Mateo 19:28 - Mixteco del suroeste de Tlaxiaco Oaxaca

²⁸ Jee nkachiꞌ Jesús: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ sáá kenta tiempúꞌ ya̱ nɨꞌɨ nasama jiáá, sáá kenta nuꞌuꞌ, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ yaꞌá sáva kuvi ni̱ꞌ Se̱ꞌya Ñɨvɨ, jee sáá kuneeꞌ ni̱ꞌ teyuꞌ kúñáꞌnú nu̱u̱nꞌ tatúníꞌ ni̱ꞌ, nu̱u̱nꞌ viiꞌ nasɨ́kuitɨꞌ kúñáꞌnú ni̱ꞌ, jee ránoꞌó ya̱ níkɨ́nꞌ rán nuꞌuꞌ, jee suni sukuán kuneeꞌ rán ni uxúꞌ u̱vi̱ꞌ (12) teyuꞌ ñáꞌnú, sáva sanáaꞌ rán tatúníꞌ rán nu̱u̱nꞌ rá ñɨvɨ ya̱ kúvi ráa rá ni uxúꞌ u̱vi̱ꞌ (12) tataꞌ ichiyúkúnꞌ ya̱ nkene ráa nu̱u̱nꞌ rá ni uxúꞌ u̱vi̱ꞌ (12) rá se̱ꞌya yɨ́ɨ́ Israel.

Mateo 19:28 Referans Kwoze

Mateo 25:31

’Chi sáá niji tuku ni̱ꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee viiꞌ víꞌí kuñáꞌnú ni̱ꞌ, jee nɨꞌɨ rá najiáꞌáꞌ ííꞌ kutáꞌán ráa jín ni̱ꞌ, saájee ki̱kuneeꞌ ni̱ꞌ teyuꞌ nu̱u̱nꞌ tatúníꞌ ni̱ꞌ nu̱u̱nꞌ viiꞌ ñáꞌnú nasɨ́kuitɨꞌ.

Apoclipsis 20:4

Jee kuíre niniꞌ ni̱ꞌ rá teyuꞌ nu̱u̱nꞌ nééꞌ rá tátúníꞌ, jee yukuán ña̱kuneeꞌ rá ñɨvɨ ya̱ nni̱ꞌi̱nꞌ ráa tiñu ya̱ kuvi sanáaꞌ ráa kua̱chi. Jee nna̱tekuꞌ i̱i̱ꞌ rá ánímaꞌ rá ñɨvɨ ya̱ ntéꞌneꞌ xi̱ni̱ꞌ ráa jie̱ꞌe̱ꞌ ya̱ njia̱ꞌa ráa ya̱ naáꞌ jie̱ꞌe̱ꞌ Jesús jín jie̱ꞌe̱ꞌ ya̱ niñɨ na̱a̱ꞌ ráa jín Tu̱ꞌun Ndiosíꞌ. Jee suviráa ví rá ñɨvɨ ya̱ ntu nnéñu̱ꞌun ráa kitɨ xéénꞌ kákini xíꞌnañúꞌún vá, ni jín santúꞌ ñunéꞌyúꞌ maátíꞌ. Jee ni ntu nníꞌínꞌ ráa seña ti̱ꞌ kuniso te̱e̱nꞌ ráa ni jín naꞌá ráa. Jee nna̱tekuꞌ i̱i̱ꞌ ráa, jee nta̱túníꞌ ráa tiñu jín Cristo ɨɨn mil (1000) kui̱ya̱ꞌ.

Apoclipsis 7:4

Jee nteso̱ꞌo ni̱ꞌ na̱ja rá ñɨvɨ ña̱kuneeꞌ seyúꞌ te̱e̱nꞌ ráa. Jee sientúꞌ u̱vi̱xiko ku̱mi̱ꞌ mil (144,000) rá ñɨvɨ ntáká tataꞌ rá se̱ꞌya Israel kúvi ráa.

2 Pedro 3:13

Soo nétu‑ó ɨɨn súkún jiáá, jín ɨɨn ñɨ̱vɨ́ jiáá, sánikua̱ꞌ ya̱ nchi̱sóyuꞌú Ndiosíꞌ ya̱ koo. Jee yukuán koo maá tiñu na̱a̱ꞌ va̱ꞌa.

