Mateo 17:27 - Mixteco del suroeste de Tlaxiaco Oaxaca

²⁷ Soo sáva ntu chuníní‑ó iniꞌ ráa, saáva kuáꞌán yúnteñúꞌún, jee sikéne yoꞌo núꞌníꞌ ka̱a lúlí ya̱ tɨ́ɨn tia̱ká nu̱u̱nꞌ nute, jee tia̱ká xíꞌnañúꞌún ya̱ tɨɨn ka̱a vá, jee tavaꞌ ti̱ꞌ, jee nikaꞌ nú yuꞌú ti̱ꞌ, jee yukuán naniꞌinꞌ nú ɨɨn xu̱ꞌún, jee tɨɨn maa chunáán nú nu̱u̱nꞌ rá te̱e vá, sáva kasɨꞌ nú nu̱u̱nꞌ nuꞌuꞌ jín nu̱u̱nꞌ noꞌó ―nkachiꞌ Jesús.

Mateo 17:27 Referans Kwoze

2 Corintios 6:3

Jee ni ntu̱náꞌ sáꞌá ráníꞌ sáva ntu xinínkava ránꞌ ñɨvɨ sáva ntu kasɨꞌ ránꞌ tɨɨn ráa Tu̱ꞌun Ndiosíꞌ, sáva nku̱ví chikua̱chi ráa si̱kɨ̱ꞌ tiñu sáꞌá ránꞌ nu̱u̱nꞌ Ndiosíꞌ.

2 Corintios 8:9

Chi ya̱ jíníꞌ rán ya̱ íyó mániꞌ iniꞌ I̱toꞌoꞌ‑ó Jesús ya̱ kúvi Cristo néꞌyá re̱ꞌ yó ya̱ sáꞌá re̱ꞌ ya̱ váꞌa jín‑ó. Chi sú kúká re̱ꞌ chi xi̱ntíín re̱ꞌ ví nɨꞌɨ ya̱ íyó, soo nna̱saꞌá láꞌví re̱ꞌ maáréꞌ jie̱ꞌe̱ꞌ ya̱ kúvi ya̱ váꞌa nu̱u̱nꞌ ránoꞌó, sáva ni̱ꞌi̱nꞌ‑órán ya̱ yɨ́yáꞌvi ka̱ꞌ ya̱ táji Ndiosíꞌ, jie̱ꞌe̱ꞌ ya̱ nnoꞌo láꞌví Cristo.

1 Corintios 8:9

Soo sú íyó núne yájíꞌ rán ku̱ñu vá, kumí rán maárán sáva nsáꞌ kenta sikíninkava ya̱ yájíꞌ rán maa rá ñanitáꞌán rán ya̱ táyáꞌ iniꞌ ráa ntiáꞌan kujia va̱ꞌa iniꞌ ráa nu̱u̱nꞌ Tu̱ꞌun Ndiosíꞌ.

1 Corintios 8:13

Jee saáva, retú jie̱ꞌe̱ꞌ yájíꞌ ni̱ꞌ ku̱ñu jee sukuán sikíninkava ni̱ꞌ ñanitáꞌán‑ó nu̱u̱nꞌ kua̱chi jee ni nsáꞌ kajiꞌ kuitɨꞌ ni̱ꞌ ka̱ꞌ ku̱ñu ni tékúꞌ ni̱ꞌ, sáva ntu̱ví saꞌá ni̱ꞌ ya̱ kininkava ñanitáꞌán‑ó nu̱u̱nꞌ kua̱chi.

Jonás 1:17

Soo I̱toꞌoꞌ‑ó chi ya nsa̱ꞌá túꞌva re̱ꞌ ɨɨn tia̱ká maa káꞌnú sáva kokó ti̱ꞌ Jonás. Jee u̱ni̱ꞌ ki̱vɨ̱ꞌ jín u̱ni̱ꞌ yakuááꞌ nñu̱ꞌun Jonás iniꞌ ti̱ꞌ.

Romanos 14:21

Va̱ꞌa ka̱ꞌ ya̱ nka̱jíꞌ‑ó ku̱ñu, jee ni nkóꞌo‑ó nixiꞌ, jee ni koto na̱ sáꞌá‑ó ni ɨɨn nu̱u̱nꞌ tiñu retú saꞌá‑a ya̱ kininkava ñanitáꞌán‑ó, áxí retú saꞌá‑a ya̱ tu̱fi̱ꞌ iniꞌ ráa, [áxí retú saꞌá‑a ya̱ táyáꞌ iniꞌ ráa ya̱ kúneí iniꞌ ráa Jesús].

