Mateo 18:19 - Mixteco del suroeste de Tlaxiaco Oaxaca

¹⁹ ’Jee suni káchíꞌ ni̱ꞌ nu̱u̱nꞌ rán, ya̱ retú íyó u̱vi̱ꞌ rán nátúꞌún nuún rán iniꞌ ñɨ̱vɨ́ yaꞌá, jee rénákúvi ya̱ ka̱ka̱nꞌ táꞌvíꞌ rán nu̱u̱nꞌ Tátáꞌ ni̱ꞌ Ndiosíꞌ ya̱ nééꞌ antivɨ́ súkún, jee saꞌá re̱ꞌ maa ya̱ kúvi ránoꞌó.

Mateo 18:19 Referans Kwoze

Mateo 7:7

’Ka̱ka̱nꞌ táꞌvíꞌ nu̱u̱nꞌ Ndiosíꞌ, jee taji re̱ꞌ ya̱ jíniñúꞌún rán. Nukú rá tiñu váꞌa íyó nu̱u̱nꞌ re̱ꞌ jee naniꞌinꞌ rán ya̱ taji re̱ꞌ. Jee ka̱ka̱nꞌ táꞌvíꞌ rán nu̱u̱nꞌ re̱ꞌ kuéntáꞌ kua̱ꞌ síkájián yuvéꞌí jee síkúne re̱ꞌ maa.

Marcos 11:24

Káchíꞌ ni̱ꞌ nu̱u̱nꞌ rán ya̱ nɨꞌɨ ya̱ ka̱ka̱nꞌ rán, ni jíkánꞌ táꞌvíꞌ rán nu̱u̱nꞌ Ndiosíꞌ, i̱nu̱ꞌ iniꞌ rán ya̱ ya nni̱ꞌi̱nꞌ rán maa, jee ni̱ꞌi̱nꞌ rán maa.

Juan 16:23

Jee ki̱vɨ̱ꞌ yukuán jee ntu̱náꞌ ka̱ka̱tu̱ꞌún rán ka̱ꞌ nuꞌuꞌ. Máá nááꞌ vá káchíꞌ ni̱ꞌ nu̱u̱nꞌ rán ya̱ nu̱u̱nꞌ maá Tátáꞌ ni̱ꞌ ka̱ka̱nꞌ rán néni ɨɨn tiñu nu̱u̱nꞌ súví nuꞌuꞌ, jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ, jee taji re̱ꞌ maa nu̱u̱nꞌ rán.

Filipenses 1:19

chi jíníꞌ ni̱ꞌ, ya̱ jie̱ꞌe̱ꞌ nta̱ká tiñu yaꞌá kene va̱ꞌa jín nuꞌuꞌ, jie̱ꞌe̱ꞌ ya̱ káꞌánꞌ rán jín Ndiosíꞌ jie̱ꞌe̱ꞌ ni̱ꞌ, jín jie̱ꞌe̱ꞌ ya̱ chíneí chítuvi Ta̱chi̱ꞌ Ííꞌ Jesús ya̱ kúvi Cristo nuꞌuꞌ.

Mateo 21:22

Jee ntáká ya̱ ka̱ka̱nꞌ rán, ni jíkánꞌ táꞌvíꞌ rán nu̱u̱nꞌ Ndiosíꞌ, jee i̱nu̱ꞌ iniꞌ rán jee ni̱ꞌi̱nꞌ rán maa ―nkachiꞌ Jesús.

Juan 15:7

Retú íñɨ́ ni̱ꞌin rán kínóo kutú rán nu̱u̱nꞌ nuꞌuꞌ, jín retú ñúꞌún iniꞌ rán rá tu̱ꞌun ya̱ nkachiꞌ ni̱ꞌ nu̱u̱nꞌ rán, saájee kuvi ka̱ka̱nꞌ rán néni ɨɨn ya̱ kuíni rán, jee saꞌá ni̱ꞌ ya̱ kuvi ya̱ jíkánꞌ rán.

1 Juan 3:22

jee suni na̱ni kúvi ya̱ ka̱ka̱nꞌ‑ó nu̱u̱nꞌ re̱ꞌ, jee ni̱ꞌi̱nꞌ‑ó maa nu̱u̱nꞌ re̱ꞌ, chi síkúnkuvi‑ó ya̱ tátúníꞌ re̱ꞌ, chi sáꞌá‑ó ya̱ kúváꞌa iniꞌ re̱ꞌ néꞌyá re̱ꞌ maa.

Hechos 12:5

Saájee nku̱mí ráa Pedro iniꞌ veka̱a, soo rá ñɨvɨ ya̱ kúneí iniꞌ ráa Jesús, ñúꞌún káñá iniꞌ ráa jíkánꞌ táꞌvíꞌ ráa nu̱u̱nꞌ Ndiosíꞌ jie̱ꞌe̱ꞌ re̱ꞌ.

Juan 15:16

Chi nsú ránoꞌó nka̱ji rán nuꞌuꞌ, chisaꞌ nuꞌuꞌ nka̱ji ni̱ꞌ ránoꞌó ya̱ kɨꞌɨ rán nu̱u̱nꞌ ni̱ꞌ, jee ñani ni̱ꞌ ránoꞌó kuneeꞌ tiñu si̱kɨ̱ꞌ rán, sáva saꞌá rán tiñu ni̱ꞌ kuéntáꞌ kúun uva, sáva tiñu váꞌa vá kino̱o‑o kutú‑u. Sáva néni ɨɨn ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ jee taji re̱ꞌ maa nu̱u̱nꞌ rán.

Hechos 1:14

Jee nuún yɨ́tíñú ntáká ráa yaꞌá káꞌánꞌ ráa jín Ndiosíꞌ. Jee kútútú ráa jín rá ñaꞌan, jín María, ya̱ kúvi náánꞌ Jesús, jín rá ñaniꞌ re̱ꞌ sáva kaꞌanꞌ ráa jín Ndiosíꞌ.

Mateo 5:24

saájee xinóo ya̱ sókóꞌ nú nu̱u̱nꞌ téñuꞌunꞌ ráa ya̱ sókóꞌ ráa, jee kuáꞌán nakama̱ni̱ꞌ jín ñanitáꞌán nú xíꞌna ka̱ꞌ, saájee nikó nasokoꞌ nu̱u̱nꞌ Ndiosíꞌ.

Hechos 6:4

Soo ránuꞌuꞌ, kɨtíñú ránꞌ máá tiñu ya̱ kaꞌanꞌ ránꞌ jín Ndiosíꞌ jín tiñu ya̱ stekútu̱ꞌún ránꞌ Tu̱ꞌun Ndiosíꞌ ―nkachiꞌ rá apóstol.

Hechos 16:10

Sáá niniꞌ re̱ꞌ ya̱ nxi̱néꞌénꞌ nu̱u̱nꞌ Ndiosíꞌ nu̱u̱nꞌ re̱ꞌ, jee nsa̱ꞌá stákoo ráníꞌ sáva kene ránꞌ kɨ̱ꞌɨ̱nꞌ ránꞌ Macedonia, chi niniꞌ kájí ránꞌ ya̱ kána Ndiosíꞌ ránuꞌuꞌ stekútu̱ꞌún ránꞌ tu̱ꞌun va̱ꞌa re̱ꞌ nu̱u̱nꞌ ráa.