Mateo 15:27 - Mixteco del suroeste de Tlaxiaco Oaxaca

²⁷ Jee nkachiꞌ ña: ―Va̱tu̱ꞌ nijia, I̱toꞌoꞌ. Soo suni ne̱ rá úsú lúlí, jee yájíꞌ rátíꞌ rá yuchi yuꞌú ya̱ jiétéꞌ yuꞌú mesa rá i̱toꞌoꞌ rátíꞌ ―nkachiꞌ ña.

Mateo 15:27 Referans Kwoze

Efesios 3:8

Sú núun ka̱ꞌ kúñáꞌnú ni̱ꞌ nu̱u̱nꞌ nɨꞌɨ rá ñɨvɨ núun ka̱ꞌ kúñáꞌnú ráa ya̱ nsa̱ꞌá sɨ́ɨ́n Ndiosíꞌ ráa sáva kuvi ráa ñɨvɨ re̱ꞌ. Soo nsi̱kútaꞌviꞌ re̱ꞌ tiñu vá nu̱u̱nꞌ ni̱ꞌ ya̱ kachitu̱ꞌún ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ ya̱ ntu kúvi ñɨvɨ Israel. Tu̱ꞌun vá ví ya̱ ntántúníꞌ yɨ́yáꞌvi nasɨ́kuitɨꞌ ka̱ꞌ ví Cristo jín rá táji re̱ꞌ nu̱u̱nꞌ‑ó. Jee ni nsáꞌ kenta ki̱ku̱ꞌun iniꞌ‑ó nɨꞌɨ tu̱ꞌun vá.

Lucas 16:21

Jee ne̱ ñúkúvi iniꞌ re̱ꞌ kajiꞌ re̱ꞌ ne̱ rá yuchi ya̱ jiétéꞌ yuꞌú mesa te̱e kúká vá. Jee ne̱ rá tinaꞌ nkenta rátíꞌ nu̱u̱nꞌ re̱ꞌ nayuvi rátíꞌ rá nu̱u̱nꞌ ni̱ꞌyɨ re̱ꞌ.

Romanos 10:12

Chi ntu sɨ́ɨ́n kúvi rá ñɨvɨ Israel jín rá ñɨvɨ ya̱ ntu kúvi Israel, chi maá I̱toꞌoꞌ kúvi I̱toꞌoꞌ nu̱u̱nꞌ nɨꞌɨ, jee ntántúníꞌ jiáꞌa re̱ꞌ ya̱ váꞌa sáꞌá re̱ꞌ nu̱u̱nꞌ rá ñɨvɨ ya̱ kákua̱chi ráa nu̱u̱nꞌ re̱ꞌ ya̱ kuvi re̱ꞌ I̱toꞌoꞌ ráa.

Romanos 3:29

¿Á kúvi Ndiosíꞌ kua̱chi kuitɨꞌ Ndiosíꞌ rá ñɨvɨ Israel, résa? ¿Á ntu suni kúvi re̱ꞌ Ndiosíꞌ rá inka ñɨvɨ ya̱ ntu kúvi ráa ñɨvɨ Israel, résa? Va̱tu̱ꞌ nijia, suni kúvi re̱ꞌ Ndiosíꞌ ñɨvɨ rá inka nación.

Lucas 18:13

Soo te̱e vá ya̱ nástútú xu̱ꞌún náneeꞌ ñuunꞌ Roma, íñɨ́ íká‑a ntíꞌ, jee ni ntu kíji iniꞌ‑i nna̱nenu̱u̱nꞌ‑u súkún, chisaꞌ kúun‑u naꞌá‑a ni̱ka‑a, jee káchíꞌ‑i: “Ndiosíꞌ, kunáꞌví iniꞌ nú kune̱ꞌyá nú nuꞌuꞌ ya̱ ñɨvɨ kua̱chi kúvi ni̱ꞌ”, nkachiꞌ‑i.

