Mateo 18:15 - Mixteco del suroeste de Tlaxiaco Oaxaca

¹⁵ ’Jee saáva, retú sáꞌá ñanitáꞌán nú kua̱chi si̱kɨ̱ꞌ nú, kuáꞌán kaꞌanꞌ sɨ́ɨ́n métúꞌún nú jín‑i, saꞌá nú nakuniꞌ‑i ya̱ íyó si̱kɨ̱ꞌ‑ɨ. Jee retú ni̱yo ma̱ni̱ꞌ iniꞌ‑i nka̱níjiá‑a nu̱u̱nꞌ tu̱ꞌun nkachiꞌ nú nu̱u̱nꞌ‑u, yukuán jee ya nku̱neí nú nna̱niꞌinꞌ nú ñanitáꞌán nú.

Mateo 18:15 Referans Kwoze

Colosenses 3:13

jín ya̱ keꞌneꞌ iniꞌ rán jín táꞌán rán, jín ya̱ kunekáꞌnú iniꞌ rán kune̱ꞌyá rán ɨɨn inka táꞌán rán, retú íyó kua̱chi nsa̱ꞌá néni ɨɨn rán si̱kɨ̱ꞌ néni ɨɨn inka rán. Kuéntáꞌ kua̱ꞌ nne̱káꞌnú iniꞌ Cristo nne̱ꞌyá re̱ꞌ ránoꞌó, jee suni sukuán ranika̱ꞌ saꞌá rán.

Gálatas 6:1

Ránoꞌó ñaniꞌ, ré ɨɨn táꞌán rán nkininkava nu̱u̱nꞌ kua̱chi, suvirán ya̱ sáꞌá sáni kuíni Ta̱chi̱ꞌ Ííꞌ Ndiosíꞌ, jee nachuꞌun tuku rán máá ichi váꞌa. Kaꞌanꞌ másúꞌ iniꞌ rán jín‑i. Jee nito koo rán maárán, sáva nsíkúvi iniꞌ rán nu̱u̱nꞌ kua̱chi vá.

2 Tesalonicenses 3:15

Soo koto ñúꞌún iniꞌ rán kuéntáꞌ retánꞌ tu̱fi̱ꞌ ta̱ꞌán‑a jín rán, jee nakutíñú rán nu̱u̱nꞌ‑u kuéntáꞌ ɨɨn ñaniꞌ.

Mateo 18:35

’Suni sukuán saꞌá Tátáꞌ ni̱ꞌ Ndiosíꞌ, ya̱ nééꞌ antivɨ́ súkún, jín ránoꞌó retú ntu̱ví nékáꞌnú iniꞌ ta ɨɨn rán kune̱ꞌyá rán ne̱ jín ánímaꞌ rán ñanitáꞌán rán, jie̱ꞌe̱ꞌ rá kua̱chi sáꞌá‑a si̱kɨ̱ꞌ rán ―nkachiꞌ Jesús.

Romanos 12:21

Koto jia̱ꞌa rán ya̱ kuneí ya̱ niváꞌa jín rán, chisaꞌ saꞌá rán ya̱ váꞌa jee suꞌva kuneí nú jín ya̱ niváꞌa vá.

1 Pedro 3:1

Jee suni sukuán ránoꞌó ñaꞌan íyó yɨɨ́, koo maniꞌ rán chiꞌi rán maárán xi̱ntíín yɨɨ́ rán, sáva retú néni ɨɨn rá yɨɨ́ rán vá ntu jínúꞌ iniꞌ ráa ntu káníjiá ráa Tu̱ꞌun Ndiosíꞌ, jee sijínúꞌ rán iniꞌ rá yɨɨ́ rán jín máá ni tiñu na̱ja va̱ꞌa na̱a̱ꞌ jiáꞌnu rán jee nsú jín tu̱ꞌun káꞌánꞌ rán.

1 Corintios 8:12

Jee sáá sukuán sáꞌá rán kua̱chi nu̱u̱nꞌ rá ñanitáꞌán rán, chi sáꞌá rán ya̱ ñúꞌún kuáchi iniꞌ ráa chi káꞌvi iniꞌ ráa ya̱ sáꞌá ráa kua̱chi jie̱ꞌe̱ꞌ táyáꞌ iniꞌ ráa ya̱ ntiáꞌan kujia va̱ꞌa iniꞌ ráa jín Tu̱ꞌun Ndiosíꞌ, jee suni sukuán sáꞌá rán kua̱chi nu̱u̱nꞌ Cristo.

2 Corintios 7:12

Saájee ntee ni̱ꞌ tutuꞌ vá nu̱u̱nꞌ rán, soo nsú kua̱chi jie̱ꞌe̱ꞌ ñɨvɨ vá ya̱ nsa̱ꞌá kua̱chi vá, jee ni nsú jie̱ꞌe̱ꞌ ñɨvɨ ya̱ nníꞌinꞌ‑i nnoꞌo‑o ya̱ níváꞌa vá. Chisaꞌ ntee ni̱ꞌ sáva ichinúúnꞌ Ndiosíꞌ túvi nu̱u̱nꞌ maárán ya̱ ñúꞌún káñá iniꞌ rán jie̱ꞌe̱ꞌ ránuꞌuꞌ.

1 Tesalonicenses 4:6

Jee koto jiáꞌa sáꞌá ni ɨɨn ránú nu̱u̱nꞌ ɨɨn ñaniꞌ nú jie̱ꞌe̱ꞌ vá. Jee koto xínáꞌví nú re̱ꞌ jie̱ꞌe̱ꞌ vá. Chi náchunáán I̱toꞌoꞌ‑ó xínóꞌo re̱ꞌ ñɨvɨ jie̱ꞌe̱ꞌ nta̱ká kua̱chi yaꞌá, sánikua̱ꞌ ya nstúꞌva ránꞌ nu̱u̱nꞌ ránoꞌó. Ya nstúvi na̱a̱ꞌ ránꞌ maa nu̱u̱nꞌ ránoꞌó.

Mateo 18:14

Jee suni sukuán, ntu̱ví kuíni Tátáꞌ rán ya̱ nééꞌ antivɨ́ súkún, ya̱ kinaanꞌ ni ɨɨn rá su̱chí lúlí yaꞌá.

Mateo 18:21

Saájee ña̱kuyatin Pedro nu̱u̱nꞌ Jesús, jee ni̱ka̱tu̱ꞌún‑u Jesús, jee nkachiꞌ‑i: ―I̱toꞌoꞌ, ¿na̱ja íchí íyó kunekáꞌnú iniꞌ ni̱ꞌ kune̱ꞌyá ni̱ꞌ ñanitáꞌán ni̱ꞌ retú sáꞌá‑a kua̱chi si̱kɨ̱ꞌ ni̱ꞌ rúja? ¿Á ne̱ u̱xa̱ꞌ íchí rúja? ―nkachiꞌ Pedro.

Tito 3:10

Retú íyó ɨɨn ñɨvɨ ya̱ núkú ya̱ sasɨ́ɨ́n‑ɨ rá ñanitáꞌán‑ó ya̱ yɨ́ꞌɨ́ ichi Cristo, stúꞌva maa ɨɨn íchí áxí ya̱ uvíꞌ íchí. Jee retú ntu sáma‑a, tavaꞌ maa nu̱u̱nꞌ grupo vá kɨ̱ꞌɨ̱nꞌ‑ɨ.