Mateo 2:11 - Mixteco del suroeste de Tlaxiaco Oaxaca

¹¹ Jee sáá nki̱vɨ ráa iniꞌ veꞌi, jee niniꞌ ráa su̱chí lúlí yɨ́ɨ́ vá jín nánáꞌ‑a María, jee ña̱kui̱ñɨ̱ꞌ ítɨ́ ráa, jee nneñu̱ꞌun ráa su̱chí lúlí vá. Jee nine ráa rá kajúnꞌ ya̱tu̱nꞌ ínaꞌá ráa nsi̱kútaꞌviꞌ ráa rá ta̱ꞌvi̱ꞌ nu̱u̱nꞌ su̱chí vá, ya̱ kúvi yu̱u̱ꞌ kuáán yɨ́yáꞌvi nasɨ́kuitɨꞌ, jín su̱jie i̱i̱ꞌ, jín inka ka̱ꞌ su̱jie naní mirra.

Mateo 2:11 Referans Kwoze

Lucas 2:16

Saájee ne̱ numíjiꞌíꞌ kua̱ꞌa̱nꞌ ráa, jee nna̱niꞌinꞌ ráa María jín José, jín nchíkɨ́n vá, káá‑a ɨɨn nu̱u̱nꞌ ñúꞌún ya̱ yájíꞌ rá sa̱na̱ꞌ.

Mateo 2:2

Jee ni̱ka̱tu̱ꞌún ráa: ―¿Né núꞌ íyó maáréꞌ ya̱ nkaku ya̱ kúvi te̱e tatúníꞌ nu̱u̱nꞌ rá ñɨvɨ Israel? Chi ne̱ ichi nu̱u̱nꞌ kénta nka̱niiꞌ niniꞌ ráníꞌ tiu̱u̱nꞌ ya̱ jiáꞌa‑a seña ya̱ ya nkaku te̱e tatúníꞌ vá. Jee saáva váji ráníꞌ kuneñu̱ꞌun ráníꞌ maa ―nkachiꞌ ráa.

Apoclipsis 19:10

Saájee nuꞌuꞌ nna̱kui̱ñɨ̱ꞌ ítɨ́ ni̱ꞌ jiáxin ni̱ꞌ maáníꞌ ne̱ nu̱u̱nꞌ ñu̱ꞌún nu̱u̱nꞌ najiáꞌáꞌ ííꞌ vá sáva kuneñu̱ꞌun ni̱ꞌ maa. Soo nkachiꞌ‑i nu̱u̱nꞌ ni̱ꞌ: ―Koto sáꞌá nú sukuán. Chi suni táꞌán musúꞌ kúvi ni̱ꞌ jín noꞌó jín rá ñanitáꞌán nú, ya̱ yɨ́tíñú‑órán nu̱u̱nꞌ Ndiosíꞌ ya̱ níkɨ́nꞌ kutú váꞌa‑ó tu̱ꞌun jie̱ꞌe̱ꞌ Jesús. Saáva kuneñu̱ꞌun nú máá maá Ndiosíꞌ. Chi rá tu̱ꞌun na̱a̱ꞌ ya̱ nkachitu̱ꞌún Jesús, yukuán kúvi tu̱ꞌun na̱a̱ꞌ ya̱ jiáꞌa Ta̱chi̱ꞌ Ííꞌ nu̱u̱nꞌ rá ñɨvɨ ya̱ káchítu̱ꞌún na̱a̱ꞌ tu̱ꞌun kéne yuꞌú Ndiosíꞌ ―nkachiꞌ najiáꞌáꞌ ííꞌ vá.

Mateo 14:33

Jee maáráa ya̱ ñúꞌún iniꞌ barkúꞌ vá, nna̱kui̱ñɨ̱ꞌ ítɨ́ ráa nu̱u̱nꞌ Jesús nneñu̱ꞌun ráa re̱ꞌ, jee nkachiꞌ ráa nu̱u̱nꞌ re̱ꞌ: ―¡Máá nááꞌ nijia maánú kúvi Se̱ꞌya Ndiosíꞌ! ―nkachiꞌ ráa.

