Mateo 15:28 - Mixteco del suroeste de Tlaxiaco Oaxaca

²⁸ Saájee nna̱xiníkó Jesús jee nkachiꞌ‑i nu̱u̱nꞌ ña: ―Noꞌó ñaꞌan, na̱ ka̱ꞌ kúneí víꞌí ka̱ꞌ iniꞌ nú nuꞌuꞌ. ¡Kuvi sáni kuíni nú ya̱ saꞌá ni̱ꞌ! ―nkachiꞌ re̱ꞌ. Jee ne̱ máá hora yukuán, jee nnuvi se̱ꞌya sɨ́ꞌɨ́ ña.

Mateo 15:28 Referans Kwoze

Mateo 8:13

Saájee nkachiꞌ Jesús nu̱u̱nꞌ capitán vá: ―Kuánoꞌonꞌ veꞌi nú, jee kuvi tiñu sánikua̱ꞌ nku̱neí iniꞌ nú ya̱ kuvi saꞌá ni̱ꞌ maa. Jee kuísá hora yukuán jee nnuvi musúꞌ vá.

Marcos 5:34

Jee nkachiꞌ Jesús nu̱u̱nꞌ ña: ―Se̱ꞌya sɨ́ꞌɨ́, nxi̱núvi ni̱ꞌ noꞌó jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ. Kuáꞌán váꞌa. Nuvi nú jie̱ꞌe̱ꞌ kue̱ꞌi̱ꞌ nú.

Mateo 9:22

Soo nna̱koto yátá Jesús, jee niniꞌ re̱ꞌ ña, jee nkachiꞌ re̱ꞌ: ―Nasaꞌá neí iniꞌ nú, se̱ꞌya sɨ́ꞌɨ́, chi jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ jee nxi̱núvi ni̱ꞌ noꞌó ―nkachiꞌ re̱ꞌ, jee kuísá máá hora yukuán nnuvi ña.

Mateo 8:10

Jee sáá nteso̱ꞌo Jesús rá tu̱ꞌun nkachiꞌ‑i, jee nti̱vɨ́ xíniꞌ re̱ꞌ, jee nkachiꞌ re̱ꞌ nu̱u̱nꞌ rá ñɨvɨ ya̱ níkɨ́nꞌ ráa re̱ꞌ kua̱ꞌa̱nꞌ: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ ni sú nu̱u̱nꞌ ñuunꞌ Israel ntu nnániꞌinꞌ ni̱ꞌ ni ɨɨn ñɨvɨ ya̱ kúneí víꞌí iniꞌ‑i nuꞌuꞌ, kuéntáꞌ kua̱ꞌ kúneí iniꞌ te̱e yaꞌá nuꞌuꞌ.

Lucas 17:5

Saájee rá najiáꞌáꞌ I̱toꞌoꞌ‑ó ya̱ níso ráa tiñu apóstol ya̱ chuichí re̱ꞌ, jee nkachiꞌ ráa nu̱u̱nꞌ re̱ꞌ: ―Saꞌá nú ya̱ kukueꞌeꞌ ka̱ꞌ i̱nu̱ꞌ iniꞌ ránꞌ kuneí iniꞌ ránꞌ noꞌó ―nkachiꞌ ráa.

Lucas 7:50

Soo nkachiꞌ Jesús nu̱u̱nꞌ ñaꞌan vá: ―Jie̱ꞌe̱ꞌ ya̱ kúneí iniꞌ nú nuꞌuꞌ, saáva ya̱ nna̱tavaꞌ ni̱ꞌ noꞌó nu̱u̱nꞌ kua̱chi nú nsi̱káku ni̱ꞌ noꞌó. Kuáꞌán va̱ꞌa ne̱ va̱ꞌa kuvi iniꞌ ánímaꞌ nú ―nkachiꞌ Jesús.

Lucas 7:9

Jee sáá nteso̱ꞌo Jesús rá tu̱ꞌun yaꞌá, jee nti̱vɨ́ xíniꞌ re̱ꞌ. Jee nna̱koto yátá re̱ꞌ nu̱u̱nꞌ rá ñɨvɨ kue̱ꞌe̱ꞌ ya̱ kuáꞌán ráa níkɨ́nꞌ ráa re̱ꞌ, jee nkachiꞌ re̱ꞌ nu̱u̱nꞌ ráa: ―Káchíꞌ ni̱ꞌ nu̱u̱nꞌ rán ya̱ ni sú nu̱u̱nꞌ ñuunꞌ Israel ni ntu nnániꞌinꞌ ni̱ꞌ ni ɨɨn ñɨvɨ ya̱ kúneí iniꞌ‑i nuꞌuꞌ kuéntáꞌ kua̱ꞌ kúneí iniꞌ te̱e yaꞌá nuꞌuꞌ ―nkachiꞌ Jesús.

2 Tesalonicenses 1:3

Sukuáni íyó ku̱ꞌva ráníꞌ ya̱ kútaꞌviꞌ ránꞌ nu̱u̱nꞌ Ndiosíꞌ jie̱ꞌe̱ꞌ ránoꞌó, ñaniꞌ jín ku̱ꞌva. Íyó va̱ꞌa sáꞌá ránꞌ suꞌva, chi jiáꞌnu víꞌí ka̱ꞌ ya̱ kúneí iniꞌ rán Jesús, jee kúkueꞌeꞌ ka̱ꞌ ñúnúunꞌ nɨꞌɨ rán ɨɨn inka ñanitáꞌán rán.

Mateo 14:31

Jee kuísá ntañúꞌún kuitɨꞌ nsi̱kááꞌ Jesús naꞌá re̱ꞌ, jee nna̱tɨɨn re̱ꞌ naꞌá‑a, jee nkachiꞌ re̱ꞌ nu̱u̱nꞌ‑u: ―¡Na̱ ka̱ꞌ yakuꞌ ka̱ꞌ kúneí iniꞌ nú nuꞌuꞌ! ¿Na̱ kuvi chi ni̱yo tu̱ꞌun jiáni iniꞌ nú jie̱ꞌe̱ꞌ nuꞌuꞌ? ―nkachiꞌ Jesús.

Mateo 15:27

Jee nkachiꞌ ña: ―Va̱tu̱ꞌ nijia, I̱toꞌoꞌ. Soo suni ne̱ rá úsú lúlí, jee yájíꞌ rátíꞌ rá yuchi yuꞌú ya̱ jiétéꞌ yuꞌú mesa rá i̱toꞌoꞌ rátíꞌ ―nkachiꞌ ña.