Mateo 19:22 - Mixteco del suroeste de Tlaxiaco Oaxaca

²² Soo sáá nteso̱ꞌo te̱e súchí vá rá tu̱ꞌun yaꞌá, jee kua̱ꞌa̱nꞌ re̱ꞌ nnu̱kuéká iniꞌ re̱ꞌ, chi jie̱ꞌe̱ꞌ kue̱ꞌe̱ꞌ víꞌí nantíñú re̱ꞌ íyó.

Mateo 19:22 Referans Kwoze

Mateo 6:24

’Ni ɨɨn ñɨvɨ ntu kúvi kɨtíñú‑u nu̱u̱nꞌ u̱vi̱ꞌ i̱toꞌoꞌ xí tiñu, chi taꞌvi iniꞌ‑i kune̱ꞌyá‑a ɨɨn, jee kunu̱u̱nꞌ‑u inka, áxí, kɨtíñú‑u nu̱u̱nꞌ ɨɨn, jee kuniichiꞌ‑i inka. Jee saáva ntu kúvi kɨtíñú rán nu̱u̱nꞌ Ndiosíꞌ jín suni nu̱u̱nꞌ xu̱ꞌún.

Mateo 13:22

Jee nikɨn ña̱kava‑a nteñu rá yu̱ku̱ꞌ iñu sáá nxi̱náváꞌ te̱e vá maa, suvi‑i kúvi ñɨvɨ ya̱ tésóꞌo ráa Tu̱ꞌun Ndiosíꞌ, soo nániꞌvɨꞌ víꞌí ka̱ꞌ iniꞌ‑i jie̱ꞌe̱ꞌ kue̱ꞌe̱ꞌ tiñu íyó iniꞌ ñɨ̱vɨ́ yaꞌá jee kuíni‑i kukúká‑a, jee yaꞌá xínáꞌví‑i ñɨvɨ vá, jee sátéꞌéꞌ‑e vá nu̱u̱nꞌ Tu̱ꞌun Ndiosíꞌ, jee saáva ntu jiáꞌnu ñɨvɨ vá ntu jíjia‑a jín Tu̱ꞌun Ndiosíꞌ, kuéntáꞌ ntu kénta ku̱ꞌva nikɨn tataꞌ.

Colosenses 3:5

Saáva xinóo rán ya̱ níyo iniꞌ rá ñɨvɨ ñɨ̱vɨ́ yaꞌá sáꞌá ráa, ya̱ ntu yɨ́ꞌɨ́ ráa xi̱ntíín Ndiosíꞌ, kuéntáꞌ ñaꞌniꞌ rán ya̱ níyo néꞌén iniꞌ rán, ya̱ íyó suꞌva: koto kúsíkɨ́ iniꞌ rán, koto sáꞌá néꞌí rán, koto ñúꞌún téní iniꞌ rán, koto níyo néꞌén iniꞌ rán, koto sáꞌá úꞌvi iniꞌ rán, ya̱ nuún kúvi‑i jín ya̱ néñu̱ꞌun rán nantíñú ya̱ nsú Ndiosíꞌ ví‑i.

Efesios 5:5

Chi ya̱ jíníꞌ rán ya̱ ɨɨn ñɨvɨ sáꞌá téní‑i, áxí sáꞌá‑a tiñu ya̱ ntu̱ví íyó ninuꞌun, áxí sáꞌá uꞌvi iniꞌ‑i (jee ñɨvɨ vá nuún kúvi‑i jín ɨɨn ñɨvɨ ya̱ néñu̱ꞌun‑u ɨɨn nantíñú ya̱ ntu kúvi Ndiosíꞌ), jee ya jíníꞌ rán ya̱ ni ɨɨn ráa ni nsáꞌ ni̱ꞌi̱nꞌ‑i ya̱ ki̱vɨ‑ɨ naꞌá Cristo jín Ndiosíꞌ nu̱u̱nꞌ tátúníꞌ ráa.

Marcos 10:22

Soo nnu̱kuíꞌyáꞌ iniꞌ te̱e vá, ya̱ nkachiꞌ Jesús tu̱ꞌun yukuán. Nnu̱kuéká iniꞌ re̱ꞌ jee kua̱ꞌa̱nꞌ re̱ꞌ, chi jie̱ꞌe̱ꞌ kue̱ꞌe̱ꞌ víꞌí nantíñú re̱ꞌ íyó.

