɨ́ɨ́nkání jín‑ó saꞌá ni̱ꞌ.

Lucas 15:31

’Jee nkachiꞌ tátáꞌ‑a nu̱u̱nꞌ‑u: “Se̱ꞌya yɨ́ɨ́ ni̱ꞌ, noꞌó jee sukuáni íyó nú jín nuꞌuꞌ, jee nɨꞌɨ ya̱ kúmí ni̱ꞌ suni nantíñú nú kúvi‑i.

Romanos 3:19

Soo jíníꞌ‑ó ya̱ néni ɨɨn tu̱ꞌun ya̱ káchíꞌ ley nta̱túníꞌ Ndiosíꞌ, jee káchíꞌ‑i vá nu̱u̱nꞌ rá ñɨvɨ yɨ́ꞌɨ́ ráa chi̱ji xi̱ntíín ley vá, sáva nta̱ká ñɨvɨ kasɨꞌ ráa yuꞌú ráa chi ntu kúvi nama ráa maáráa, jee kua̱íyó ñɨvɨ ñɨ̱vɨ́ kɨꞌɨ ráa chi̱ji nu̱u̱nꞌ sanáaꞌ Ndiosíꞌ si̱kɨ̱ꞌ kua̱chi ráa.

Romanos 3:4

¡Ntu̱né íyó sukuán! Chisaꞌ na̱a̱ꞌ kúvi Ndiosíꞌ súnika̱ꞌ nta̱ká ñɨvɨ kúvi ráa ñɨvɨ túꞌún, sáni káchíꞌ nu̱u̱nꞌ Tutuꞌ níso Tu̱ꞌun Ndiosíꞌ: Sáva kene na̱a̱ꞌ nú jín tu̱ꞌun káꞌánꞌ nú, jee kuneí nú sáá tée ñɨvɨ kua̱chi si̱kɨ̱ꞌ nú. Káchíꞌ David nu̱u̱nꞌ Ndiosíꞌ.

Mateo 6:16

’Jee sáá nééꞌ niteꞌ rán sáá néñu̱ꞌun rán Ndiosíꞌ, jee koto sáꞌá xií rán, kuéntáꞌ sáꞌá rá ñɨvɨ íyó sansuꞌva, chi nínta xií nu̱u̱nꞌ ráa sáva stúvi ráa nu̱u̱nꞌ rá ñɨvɨ ya̱ nééꞌ niteꞌ ráa. Soo máá naáꞌ vá káchíꞌ ni̱ꞌ nu̱u̱nꞌ rán, ya̱ nɨꞌɨ ta̱ꞌvi̱ꞌ ya̱ ni̱ꞌi̱nꞌ ráa ví kua̱chi nákuetúꞌún ñɨvɨ ráa, [jee nsú ta̱ꞌvi̱ꞌ jiáꞌa Ndiosíꞌ].

Mateo 6:6

Soo noꞌó, sáá káꞌánꞌ nú jín Ndiosíꞌ, jee ni̱vɨ iniꞌ veꞌi nu̱u̱nꞌ koo métúꞌún nú, jee nakasɨꞌ nú yuvéꞌí yukuán, jee kaꞌanꞌ nú jín Tátáꞌ nú Ndiosíꞌ ya̱ íyó yuꞌuꞌ re̱ꞌ jín nú, jee Tátáꞌ nú chi jíníꞌ re̱ꞌ ya̱ sáꞌá yuꞌuꞌ nú sukuán, jee taji re̱ꞌ ta̱ꞌvi̱ꞌ kuvi nú.

Mateo 6:2

Jee saáva sáá jiáꞌa nú karidáꞌ nu̱u̱nꞌ ñɨvɨ jíniñúꞌún maa jee koto káchítu̱ꞌún nijinꞌ nú ya̱ sáꞌá nú sukuán kuéntáꞌ tivɨꞌ trompeta, kuéntáꞌ kua̱ꞌ sáꞌá rá ñɨvɨ íyó sansuꞌva iniꞌ rá veꞌi sinagoga áxí iniꞌ ichi. Sukuán sáꞌá ráa sáva nakuetúꞌún rá ñɨvɨ ráa. Soo máá naáꞌ vá káchíꞌ ni̱ꞌ nu̱u̱nꞌ rán, ya̱ nɨꞌɨ ta̱ꞌvi̱ꞌ ya̱ ni̱ꞌi̱nꞌ ráa ví kua̱chi nákuetúꞌún ñɨvɨ ráa [jee nsú ta̱ꞌvi̱ꞌ naku̱ꞌva Ndiosíꞌ].

Lucas 16:25

’Soo nkachiꞌ Abraham nu̱u̱nꞌ re̱ꞌ: “Se̱ꞌya, naku̱ꞌun iniꞌ nú ya̱ nni̱ꞌi̱nꞌ nú rá váꞌa nú sáá ntekuꞌ nú iniꞌ ñɨ̱vɨ́, soo Lázaro chi nni̱ꞌi̱nꞌ re̱ꞌ rá niváꞌa. Soo vitan jee nániꞌinꞌ neí iniꞌ re̱ꞌ yaꞌá, jee noꞌó chi nóꞌo nú.

Mateo 20:13

’Jee i̱toꞌoꞌ xí tiñu vá nna̱xiníkó‑o nu̱u̱nꞌ ɨɨn ráa, jee nkachiꞌ‑i: “Tenó, ntu̱náꞌ jíchi ni̱ꞌ noꞌó. ¿Á nsáꞌ nsa̱ꞌá na̱a̱ꞌ‑ó nu̱u̱nꞌ nna̱túꞌún‑ó na̱ja kɨya̱ꞌvi nú ya̱ ki̱vɨ̱ꞌ rúja?

Mateo 20:15

¿Á nkúvi saꞌá ni̱ꞌ sáni kuíni iniꞌ maáníꞌ jín xu̱ꞌún ni̱ꞌ rúja? Áxí, ¿á ñúꞌún úꞌvi iniꞌ nú ya̱ kúvi ni̱ꞌ te̱e va̱ꞌa iniꞌ rúja?”, nkachiꞌ i̱toꞌoꞌ xí tiñu vá.