Mateo 16:27

Chi nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kiji tuku ni̱ꞌ iniꞌ ñɨ̱vɨ́ yaꞌá, jee viiꞌ víꞌí kuñáꞌnú ni̱ꞌ jín tiñu níso ni̱ꞌ kuéntáꞌ kua̱ꞌ kúñáꞌnú maá Tátáꞌ ni̱ꞌ Ndiosíꞌ, jee kiji ni̱ꞌ jín rá najiáꞌáꞌ ííꞌ ni̱ꞌ. Saájee nachunáán ni̱ꞌ nu̱u̱nꞌ ta ɨɨn rá ñɨvɨ sánikua̱ꞌ na̱ja íyó tiñu nsa̱ꞌá ráa.

Apoclipsis 21:5

Saájee máá maáréꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ nkachiꞌ re̱ꞌ: ―¡Kune̱ꞌyá!, ya̱ nna̱saꞌá jiáá ni̱ꞌ ntáká ya̱ íyó ―jee nkachiꞌ re̱ꞌ― tee rá tu̱ꞌun yaꞌá, chi rá tu̱ꞌun yaꞌá sikúnkuvi na̱a̱ꞌ ni̱ꞌ jee máá naáꞌ nijia kúvi tu̱ꞌun yaꞌá ―nkachiꞌ re̱ꞌ.

Apoclipsis 4:4

Jee nu̱u̱nꞌ teyuꞌ re̱ꞌ tátúníꞌ re̱ꞌ, yukuán ni̱kótíyu o̱ko̱ꞌ ku̱mi̱ꞌ (24) ka̱ꞌ teyuꞌ nu̱u̱nꞌ tátúníꞌ. Jee yukuán nééꞌ o̱ko̱ꞌ ku̱mi̱ꞌ (24) rá maá te̱e kúñáꞌnú. Jee ñúꞌún ráa máá saꞌma kuíjín, jee ñúxíniꞌ ráa corona oro.

Apoclipsis 3:21

’Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ku̱ꞌva ni̱ꞌ ya̱ kuneeꞌ ñɨvɨ vá jín nuꞌuꞌ nu̱u̱nꞌ teyuꞌ ni̱ꞌ nu̱u̱nꞌ tátúníꞌ ni̱ꞌ, kuéntáꞌ kua̱ꞌ nku̱neí ni̱ꞌ si̱kɨ̱ꞌ tiñu níváꞌa jee nééꞌ ni̱ꞌ jín Tááꞌ ni̱ꞌ nu̱u̱nꞌ teyuꞌ re̱ꞌ nu̱u̱nꞌ tátúníꞌ re̱ꞌ.

2 Timoteo 2:12

Jee retú kuni̱ꞌin‑ó kuiñɨ‑ó jín re̱ꞌ sú nóꞌo‑ó jee suni tatúníꞌ‑ó jín re̱ꞌ. Soo retú kúíchi iniꞌ‑ó re̱ꞌ ya̱ nsú I̱toꞌoꞌ‑ó ví re̱ꞌ, jee suni kuichi iniꞌ re̱ꞌ kune̱ꞌyá re̱ꞌ yó ya̱ nsú ñɨvɨ re̱ꞌ kúvi‑ó.

Hechos 3:21

Jee íyó kino̱o Cristo ne̱ súkún, ne̱ tiempúꞌ nasástákoo Ndiosíꞌ nujiáá nɨꞌɨ, sánikua̱ꞌ nkachiꞌ re̱ꞌ tu̱ꞌun ya̱ njiáꞌa re̱ꞌ sákachiꞌ rá te̱e nákani tu̱ꞌun kéne yuꞌú re̱ꞌ, ne̱ tiempúꞌ nasɨ́kuitɨꞌ. Yɨ́tíñú ráa nu̱u̱nꞌ Ndiosíꞌ.

Mateo 20:21

Jee nkachiꞌ Jesús nu̱u̱nꞌ ña: ―¿Ná kúvi ya̱ kuíni nú? Jee nkachiꞌ ña: ―Tatúníꞌ xá ya̱ kunisotíñú ni núvíꞌ rá se̱ꞌya yɨ́ɨ́ ni̱ꞌ yaꞌá ya̱ kuneeꞌ ɨɨn ráa xiín ichi kuáꞌá nú jee inka ráa ichi sátín nú, sáá viiꞌ kuñáꞌnú nú jee tatúníꞌ nú nu̱u̱nꞌ nɨꞌɨ ñɨ̱vɨ́ ―nkachiꞌ ña.

