Mateo 19:27 - Mixteco del suroeste de Tlaxiaco Oaxaca

²⁷ Saájee nkachiꞌ Pedro nu̱u̱nꞌ Jesús: ―I̱toꞌoꞌ, kune̱ꞌyá ránuꞌuꞌ chi nxi̱nóo ránꞌ nɨꞌɨ ya̱ kúmí ránꞌ jee níkɨ́nꞌ ránꞌ noꞌó, jee, ¿ná kúvi ya̱ ni̱ꞌi̱nꞌ ránꞌ rúja? ―nkachiꞌ Pedro.

Mateo 19:27 Referans Kwoze

Filipenses 3:8

Jee víꞌí ka̱ꞌ nsú káꞌ yaꞌá, tɨ́ɨn ni̱ꞌ kuéntáꞌ, ya̱ nɨꞌɨ nantíñú ntu̱náꞌ yɨ́yáꞌvi nu̱u̱nꞌ ni̱ꞌ, chi yɨ́yáꞌvi ka̱ꞌ nu̱u̱nꞌ nɨꞌɨ ví ya̱ íyó mániꞌ Cristo Jesús jín ni̱ꞌ ya̱ kúvi re̱ꞌ I̱toꞌoꞌ ni̱ꞌ. Jie̱ꞌe̱ꞌ re̱ꞌ nsu̱kuíta ni̱ꞌ nɨꞌɨ rá tiñu vá, jee tɨ́ɨn kuéntáꞌ ni̱ꞌ, ya̱ nɨꞌɨ vá kúvi ya̱ká ni, sáva ni̱ꞌi̱nꞌ ni̱ꞌ ya̱ yɨ́yáꞌvi ka̱ꞌ ya̱ koo Cristo jín ni̱ꞌ.

Lucas 5:11

Saájee sáá nna̱kani ráa rá barkúꞌ ne̱ yunúte nu̱u̱nꞌ ñuíchí, jee yukuán nxi̱nóo ráa nɨꞌɨ rá nantíñú ráa, jee nchi̱nikɨnꞌ ráa Jesús kua̱ꞌa̱nꞌ ráa jín re̱ꞌ.

Lucas 18:28

Saájee nkachiꞌ Pedro: ―Kune̱ꞌyá, ránuꞌuꞌ chi nxi̱nóo ránꞌ ya̱ kúmí ránꞌ jee níkɨ́nꞌ ránꞌ noꞌó ―nkachiꞌ‑i.

Lucas 15:29

Jee nna̱xiníkó‑o nkachiꞌ‑i nu̱u̱nꞌ tátáꞌ‑a: “Kune̱ꞌyá, tantúꞌ kui̱ya̱ꞌ sátíñú ni̱ꞌ nu̱u̱nꞌ nú, jee ni nsáꞌ kújiááꞌ kuitɨꞌ iniꞌ ni̱ꞌ nu̱u̱nꞌ ya̱ nta̱túníꞌ nú, jee ni nsáꞌ nta̱jí nú ni sú ɨɨn lítú lúlí nu̱u̱nꞌ ni̱ꞌ sáva saꞌá ni̱ꞌ viko nusɨ̱ɨ̱ꞌ iniꞌ ni̱ꞌ jín rá ñɨvɨ ma̱ni̱ꞌ jín ni̱ꞌ.

Marcos 10:28

Nki̱jiéꞌé Pedro nkachiꞌ‑i nu̱u̱nꞌ re̱ꞌ: ―Kune̱ꞌyá, ránuꞌuꞌ chi nxi̱nóo ránꞌ nɨꞌɨ ya̱ kúmí ránꞌ, jee níkɨ́nꞌ ránꞌ noꞌó.

Marcos 2:14

Sáá kua̱jia̱ꞌa re̱ꞌ, jee niniꞌ re̱ꞌ ɨɨn te̱e naní Leví, se̱ꞌya Alfeo, nééꞌ‑e vetíñú nu̱u̱nꞌ tɨ́ɨn‑ɨ xu̱ꞌún náneeꞌ ñuunꞌ Roma. Jee nkachiꞌ Jesús nu̱u̱nꞌ re̱ꞌ: ―Kunikɨnꞌ nuꞌuꞌ. I̱ña̱jée nna̱kuiñɨꞌ Leví jee nchi̱nikɨnꞌ‑ɨ Jesús kua̱ꞌa̱nꞌ‑a jín re̱ꞌ.