Jonás 2:10

Saájee nta̱túníꞌ I̱toꞌoꞌ‑ó nu̱u̱nꞌ tia̱ká káꞌnú vá, jee nna̱nujien ti̱ꞌ Jonás. Nna̱tavaꞌ ti̱ꞌ maa iniꞌ ti̱ꞌ nu̱u̱nꞌ ñu̱ꞌún íchí.

Santiago 2:5

Ránoꞌó ñaniꞌ ni̱ꞌ jín ku̱ꞌva ni̱ꞌ ya̱ ñúnúunꞌ ni̱ꞌ, teso̱ꞌo yaꞌá: Ndiosíꞌ nka̱ji re̱ꞌ rá ñɨvɨ láꞌví íyó ñɨ̱vɨ́ yaꞌá, sáva kukúká ánímaꞌ ráa kúneí iniꞌ ráa re̱ꞌ, jee sáva ni̱ꞌi̱nꞌ ráa ta̱ꞌvi̱ꞌ ya̱ kɨꞌɨ ráa naꞌá re̱ꞌ nu̱u̱nꞌ tátúníꞌ re̱ꞌ, ya̱ suvivá nchi̱sóyuꞌú re̱ꞌ ya̱ ku̱ꞌva re̱ꞌ nu̱u̱nꞌ rá ñɨvɨ ya̱ ñúnúunꞌ ráa re̱ꞌ.

Génesis 1:28

Jee nsa̱ꞌá Ndiosíꞌ ya̱ na̱ ka̱ꞌ netuꞌ ka̱ꞌ kuvi ráa jee nkachiꞌ re̱ꞌ nu̱u̱nꞌ ráa: “Nataꞌviꞌ víꞌí rán ka̱ꞌ jee kukueꞌeꞌ rán ka̱ꞌ jee chuchítú rán maárán nu̱u̱nꞌ ñɨ̱vɨ́. Jee chiꞌi ñɨ̱vɨ́ xi̱ntíín rán. Jee kosoꞌ rán nu̱u̱nꞌ rá tia̱ká íyó nu̱u̱nꞌ nteñúꞌún, jín nu̱u̱nꞌ ntáká nu̱u̱nꞌ rá kitɨ íyó chi̱yo̱ꞌ ya̱ jíkó rátíꞌ súkún, jín nu̱u̱nꞌ nɨꞌɨ rá kitɨ tékúꞌ ya̱ jíkanuun nu̱u̱nꞌ ñu̱ꞌún.”

1 Tesalonicenses 5:22

Chusává rán maárán nu̱u̱nꞌ nta̱ká nu̱u̱nꞌ ya̱ ni̱váꞌa.

Juan 6:61

Jee ya jíníꞌ máá Jesús ya̱ rá ñɨvɨ ya̱ súkuáꞌa re̱ꞌ ráa táyuꞌú ráa sukuán, jee nkachiꞌ re̱ꞌ nu̱u̱nꞌ ráa: ―¿Á chúníní tu̱ꞌun ni̱ꞌ iniꞌ ránoꞌó?

Mateo 5:29

’Jee saáva, retú nchinúún kuáꞌá nú sáꞌá‑a ya̱ kininkava nú nu̱u̱nꞌ kua̱chi, va̱ꞌa ka̱ꞌ tavaꞌ nú maa sukuíkó nú maa. Chi va̱ꞌa ka̱ꞌ ví nú ya̱ sukuíkó nú ɨɨn rá íyó nu̱u̱nꞌ yɨkɨkúñu nú, nsú káꞌ ya̱ sukuíkó nɨꞌɨ ñunéꞌyúꞌ nú nu̱u̱nꞌ ñuꞌúnꞌ xéénꞌ.

Mateo 5:30

’Jee retú sóꞌó naꞌá kuáꞌá nú kininkava nú nu̱u̱nꞌ kua̱chi, va̱ꞌa ka̱ꞌ ya̱ keꞌneꞌ nú maa sukuíkó nú maa. Chi va̱ꞌa ka̱ꞌ kúvi nú ya̱ sukuíta nú ɨɨn rá íyó nu̱u̱nꞌ yɨkɨkúñu nú, nsú káꞌ ya̱ koo nɨꞌɨ ñunéꞌyúꞌ nú jee kɨ̱ꞌɨ̱nꞌ nú nu̱u̱nꞌ ñuꞌúnꞌ xéénꞌ.

