Mateo 16:26 - Mixteco del suroeste de Tlaxiaco Oaxaca

²⁶ Chi, ¿na̱ nu̱u̱nꞌ íyótiñu nu̱u̱nꞌ ɨɨn ñɨvɨ, retú súnika̱ꞌ kuneí‑i ni̱ꞌi̱nꞌ‑i kua̱íyó ñɨ̱vɨ́ yaꞌá, retú sukuíta‑a ánímaꞌ‑a ya̱ nsáꞌ nanitáꞌvíꞌ‑i nu̱u̱nꞌ Ndiosíꞌ rúja? Áxí, ¿ná kúvi ya̱ chunáán ɨɨn ñɨvɨ sáva sikáku‑u ánímaꞌ‑a nanitáꞌvíꞌ‑i nu̱u̱nꞌ Ndiosíꞌ rúja? Ntu̱náꞌ íyó ya̱ kúvi ku̱ꞌva‑a.

Mateo 16:26 Referans Kwoze

Lucas 9:25

Chi, ¿na̱ nu̱u̱nꞌ íyótiñu nu̱u̱nꞌ ɨɨn ñɨvɨ retú ni̱ꞌi̱nꞌ‑i kua̱íyó ñɨ̱vɨ́ nɨ́ɨ́n yaꞌá rúja, retú sukuíta‑a maáa áxí retú xínáánꞌ‑a maáa ya̱ nsáꞌ nanitáꞌvíꞌ‑i nu̱u̱nꞌ Ndiosíꞌ rúja?

Lucas 12:20

Soo nkachiꞌ Ndiosíꞌ nu̱u̱nꞌ re̱ꞌ: “Te̱e naanꞌ, chi yakuááꞌ vitan kinake̱ꞌen ni̱ꞌ ánímaꞌ nú, jee rá nsa̱ꞌá stákoo nú, ¿né ɨɨn vá kuvi maa rúja?”, nkachiꞌ Ndiosíꞌ nu̱u̱nꞌ te̱e vá.

Lucas 16:25

’Soo nkachiꞌ Abraham nu̱u̱nꞌ re̱ꞌ: “Se̱ꞌya, naku̱ꞌun iniꞌ nú ya̱ nni̱ꞌi̱nꞌ nú rá váꞌa nú sáá ntekuꞌ nú iniꞌ ñɨ̱vɨ́, soo Lázaro chi nni̱ꞌi̱nꞌ re̱ꞌ rá niváꞌa. Soo vitan jee nániꞌinꞌ neí iniꞌ re̱ꞌ yaꞌá, jee noꞌó chi nóꞌo nú.

Mateo 5:29

’Jee saáva, retú nchinúún kuáꞌá nú sáꞌá‑a ya̱ kininkava nú nu̱u̱nꞌ kua̱chi, va̱ꞌa ka̱ꞌ tavaꞌ nú maa sukuíkó nú maa. Chi va̱ꞌa ka̱ꞌ ví nú ya̱ sukuíkó nú ɨɨn rá íyó nu̱u̱nꞌ yɨkɨkúñu nú, nsú káꞌ ya̱ sukuíkó nɨꞌɨ ñunéꞌyúꞌ nú nu̱u̱nꞌ ñuꞌúnꞌ xéénꞌ.

Mateo 16:25

Chi néni ɨɨn ñɨvɨ ya̱ ntu níkɨ́nꞌ nuꞌuꞌ chi níyo iniꞌ‑i kutekuꞌ va̱ꞌa jín ya̱ kaku‑u tu̱nóꞌó kiji nu̱u̱nꞌ‑u jie̱ꞌe̱ꞌ níkɨ́nꞌ‑ɨ nuꞌuꞌ, jee sukuíta‑a ya̱ kutekuꞌ jín Ndiosíꞌ. Soo néni ɨɨn ñɨvɨ ya̱ níkɨ́nꞌ‑ɨ nuꞌuꞌ súka̱ꞌ nóꞌo‑o tu̱nóꞌó ne̱ kuviꞌ‑i jie̱ꞌe̱ꞌ níkɨ́nꞌ‑ɨ nuꞌuꞌ jín jie̱ꞌe̱ꞌ tɨ́ɨn‑ɨ tu̱ꞌun váꞌa ni̱ꞌ, jee ka̱ku nijia‑a chi ni̱ꞌi̱nꞌ‑i ya̱ kutekuꞌ‑u jín Ndiosíꞌ.

Mateo 16:27

Chi nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kiji tuku ni̱ꞌ iniꞌ ñɨ̱vɨ́ yaꞌá, jee viiꞌ víꞌí kuñáꞌnú ni̱ꞌ jín tiñu níso ni̱ꞌ kuéntáꞌ kua̱ꞌ kúñáꞌnú maá Tátáꞌ ni̱ꞌ Ndiosíꞌ, jee kiji ni̱ꞌ jín rá najiáꞌáꞌ ííꞌ ni̱ꞌ. Saájee nachunáán ni̱ꞌ nu̱u̱nꞌ ta ɨɨn rá ñɨvɨ sánikua̱ꞌ na̱ja íyó tiñu nsa̱ꞌá ráa.