Mateo 16:26

Chi, ¿na̱ nu̱u̱nꞌ íyótiñu nu̱u̱nꞌ ɨɨn ñɨvɨ, retú súnika̱ꞌ kuneí‑i ni̱ꞌi̱nꞌ‑i kua̱íyó ñɨ̱vɨ́ yaꞌá, retú sukuíta‑a ánímaꞌ‑a ya̱ nsáꞌ nanitáꞌvíꞌ‑i nu̱u̱nꞌ Ndiosíꞌ rúja? Áxí, ¿ná kúvi ya̱ chunáán ɨɨn ñɨvɨ sáva sikáku‑u ánímaꞌ‑a nanitáꞌvíꞌ‑i nu̱u̱nꞌ Ndiosíꞌ rúja? Ntu̱náꞌ íyó ya̱ kúvi ku̱ꞌva‑a.

Lucas 18:23

Jee sáá nteso̱ꞌo te̱e vá jie̱ꞌe̱ꞌ rá yaꞌá ya̱ nkachiꞌ Jesús, jee nnu̱kuéká víꞌí iniꞌ‑i, chi kúká víꞌí‑i.

Mateo 14:9

Saájee te̱e tátúníꞌ vá nku̱kuéká víꞌí iniꞌ re̱ꞌ. Soo jie̱ꞌe̱ꞌ nika̱ꞌ tu̱ꞌun nchi̱sóyuꞌú re̱ꞌ ku̱ꞌva re̱ꞌ na̱ni kúvi ya̱ ka̱ka̱nꞌ ña, jín jie̱ꞌe̱ꞌ nteso̱ꞌo rá ñɨvɨ ya̱ nééꞌ jín re̱ꞌ nu̱u̱nꞌ mesa, saájee nta̱túníꞌ re̱ꞌ ya̱ ku̱ꞌva ya̱ jíkánꞌ ña.

Marcos 6:26

Jee te̱e tátúníꞌ vá nku̱kuéká víꞌí iniꞌ re̱ꞌ. Soo jie̱ꞌe̱ꞌ ya̱ nchi̱sóyuꞌú re̱ꞌ ya̱ ku̱ꞌva re̱ꞌ maa nu̱u̱nꞌ ña, jín xá jie̱ꞌe̱ꞌ rá te̱e nééꞌ kúxíní ráa jín re̱ꞌ, jee ntu nkuíni re̱ꞌ kusáꞌán re̱ꞌ ya̱ níkanꞌ ña.

Mateo 19:21

Jee nkachiꞌ Jesús nu̱u̱nꞌ‑u: ―Retú kuíni nú kuvi nú ɨɨn te̱e na̱a̱ꞌ ya̱ síkúnkuvi nɨꞌɨ, kuáꞌán, jee xi̱kó nú nɨꞌɨ rá nantíñú kúmí nú, jee ku̱ꞌva xu̱ꞌún vá nu̱u̱nꞌ rá ñɨvɨ láꞌví, saájee ni̱ꞌi̱nꞌ nú ta̱ꞌvi̱ꞌ váꞌa ka̱ꞌ yɨ́yáꞌvi víꞌí ne̱ antivɨ́ súkún. Jee neꞌenꞌ kunikɨnꞌ nú nuꞌuꞌ ―nkachiꞌ Jesús.

Mateo 19:23

Saájee nkachiꞌ Jesús nu̱u̱nꞌ rá te̱e súkuáꞌa re̱ꞌ vá: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ víjí vá ki̱vɨ ñɨvɨ kúká xi̱ntíín Ndiosíꞌ nu̱u̱nꞌ tatúníꞌ re̱ꞌ nu̱u̱nꞌ‑u ne̱ antivɨ́ súkún.

Juan 16:20

Máá nááꞌ vá káchíꞌ ni̱ꞌ nu̱u̱nꞌ rán, ya̱ kunaꞌyuꞌ rán jee nukuéká iniꞌ rán, soo rá ñɨvɨ ñɨ̱vɨ́ chisaꞌ kusɨ̱ɨ̱ꞌ iniꞌ ráa. Soo súka̱ꞌ kukuéká iniꞌ rán, jee tu̱nkuéká iniꞌ rán vá nuvi‑i tu̱ꞌun sɨ́ɨ́ꞌ iniꞌ rán.