Mateo 18:17 - Mixteco del suroeste de Tlaxiaco Oaxaca

¹⁷ Jee retú ntu̱ví íyó mániꞌ iniꞌ‑i nu̱u̱nꞌ káꞌánꞌ rá ñɨvɨ vá, yukuán jee kachiꞌ nú maa nu̱u̱nꞌ rá ñɨvɨ ya̱ kúneí iniꞌ ráa Ndiosíꞌ ya̱ nútútú ráa. Jee retú suni ntu̱ví íyó mániꞌ‑i nu̱u̱nꞌ káꞌánꞌ ráa, saájee siaáꞌ rán maa kene‑e nteñu rán kuéntáꞌ kúvi ɨɨn ñɨvɨ ya̱ ntu̱ví káníjiá‑a Ndiosíꞌ, áxí kuéntáꞌ kua̱ꞌ ɨɨn te̱e tíꞌñá tɨ́ɨn xu̱ꞌún ya̱ chúnáán rá ñɨvɨ ya̱ náneeꞌ Roma.

Mateo 18:17 Referans Kwoze

2 Tesalonicenses 3:6

Ránoꞌó ñanitáꞌán, jee nu̱u̱nꞌ súví I̱toꞌoꞌ‑ó Jesús ya̱ kúvi Cristo, jee tátúníꞌ ráníꞌ nu̱u̱nꞌ ránoꞌó, ya̱ kusɨ́ɨ́n ránú nu̱u̱nꞌ nta̱ká ñaniꞌ jíka kúxí jee ya̱ ntu sáꞌá ráa sáni tu̱ꞌun níꞌinꞌ rán nu̱u̱nꞌ ránuꞌuꞌ.

1 Corintios 5:9

Ya ntee ni̱ꞌ nu̱u̱nꞌ rán nu̱u̱nꞌ inka tutuꞌ jee nkachiꞌ ni̱ꞌ ya̱ koto kútáꞌán rán jín rá ñɨvɨ ya̱ sáꞌá tiñu téní.

1 Timoteo 6:5

jee máni xtáña̱ꞌán ɨɨn inka ráa, chi maá ñɨvɨ ni̱ta antúníꞌ ví ráa, chi ntu̱náꞌ jíníꞌ ráa ya̱ naáꞌ, jee jiáni iniꞌ ráa, ya̱ retú kunikɨnꞌ ráa ichi Cristo jee kuvi ni̱ꞌi̱nꞌ víꞌí ráa si̱kɨ̱ꞌ ka̱ꞌ. [Saꞌá sɨ́ɨ́n maánú nu̱u̱nꞌ ñɨvɨ íyó suꞌva.]

Lucas 15:1

Saájee ntáká rá te̱e nákeꞌen xu̱ꞌún náneeꞌ vetíñú Roma jín rá ñɨvɨ ya̱ sáꞌá kua̱chi nákuyatin ráa nu̱u̱nꞌ Jesús sáva teso̱ꞌo ráa rá tu̱ꞌun káchíꞌ re̱ꞌ.

Mateo 11:19

Jee, nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee ntiaaꞌ ru nuꞌuꞌ jee yájíꞌ ni̱ꞌ jee jíꞌi ni̱ꞌ, jee káchíꞌ ráa: “¡Kune̱ꞌyá! Kúvi re̱ꞌ te̱e a̱sɨ̱nꞌ iniꞌ jín te̱e ka̱ꞌva̱ꞌ nixiꞌ ya̱ ma̱ni̱ꞌ re̱ꞌ jín rá te̱e tíꞌñá nákeꞌen xu̱ꞌún náneeꞌ vetíñú ñuunꞌ Roma, jín ya̱ ma̱ni̱ꞌ‑i jín rá ñɨvɨ kua̱chi”, káchíꞌ ráa. Soo ñɨvɨ ya̱ tɨ́ɨn tu̱ꞌun níchí Ndiosíꞌ ya̱ xínéꞌénꞌ ráníꞌ stúvi ráa ya̱ na̱a̱ꞌ kúvi tu̱ꞌun vá jie̱ꞌe̱ꞌ tiñu váꞌa sáꞌá ráa ―nkachiꞌ Jesús.

