Mateo 15:33 - Mixteco del suroeste de Tlaxiaco Oaxaca

³³ Saájee nkachiꞌ rá te̱e súkuáꞌa re̱ꞌ vá: ―¿Né núꞌ ni̱ꞌi̱nꞌ‑ó neyu nu̱u̱nꞌ ñu̱ꞌún saɨn yaꞌá, sáva ku̱ꞌva‑ó kajiꞌ rá ñɨvɨ kue̱ꞌe̱ꞌ yaꞌá rúja? ―nkachiꞌ ráa.

Mateo 15:33 Referans Kwoze

Lucas 9:13

Soo nkachiꞌ Jesús nu̱u̱nꞌ ráa: ―Ku̱ꞌva rán kajiꞌ ráa ―nkachiꞌ re̱ꞌ. Soo nkachiꞌ ráa: ―Ntu̱náꞌ kue̱ꞌe̱ꞌ íyó ínaꞌá ránꞌ chi kua̱chi u̱ꞌu̱nꞌ i̱xta̱tíláꞌ ni jín u̱vi̱ꞌ tia̱ká ni íyó. Áxí soo nika̱ꞌ retú ki̱ke̱ꞌen ránꞌ ya̱ kajiꞌ ntáká rá ñɨvɨ kue̱ꞌe̱ꞌ yaꞌá rúja ―nkachiꞌ rá te̱e kútáꞌán jín re̱ꞌ sukuáꞌa re̱ꞌ ráa.

Marcos 6:37

Soo Jesús nna̱xiníkó nu̱u̱nꞌ ráa: ―Ku̱ꞌva rán kajiꞌ ráa ―nkachiꞌ re̱ꞌ. Jee nkachiꞌ ráa nu̱u̱nꞌ re̱ꞌ: ―Vansú u̱vi̱ꞌ sientúꞌ (200) ki̱vɨ̱ꞌ satíñú ɨɨn te̱e, jee ni̱ꞌi̱nꞌ ránꞌ xu̱ꞌún keꞌen ránꞌ ya̱ kajiꞌ ráa. Jee, ¿á kɨ̱ꞌɨ̱nꞌ ránꞌ jee keꞌen ránꞌ i̱xta̱tíláꞌ vá, jee ku̱ꞌva ránꞌ kajiꞌ ráa? ―nkachiꞌ ráa nu̱u̱nꞌ re̱ꞌ.

Mateo 14:15

Jee sáá nini kuíí, jee ña̱kuyatin rá te̱e súkuáꞌa Jesús ráa nu̱u̱nꞌ re̱ꞌ, jee nkachiꞌ ráa: ―Ñuꞌun saɨn nu̱u̱nꞌ ntu nééꞌ ñɨvɨ ví yaꞌá, jee ya nini víꞌí ví‑i, jee va̱ꞌa ka̱ꞌ nachuichí xá nú rá ñɨvɨ kɨ̱ꞌɨ̱nꞌ ráa rá ñuunꞌ káá yatin, sáva keꞌen ráa ya̱ kajiꞌ ráa ―nkachiꞌ rá te̱e vá.

Mateo 15:32

Saájee nkana Jesús rá te̱e súkuáꞌa re̱ꞌ vá, jee nkachiꞌ re̱ꞌ nu̱u̱nꞌ ráa: ―Kúnáꞌví iniꞌ ni̱ꞌ néꞌyá ni̱ꞌ rá ñɨvɨ kue̱ꞌe̱ꞌ yaꞌá, chi ya̱ nkuvi u̱ni̱ꞌ ki̱vɨ̱ꞌ nééꞌ ráa jín nuꞌuꞌ, jee ntu̱náꞌ íyó ya̱ kajiꞌ ráa. Jee ntu kuíni ni̱ꞌ nachuichí niteꞌ ni̱ꞌ ráa noꞌonꞌ ráa, nsuñájee kuneenꞌ nu̱u̱nꞌ ráa so̱ko ―nkachiꞌ re̱ꞌ.

Mateo 15:34

Jee nkachiꞌ Jesús nu̱u̱nꞌ ráa: ―¿Na̱ja i̱xta̱tíláꞌ níso rán? ―U̱xa̱ꞌ jín yakuꞌ tia̱ká lúlí ―nkachiꞌ ráa.