Mateo 15:30 - Mixteco del suroeste de Tlaxiaco Oaxaca

³⁰ Jee nkenta kue̱ꞌe̱ꞌ víꞌí rá ñɨvɨ nu̱u̱nꞌ re̱ꞌ, jee náka ráa rá ñɨvɨ lénkó, ñɨvɨ kuáá, ñɨvɨ kúꞌlúꞌ, ñɨvɨ ñɨ́ꞌɨ́nꞌ, jín kue̱ꞌe̱ꞌ víꞌí ka̱ꞌ rá ñɨvɨ kúꞌvíꞌ. Jee ñakɨnꞌ ráa rá ñɨvɨ kúꞌvíꞌ vá nu̱u̱nꞌ íñɨ́ Jesús. Jee nxi̱núvi re̱ꞌ rá ñɨvɨ kúꞌvíꞌ vá.

Mateo 15:30 Referans Kwoze

Hechos 2:22

Jee suni nkachiꞌ Pedro nu̱u̱nꞌ ráa: ―¡Ránoꞌó tántéyɨ́ɨ́ Israel! Teso̱ꞌo rán rá tu̱ꞌun yaꞌá. Jesús, ya̱ váji ñuunꞌ Nazaret, nstúvi Ndiosíꞌ nteñu ránoꞌó ya̱ nchu̱ichí re̱ꞌ maa. Chi nsa̱ꞌá Ndiosíꞌ, ya̱ nsa̱ꞌá re̱ꞌ rá milagrúꞌ, rá tiñu a̱nasɨ́ ya̱ nsa̱ꞌá‑a ya̱ nti̱vɨ́ xíniꞌ‑ó, jín rá seña, ya̱ stúvi ya̱ kúñáꞌnú ví re̱ꞌ. Nsa̱ꞌá re̱ꞌ rá yaꞌá nteñu ránú, sáni ya̱ jíníꞌ ránú.

Marcos 9:43

’Jee retú sóꞌó naꞌá nú kininkava nú nu̱u̱nꞌ kua̱chi, va̱ꞌa ka̱ꞌ keꞌneꞌ nú maa. Chi va̱ꞌa ka̱ꞌ ví nú ya̱ koo kúꞌlúꞌ nú, jee ki̱vɨ nú nu̱u̱nꞌ kutekuꞌ nú nɨ́ɨ́nkání jín Ndiosíꞌ. Chi va̱ꞌa ka̱ꞌ sukuán nsú káꞌ ya̱ koo ni núvíꞌ naꞌá nú jee kɨ̱ꞌɨ̱nꞌ nú nu̱u̱nꞌ ñuꞌúnꞌ xéénꞌ ya̱ ntu náꞌváꞌ ñuꞌunꞌ maa.

Lucas 14:13

Chisaꞌ sáá sáꞌá nú viko, jee kana nú rá ñɨvɨ láꞌví, jín ñɨvɨ kúꞌlúꞌ, jín ñɨvɨ lénkó jín ñɨvɨ kuáá.