Mateo 18:9 - Mixteco del suroeste de Tlaxiaco Oaxaca

⁹ Jee retú sáꞌá nchinúún nú kininkava nú nu̱u̱nꞌ kua̱chi, va̱ꞌa ka̱ꞌ tavaꞌ nú maa sukuíkó íká nú maa. Chi va̱ꞌa ka̱ꞌ ví nú ya̱ koo ɨɨn ni nchinúún nú, jee ki̱vɨ nú nu̱u̱nꞌ kutekuꞌ nú nɨ́ɨ́nkání jín Ndiosíꞌ. Chi va̱ꞌa ka̱ꞌ sukuán nsú káꞌ koo ni núvíꞌ nchinúún nú, jee sukuíkó noꞌó nu̱u̱nꞌ ñuꞌúnꞌ xéénꞌ.

Mateo 18:9 Referans Kwoze

Hechos 14:22

Yukuán, nna̱chituvi ráa ánímaꞌ rá ñɨvɨ yɨ́ꞌɨ́ nu̱u̱nꞌ Jesús. Nna̱xiníꞌvɨ́ꞌ ráa iniꞌ rává kuni̱ꞌin rává kúneí iniꞌ rává Jesús. Nkachiꞌ ráa: ―Kue̱ꞌe̱ꞌ tu̱nóꞌó nínísaá kunoꞌo‑ó jee ki̱vɨ‑ó nu̱u̱nꞌ tátúníꞌ Ndiosíꞌ.

Mateo 18:8

Jee saáva, retú sóꞌó naꞌá nú áxí jie̱ꞌe̱ꞌ nú kininkava nú nu̱u̱nꞌ kua̱chi, va̱ꞌa ka̱ꞌ keꞌneꞌ nú maa sukuíkó íká nú maa. Chi va̱ꞌa ka̱ꞌ ví nú ya̱ koo kúꞌlúꞌ nú áxí ya̱ koo lénkó nú, jee ki̱vɨ nú nu̱u̱nꞌ kutekuꞌ nú nɨ́ɨ́nkání jín Ndiosíꞌ. Chi va̱ꞌa ka̱ꞌ sukuán nsú káꞌ koo ni núvíꞌ naꞌá nú, jín ni núvíꞌ jie̱ꞌe̱ꞌ nú jee kɨ̱ꞌɨ̱nꞌ nú nu̱u̱nꞌ ñuꞌúnꞌ xéénꞌ ya̱ káyúꞌ‑u nɨ́ɨ́nkání.

Mateo 5:29

’Jee saáva, retú nchinúún kuáꞌá nú sáꞌá‑a ya̱ kininkava nú nu̱u̱nꞌ kua̱chi, va̱ꞌa ka̱ꞌ tavaꞌ nú maa sukuíkó nú maa. Chi va̱ꞌa ka̱ꞌ ví nú ya̱ sukuíkó nú ɨɨn rá íyó nu̱u̱nꞌ yɨkɨkúñu nú, nsú káꞌ ya̱ sukuíkó nɨꞌɨ ñunéꞌyúꞌ nú nu̱u̱nꞌ ñuꞌúnꞌ xéénꞌ.

Mateo 5:22

Soo nuꞌuꞌ káchíꞌ ni̱ꞌ nu̱u̱nꞌ ránú ya̱ néni ɨɨn ñɨvɨ ya̱ kítɨ́ꞌ iniꞌ‑i néꞌyá‑a ñanitáꞌán‑a, koo si̱kɨ̱ꞌ‑ɨ kɨ̱ꞌɨ̱nꞌ‑ɨ xi̱ntíín nu̱u̱nꞌ keꞌneꞌ kua̱chi. Jee néni ɨɨn ñɨvɨ tenu̱u̱nꞌ ñanitáꞌán‑a jee kachiꞌ nu̱u̱nꞌ ñanitáꞌán‑a ya̱ ntu̱náꞌ tiñu, jee kɨ̱ꞌɨ̱nꞌ‑ɨ ichinúúnꞌ rá te̱e nísotíñú ñáꞌnú ka̱ꞌ keꞌneꞌ ráa kua̱chi. Jee néni ɨɨn ñɨvɨ ya̱ kachiꞌ‑i: “Ñɨvɨ naanꞌ”, nu̱u̱nꞌ ñanitáꞌán‑a koo si̱kɨ̱ꞌ‑ɨ kɨ̱ꞌɨ̱nꞌ‑ɨ nu̱u̱nꞌ ñúꞌúnꞌ xéénꞌ.

