Mateo 15:29 - Mixteco del suroeste de Tlaxiaco Oaxaca

²⁹ Jee nkene Jesús yukuán, jee kua̱ꞌa̱nꞌ re̱ꞌ yúnteñúꞌún Galilea, jee nkaa re̱ꞌ xi̱ni̱ꞌ ɨɨn itunꞌ, jee ña̱kuneeꞌ re̱ꞌ yukuán.

Mateo 15:29 Referans Kwoze

Mateo 4:18

Jee jíka Jesús kua̱ꞌa̱nꞌ re̱ꞌ yúnteñúꞌún Galilea, jee niniꞌ re̱ꞌ u̱vi̱ꞌ rá te̱e ya̱ kúvi ñaniꞌ maáráa, ɨɨn ví Simón, ya̱ naní Pedro, jee inka kúvi ñaniꞌ re̱ꞌ, Andrés. Síkéne ráa ñunu yúꞌvé nu̱u̱nꞌ nteñúꞌún, chi te̱e tɨ́ɨn tia̱ká kúvi ráa.

Juan 6:1

Jee sáá njia̱ꞌa rá yaꞌá, kua̱ꞌa̱nꞌ Jesús íyo ka̱ꞌ ichi yúnteñúꞌún Galilea, ya̱ suni naní Tiberias.

Mateo 5:1

Jee sáá niniꞌ Jesús ya̱ kue̱ꞌe̱ꞌ víꞌí ñɨvɨ íñɨ́ ráa nu̱u̱nꞌ re̱ꞌ, jee nkaa re̱ꞌ kua̱ꞌa̱nꞌ re̱ꞌ ɨɨn yuku, jee ña̱kuneeꞌ re̱ꞌ yukuán, jee nkenta rá te̱e súkuáꞌa re̱ꞌ nu̱u̱nꞌ re̱ꞌ.

Juan 21:1

Sáá njia̱ꞌa yaꞌá, jee nna̱stúvi tuku Jesús maáréꞌ nu̱u̱nꞌ rá te̱e súkuáꞌa re̱ꞌ ráa yuꞌú nteñúꞌún Tiberias. Jee nstúvi re̱ꞌ maáréꞌ suꞌva:

Juan 6:23

Jee rá inka ka̱ꞌ barkúꞌ va̱ji ichi ñuunꞌ Tiberias, jee nkenta rává yatin nu̱u̱nꞌ nneeꞌ ráa nyajiꞌ ráa i̱xta̱tíláꞌ sáá njia̱ꞌa Jesús ya̱ kútaꞌviꞌ nu̱u̱nꞌ Ndiosíꞌ jie̱ꞌe̱ꞌ‑e.

Lucas 5:1

Nkuvi suꞌva ɨɨn íchí sáá íñɨ́ Jesús yúnteñúꞌún Genesaret, jee rá ñɨvɨ kue̱ꞌe̱ꞌ ne̱ nchi̱tú ni̱ꞌin ráa nákuniꞌi ráa re̱ꞌ tésóꞌo ráa Tu̱ꞌun Ndiosíꞌ ya̱ káchítu̱ꞌún re̱ꞌ.

Marcos 1:16

Jee sáá kua̱jia̱ꞌa Jesús yuꞌú nteñúꞌún Galilea, jee niniꞌ re̱ꞌ Simón jín ñaniꞌ‑i Andrés. Ya̱ síkéne ráa ñunu yúꞌvé ráa nu̱u̱nꞌ nteñúꞌún, chi kúvi ráa te̱e tɨ́ɨn tia̱ká.

Mateo 13:2

Jee nku̱tútú kue̱ꞌe̱ꞌ víꞌí ñɨvɨ nu̱u̱nꞌ re̱ꞌ yukuán. Saáva nkívɨ re̱ꞌ iniꞌ ɨɨn barkúꞌ, jee ña̱kuneeꞌ re̱ꞌ, jee ntáká rá ñɨvɨ íñɨ́ ráa yuꞌú nteñúꞌún.