Apoclipsis 22:2

Jee sava iniꞌ ichi káꞌnú ya̱ káá sava iniꞌ ñuunꞌ vá jíka nute vá, jee ni núvíꞌ íyó ichi yunúte vá íñɨ́ máá maá yutun ya̱ sáꞌá‑a ya̱ kutekuꞌ rá ñɨvɨ vá nɨ́ɨ́nkání. Jee u̱xu̱ꞌ u̱vi̱ꞌ (12) íchí kúun ya̱ vixíꞌ maa ya̱ kui̱ya̱ꞌ, chi ta yo̱o̱ꞌ kúun ya̱ vixíꞌ maa. Jee rá naꞌá yu̱ku̱ꞌ‑u íyótiñu‑u sáva xinúvi‑i rá ñɨvɨ ntáká nación.

Apoclipsis 12:1

Saájee ntu̱ví ɨɨn seña a̱nasɨ́ ne̱ antivɨ́ súkún: ɨɨn ñaꞌan yɨ́sukunꞌ ña nka̱niiꞌ kuéntáꞌ ñúꞌún ña saꞌma, jee nééꞌ yo̱o̱ꞌ chi̱ji jie̱ꞌe̱ꞌ ña, jee ñúꞌún xi̱ni̱ꞌ ña ɨɨn corona u̱xu̱ꞌ u̱vi̱ꞌ (12) tiu̱u̱nꞌ.

Mateo 6:33

Soo nukú xíꞌna ki̱vi naꞌá Ndiosíꞌ ya̱ tatúníꞌ re̱ꞌ nu̱u̱nꞌ rán, jín ya̱ kino̱o na̱a̱ꞌ rán nu̱u̱nꞌ re̱ꞌ, jee taji re̱ꞌ nɨꞌɨ rá nantíñú yaꞌá.

Mateo 8:20

Jee nkachiꞌ Jesús nu̱u̱nꞌ‑u: ―Rá ñu̱nkuii chi íyó rá yaviꞌ kava nu̱u̱nꞌ kíxíꞌ rátíꞌ, jee rá kitɨ chúchíyoꞌ ya̱ jíkó súkún íyó takaꞌ rátíꞌ. Soo nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, ni ntu̱ví íyó nu̱u̱nꞌ kosoꞌ xi̱ni̱ꞌ ni̱ꞌ najia̱ví ni̱ꞌ ―nkachiꞌ Jesús.

Mateo 19:27

Saájee nkachiꞌ Pedro nu̱u̱nꞌ Jesús: ―I̱toꞌoꞌ, kune̱ꞌyá ránuꞌuꞌ chi nxi̱nóo ránꞌ nɨꞌɨ ya̱ kúmí ránꞌ jee níkɨ́nꞌ ránꞌ noꞌó, jee, ¿ná kúvi ya̱ ni̱ꞌi̱nꞌ ránꞌ rúja? ―nkachiꞌ Pedro.

Marcos 10:37

Jee nkachiꞌ ráa nu̱u̱nꞌ re̱ꞌ: ―Taji xá tiñu kuniso ráníꞌ ya̱ kuneeꞌ ɨɨn ránꞌ xiín ichi kuáꞌá nú jee inka ránꞌ ichi sátín nú, sáá viiꞌ kuñáꞌnú nú jee tatúníꞌ nú nu̱u̱nꞌ nɨꞌɨ ñɨ̱vɨ́ ―nkachiꞌ Jacobo jín Juan.

Apoclipsis 11:16

Saájee ni o̱ko̱ꞌ ku̱mi̱ꞌ (24) rá te̱e ñáꞌnú ya̱ nísotíñú ya̱ nééꞌ ráa nu̱u̱nꞌ tátúníꞌ ráa ichinúúnꞌ Ndiosíꞌ, jee nna̱kui̱ñɨ̱ꞌ ítɨ́ ráa ne̱ ña̱xin ráa maáráa nu̱u̱nꞌ ñu̱ꞌún, ya̱ chíñúꞌún ráa re̱ꞌ.

Apoclipsis 22:5

Jee ni nsáꞌ koo ka̱ꞌ yakuááꞌ. Jee rá ñɨvɨ ni nsáꞌ kuniñúꞌún ráa ka̱ꞌ ñuꞌunꞌ natee ráa, ni ya̱ kutuunꞌ ka̱ꞌ ñuꞌunꞌ nka̱niiꞌ. Chi maá I̱toꞌoꞌ‑ó Ndiosíꞌ stúúnꞌ re̱ꞌ nuva re̱ꞌ kutuunꞌ‑u nu̱u̱nꞌ ráa. Jee suni tatúníꞌ ráa nɨ́ɨ́nkání.