Apoclipsis 5:8

Jee sáá ntɨɨn re̱ꞌ tutuꞌ vá, jee ni kúmíꞌ rá tékúꞌ vá, jín ni ókóꞌ ku̱mi̱ꞌ (24) rá te̱e kúñáꞌnú vá nna̱kui̱ñɨ̱ꞌ ítɨ́ ráa jiáxin ráa maáráa ne̱ nu̱u̱nꞌ ñuꞌún nu̱u̱nꞌ re̱ꞌ. Jee ta ɨɨn ɨɨn rá te̱e kúñáꞌnú vá ínaꞌá ráa yaaꞌ naní arpa, jín ko̱ꞌo̱ꞌ oro ñúꞌún chitú su̱jie ííꞌ iniꞌ ráa. Jee rá su̱jie ííꞌ vá kúvi ráa rá tu̱ꞌun ya̱ káꞌánꞌ rá ñɨvɨ Ndiosíꞌ jín re̱ꞌ jee kúvi rá ñɨvɨ vá ya̱ nsa̱ꞌá sɨ́ɨ́n re̱ꞌ ráa sáva kuvi ráa ñɨvɨ re̱ꞌ.

Lucas 2:38

Jee suni maá hora yukuán nkenta ña nu̱u̱nꞌ íñɨ́ ráa, jee jiáꞌa ña ya̱ kútaꞌviꞌ ña nu̱u̱nꞌ Ndiosíꞌ nákuetúꞌún ña re̱ꞌ jee nka̱jiéꞌé ña nkachiꞌ ña jie̱ꞌe̱ꞌ nchíkɨ́n vá nu̱u̱nꞌ ntáká rá ñɨvɨ rá nétu ya̱ kiji I̱toꞌoꞌ‑ó nakani núne re̱ꞌ rá ñɨvɨ ñuunꞌ Jerusalén nu̱u̱nꞌ tu̱nóꞌó nóꞌo ráa.

Génesis 43:11

Saájee tátáꞌ ráa Israel (Jacob) nna̱xiníkó nu̱u̱nꞌ ráa: ―Retú sukuán íyó saꞌá‑ó, jee saꞌá rán yaꞌá: Kɨ̱ꞌɨ̱nꞌ rán jín rá nantíñú máá va̱ꞌa ka̱ꞌ íyó nu̱u̱nꞌ ñuꞌun yaꞌá, chuꞌun rán maa iniꞌ rá kuxtáꞌ sáva sikútaꞌviꞌ rán nu̱u̱nꞌ te̱e vá ɨɨn ta̱ꞌvi̱ꞌ lúlí. Kɨ̱ꞌɨ̱nꞌ rán jín ntíꞌ su̱jie jiáꞌánꞌ vi̱xi̱ꞌ naní bálsamo, jín nu̱xi, jín nute jiáꞌánꞌ vi̱xi̱ꞌ, jín su̱jie jiáꞌánꞌ vi̱xi̱ꞌ ya̱ naní mirra, jín rá nuece naní pistacho, jín rá nuece naní almendra.

Mateo 1:18

Suꞌva nkaku Jesús ya̱ kúvi máá Cristo: María, ya̱ kúvi nánáꞌ re̱ꞌ, jee sáá káá náꞌviꞌ jie̱ꞌe̱ꞌ ña tana̱ꞌá ña jín José, jee ne̱ ntiáꞌan ka̱ꞌ ki̱kuneeꞌ ña jín re̱ꞌ, jee niniꞌ re̱ꞌ ya̱ nna̱nise̱ꞌya ña jín fuersáꞌ ííꞌ Ta̱chi̱ꞌ Ííꞌ Ndiosíꞌ.

Mateo 2:10

Jee sáá niniꞌ ráa tiu̱u̱nꞌ vá jee ne̱ sɨ̱ɨ̱ꞌ nkuvi iniꞌ ánímaꞌ ráa nku̱sɨ̱ɨ̱ꞌ iniꞌ ráa.

Mateo 12:46

Jee ni káꞌánꞌ ka̱ꞌ Jesús jín rá ñɨvɨ kue̱ꞌe̱ꞌ, saájee nkenta nánáꞌ re̱ꞌ jín rá ñaniꞌ re̱ꞌ íñɨ́ ráa ta̱ve̱ꞌí, jee kuíni ráa kaꞌanꞌ ráa jín re̱ꞌ.

Juan 19:39

Jee suni kua̱ꞌa̱nꞌ Nicodemo jín José, jee Nicodemo kúvi re̱ꞌ te̱e ya̱ ya ña̱ꞌa̱nꞌ re̱ꞌ nkaꞌanꞌ re̱ꞌ jín Jesús ɨɨn yakuááꞌ tiempúꞌ ya̱ta̱ꞌ, jee kua̱ꞌa̱nꞌ re̱ꞌ néen re̱ꞌ o̱ko̱ꞌ u̱ji̱ꞌ (30) kilo su̱jie u̱va̱ꞌ jiáꞌánꞌ vi̱xi̱ꞌ naní mirra, ya̱ nsa̱ka̱nuun jín áloes.