Mateo 17:26

Soo nkachiꞌ Pedro: ―Rá inka ñɨvɨ. Jee nkachiꞌ Jesús: ―Soo retú saájee rá se̱ꞌya maáráa ntu̱náꞌ kéꞌen ya̱ꞌvi nu̱u̱nꞌ ráa.

Mateo 18:6

’Ré íyó su̱chí lúlí suꞌva ya̱ kúneí iniꞌ‑i nuꞌuꞌ, jee néni ɨɨn ñɨvɨ ya̱ xinínkava ɨɨn rá su̱chí lúlí vá xinóo‑o ichi nuꞌuꞌ, jee íyó va̱ꞌa ka̱ꞌ ré kuꞌniꞌ su̱ku̱nꞌ ñɨvɨ vá nu̱u̱nꞌ ɨɨn yu̱u̱ꞌ molínúꞌ máá káꞌnú ya̱ síkótíyu burrúꞌ maa jee sikéi ráa ñɨvɨ vá nu̱u̱nꞌ nteñúꞌún.

Mateo 18:8

Jee saáva, retú sóꞌó naꞌá nú áxí jie̱ꞌe̱ꞌ nú kininkava nú nu̱u̱nꞌ kua̱chi, va̱ꞌa ka̱ꞌ keꞌneꞌ nú maa sukuíkó íká nú maa. Chi va̱ꞌa ka̱ꞌ ví nú ya̱ koo kúꞌlúꞌ nú áxí ya̱ koo lénkó nú, jee ki̱vɨ nú nu̱u̱nꞌ kutekuꞌ nú nɨ́ɨ́nkání jín Ndiosíꞌ. Chi va̱ꞌa ka̱ꞌ sukuán nsú káꞌ koo ni núvíꞌ naꞌá nú, jín ni núvíꞌ jie̱ꞌe̱ꞌ nú jee kɨ̱ꞌɨ̱nꞌ nú nu̱u̱nꞌ ñuꞌúnꞌ xéénꞌ ya̱ káyúꞌ‑u nɨ́ɨ́nkání.

Marcos 9:42

’Ré íyó ɨɨn su̱chí lúlí suꞌva ya̱ kúneí iniꞌ‑i nuꞌuꞌ, jee néni ɨɨn ñɨvɨ xinínkava ɨɨn rá su̱chí lúlí yaꞌá xinóo‑o ichi nuꞌuꞌ, jee íyó va̱ꞌa ka̱ꞌ ré kuꞌniꞌ su̱ku̱nꞌ ñɨvɨ vá nu̱u̱nꞌ ɨɨn yu̱u̱ꞌ molínúꞌ máá káꞌnú ya̱ síkótíyu burrúꞌ maa, jee sikéne ráa ñɨvɨ vá nu̱u̱nꞌ nteñúꞌún.

Marcos 9:43

’Jee retú sóꞌó naꞌá nú kininkava nú nu̱u̱nꞌ kua̱chi, va̱ꞌa ka̱ꞌ keꞌneꞌ nú maa. Chi va̱ꞌa ka̱ꞌ ví nú ya̱ koo kúꞌlúꞌ nú, jee ki̱vɨ nú nu̱u̱nꞌ kutekuꞌ nú nɨ́ɨ́nkání jín Ndiosíꞌ. Chi va̱ꞌa ka̱ꞌ sukuán nsú káꞌ ya̱ koo ni núvíꞌ naꞌá nú jee kɨ̱ꞌɨ̱nꞌ nú nu̱u̱nꞌ ñuꞌúnꞌ xéénꞌ ya̱ ntu náꞌváꞌ ñuꞌunꞌ maa.

Lucas 17:2

Chi va̱ꞌa ka̱ꞌ kúvi‑i retánꞌ sukuán jee kunuꞌniꞌ su̱ku̱nꞌ‑u ɨɨn yu̱u̱ꞌ molínúꞌ máá káꞌnú jee kɨ̱sikéne maa nu̱u̱nꞌ nteñúꞌún, nsú káꞌ retú xinínkava‑a ɨɨn rá su̱chí lúlí yaꞌá xinóo‑o ichi nuꞌuꞌ.