Lucas 14:33

Jee saáva, nta̱ká ránoꞌó, retú ntu íyó iniꞌ‑i xinóo nɨꞌɨ ya̱ kúmí‑i, saájee ntu kúvi kunikɨnꞌ nuꞌuꞌ ya̱ sukuáꞌa ni̱ꞌ maa ―nkachiꞌ Jesús.

Mateo 9:9

Jee sáá nkene Jesús yukuán, jee kua̱ꞌa̱nꞌ re̱ꞌ, jee niniꞌ re̱ꞌ ɨɨn te̱e naní Mateo, nééꞌ‑e vetíñú nu̱u̱nꞌ tɨ́ɨn‑ɨ xu̱ꞌún náneeꞌ ñuunꞌ Roma, jee nkachiꞌ Jesús nu̱u̱nꞌ‑u: ―Kunikɨnꞌ nuꞌuꞌ ―nkachiꞌ re̱ꞌ, jee nna̱kuiñɨꞌ‑ɨ jee nchi̱nikɨnꞌ‑ɨ Jesús kua̱ꞌa̱nꞌ‑a jín re̱ꞌ.

1 Corintios 4:7

Chi, ¿né ɨɨn sáꞌá sɨ́ɨ́n noꞌó nsú káꞌ inka ñɨvɨ rúja?, jee, ¿na̱ kuvi ya̱ kúmí nú ya̱ ntu nkútaꞌviꞌ nú maa nu̱u̱nꞌ Ndiosíꞌ rúja? Jee retú íyó nijia ya̱ nku̱taꞌviꞌ nú maa, jee, ¿na̱ kuvi chi kútéyɨ́ɨ́ nú jín maánú kuéntáꞌ retánꞌ nsáꞌ nku̱taꞌviꞌ nú kúvi‑i rúja?

1 Corintios 1:29

Jee sukuán nsa̱ꞌá Ndiosíꞌ sáva ni ɨɨn ñɨvɨ nkúvi kutéyɨ́ɨ́ iniꞌ ráa jie̱ꞌe̱ꞌ maáráa ichinúúnꞌ Ndiosíꞌ.

Mateo 19:26

Jee néꞌyá Jesús nu̱u̱nꞌ ráa, jee nkachiꞌ re̱ꞌ: ―Rá ñɨvɨ chi ntu kúvi saꞌá ráa tiñu yaꞌá, soo Ndiosíꞌ chi kúvi saꞌá re̱ꞌ nɨꞌɨ nu̱u̱nꞌ ―nkachiꞌ Jesús.

Mateo 19:28

Jee nkachiꞌ Jesús: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ sáá kenta tiempúꞌ ya̱ nɨꞌɨ nasama jiáá, sáá kenta nuꞌuꞌ, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ yaꞌá sáva kuvi ni̱ꞌ Se̱ꞌya Ñɨvɨ, jee sáá kuneeꞌ ni̱ꞌ teyuꞌ kúñáꞌnú nu̱u̱nꞌ tatúníꞌ ni̱ꞌ, nu̱u̱nꞌ viiꞌ nasɨ́kuitɨꞌ kúñáꞌnú ni̱ꞌ, jee ránoꞌó ya̱ níkɨ́nꞌ rán nuꞌuꞌ, jee suni sukuán kuneeꞌ rán ni uxúꞌ u̱vi̱ꞌ (12) teyuꞌ ñáꞌnú, sáva sanáaꞌ rán tatúníꞌ rán nu̱u̱nꞌ rá ñɨvɨ ya̱ kúvi ráa rá ni uxúꞌ u̱vi̱ꞌ (12) tataꞌ ichiyúkúnꞌ ya̱ nkene ráa nu̱u̱nꞌ rá ni uxúꞌ u̱vi̱ꞌ (12) rá se̱ꞌya yɨ́ɨ́ Israel.