Apoclipsis 21:27

Soo ni nsáꞌ ki̱vɨ ni ɨɨn nantíñú ya̱ ntu íyó ninuꞌun yukuán, ni ñɨvɨ ya̱ sáꞌá‑a máá tiñu néꞌí, ni ñɨvɨ túꞌún. Chisaꞌ kua̱chi ki̱vɨ rá ñɨvɨ ya̱ níso súví ráa nu̱u̱nꞌ tutuꞌ nééꞌ súví rá ñɨvɨ ya̱ kutekuꞌ ráa nɨ́ɨ́nkání jín Ndiosíꞌ. Tutuꞌ ya̱ kúmí maáréꞌ ya̱ kúvi re̱ꞌ Lanchi Lúlí.

Hebreos 4:11

Saáva íyó nunasɨ́‑ó ki̱vɨ‑ó nu̱u̱nꞌ najia̱ví‑ó sáni nna̱jia̱ví re̱ꞌ, sáva ni ɨɨn‑ó ntu kininkava‑a saꞌá‑a kua̱ꞌ nsa̱ꞌá rá ñɨvɨ vá ya̱ ntu nka̱níjiá ráa.

Marcos 9:47

’Jee retú nchinúún nú sáꞌá‑a ya̱ kininkava nú nu̱u̱nꞌ kua̱chi, va̱ꞌa ka̱ꞌ tavaꞌ nú maa. Chi va̱ꞌa ka̱ꞌ ví nú ya̱ koo ɨɨn ni nchinúún nú, jee ki̱vɨ nú naꞌá Ndiosíꞌ. Chi va̱ꞌa ka̱ꞌ sukuán nsú káꞌ koo ni núvíꞌ nchinúún nú jee sukuíkó noꞌó nu̱u̱nꞌ ñuꞌúnꞌ xéénꞌ.

Mateo 19:17

Jee nkachiꞌ Jesús nu̱u̱nꞌ‑u. ―¿Na̱chi káchíꞌ nú ya̱ kúvi ni̱ꞌ te̱e va̱ꞌa? [Ni ɨɨn ñɨvɨ ntu kúvi ñɨvɨ va̱ꞌa], chi métúꞌún Ndiosíꞌ ví ya̱ va̱ꞌa iniꞌ. Jee retú kuíni nú ki̱vɨ nú nu̱u̱nꞌ kutekuꞌ nú nɨ́ɨ́nkání jín Ndiosíꞌ, jee sikúnkuvi nú ntáká rá tiñu ya̱ nta̱túníꞌ Ndiosíꞌ ―nkachiꞌ Jesús.

Mateo 16:26

Chi, ¿na̱ nu̱u̱nꞌ íyótiñu nu̱u̱nꞌ ɨɨn ñɨvɨ, retú súnika̱ꞌ kuneí‑i ni̱ꞌi̱nꞌ‑i kua̱íyó ñɨ̱vɨ́ yaꞌá, retú sukuíta‑a ánímaꞌ‑a ya̱ nsáꞌ nanitáꞌvíꞌ‑i nu̱u̱nꞌ Ndiosíꞌ rúja? Áxí, ¿ná kúvi ya̱ chunáán ɨɨn ñɨvɨ sáva sikáku‑u ánímaꞌ‑a nanitáꞌvíꞌ‑i nu̱u̱nꞌ Ndiosíꞌ rúja? Ntu̱náꞌ íyó ya̱ kúvi ku̱ꞌva‑a.