Lucas 18:11

Jee te̱e fariseo vá íñɨ́ nichiꞌ‑i, jee káꞌánꞌ‑i jie̱ꞌe̱ꞌ‑e jee káchíꞌ‑i suꞌva: “Ndiosíꞌ, táji ni̱ꞌ ya̱ kútaꞌviꞌ nu̱u̱nꞌ nú ya̱ ntu kúvi ni̱ꞌ kuéntáꞌ kua̱ꞌ kúvi rá inka ka̱ꞌ rá te̱e, ya̱ kúvi te̱e kuíꞌná, te̱e kánéꞌén, te̱e téní kúsíkɨ́ iniꞌ jín kuéntáꞌ súka̱ꞌ kua̱ꞌ íyó te̱e tíꞌñá yaꞌá ya̱ nástútú‑u xu̱ꞌún náneeꞌ ñuunꞌ Roma.

Mateo 5:46

Chi retú kunu̱u̱nꞌ rán rá ñɨvɨ ya̱ ñúnúunꞌ ráa ránoꞌó, jee, ¿na̱ ta̱ꞌvi̱ꞌ íyó ni̱ꞌi̱nꞌ rán nu̱u̱nꞌ Ndiosíꞌ rúja? ¿Á ntu suni sukuán sáꞌá ne̱ rá te̱e tíꞌñá ya̱ tɨ́ɨn xu̱ꞌún náneeꞌ ñuunꞌ Roma rúja?

Mateo 6:7

Jee sáá káꞌánꞌ rán jín Ndiosíꞌ, koto na̱ni jie̱ꞌe̱ꞌ tu̱ꞌun nékáíyó káꞌánꞌ kachiꞌ rán, kuéntáꞌ sáꞌá rá ñɨvɨ ntu kúvi Israel ya̱ ntu̱ví jíníꞌ ráa Tu̱ꞌun Ndiosíꞌ, chi jiáni iniꞌ ráa ya̱ saꞌ víꞌí káꞌ níkó níkó ráa káꞌánꞌ ráa, jee tésóꞌo ka̱ꞌ Ndiosíꞌ jie̱ꞌe̱ꞌ rá káchíꞌ ráa.

Mateo 10:3

jee súví ka̱ꞌ rá apóstol ví Felipe, jín Bartolomé, jín Tomás, jín Mateo, ya̱ kúvi‑i ɨɨn rá te̱e tɨ́ɨn xu̱ꞌún nu̱u̱nꞌ rá ñɨvɨ chúnáán xu̱ꞌún ya̱ náneeꞌ Roma, jín Jacobo ya̱ kúvi se̱ꞌya yɨ́ɨ́ Alfeo, jee Lebeo, ya̱ suni káꞌánꞌ ráa maa Tadeo,

1 Corintios 6:1

Sáá néni ɨɨn rán kántátúꞌun jín inka ñanitáꞌán, ¿á kíji iniꞌ‑i jiákɨ́nꞌ‑ɨ kua̱chi si̱kɨ̱ꞌ ñanitáꞌán nu̱u̱nꞌ rá te̱e néetiñu ya̱ jiéꞌnéꞌ kua̱chi ya̱ nééꞌ vetíñú ya̱ ntu níkɨ́nꞌ ráa Ndiosíꞌ rúja?, nsú káꞌ kɨ̱ꞌɨ̱nꞌ‑ɨ kaꞌanꞌ‑a jín rá ñanitáꞌán‑ó ya̱ yɨ́ꞌɨ́ ráa nu̱u̱nꞌ Ndiosíꞌ, jee saꞌá náaꞌ ráa jie̱ꞌe̱ꞌ kua̱chi ya̱ jiákɨ́nꞌ‑ɨ.