Mateo 8:8

Soo nna̱xiníkó capitán vá nkachiꞌ‑i: ―I̱toꞌoꞌ ni̱ꞌ, ntu̱ví íyó ni̱ꞌi̱nꞌ ni̱ꞌ ya̱ ki̱vɨ nú iniꞌ veꞌi ni̱ꞌ. Soo kua̱chi tu̱ꞌun káꞌánꞌ nú tatúníꞌ nú ni, jee nuvi musúꞌ ni̱ꞌ.

Mateo 5:45

Saꞌá sukuán sáva ránoꞌó se̱ꞌya Ndiosíꞌ saꞌá rán kuéntáꞌ Tátáꞌ rán Ndiosíꞌ ya̱ nééꞌ antivɨ́ súkún chi maáréꞌ vá sáꞌá re̱ꞌ ya̱ kéne nka̱niiꞌ túúnꞌ‑u nu̱u̱nꞌ rá ñɨvɨ níváꞌa jín rá ñɨvɨ váꞌa, jee síkúun re̱ꞌ sa̱vi̱ꞌ nu̱u̱nꞌ rá ñɨvɨ jiáꞌnu na̱a̱ꞌ jín nu̱u̱nꞌ rá ñɨvɨ ntu jiáꞌnu na̱a̱ꞌ.

Romanos 3:4

¡Ntu̱né íyó sukuán! Chisaꞌ na̱a̱ꞌ kúvi Ndiosíꞌ súnika̱ꞌ nta̱ká ñɨvɨ kúvi ráa ñɨvɨ túꞌún, sáni káchíꞌ nu̱u̱nꞌ Tutuꞌ níso Tu̱ꞌun Ndiosíꞌ: Sáva kene na̱a̱ꞌ nú jín tu̱ꞌun káꞌánꞌ nú, jee kuneí nú sáá tée ñɨvɨ kua̱chi si̱kɨ̱ꞌ nú. Káchíꞌ David nu̱u̱nꞌ Ndiosíꞌ.

Efesios 3:19

Jee suni sukuán jíkánꞌ táꞌvíꞌ ni̱ꞌ ya̱ kuniꞌ va̱ꞌa rán jie̱ꞌe̱ꞌ tu̱ꞌun ñúnúunꞌ Cristo yó, ya̱ ntántúníꞌ nasɨ́kuitɨꞌ ka̱ꞌ jiáꞌa‑a nu̱u̱nꞌ nɨꞌɨ, ya̱ nsú kua̱ꞌ kenta‑ó ki̱ku̱ꞌun iniꞌ‑ó nɨꞌɨ‑ɨ. Sukuán jíkánꞌ táꞌvíꞌ ni̱ꞌ sáva kua̱íyó ya̱ íyó Ndiosíꞌ kukánáa ánímaꞌ rán ne̱ natɨɨn rán iniꞌ maáréꞌ.

Romanos 3:19

Soo jíníꞌ‑ó ya̱ néni ɨɨn tu̱ꞌun ya̱ káchíꞌ ley nta̱túníꞌ Ndiosíꞌ, jee káchíꞌ‑i vá nu̱u̱nꞌ rá ñɨvɨ yɨ́ꞌɨ́ ráa chi̱ji xi̱ntíín ley vá, sáva nta̱ká ñɨvɨ kasɨꞌ ráa yuꞌú ráa chi ntu kúvi nama ráa maáráa, jee kua̱íyó ñɨvɨ ñɨ̱vɨ́ kɨꞌɨ ráa chi̱ji nu̱u̱nꞌ sanáaꞌ Ndiosíꞌ si̱kɨ̱ꞌ kua̱chi ráa.

Génesis 32:10

Ntu̱ví íyó ni̱ꞌi̱nꞌ ni̱ꞌ ya̱ koo ma̱ni̱ꞌ iniꞌ nú kune̱ꞌyá nú nuꞌuꞌ jín nɨꞌɨ ya̱ nɨ́ɨ́nkání nsi̱kúnkuvi na̱a̱ꞌ nú jín nuꞌuꞌ. Kúvi ni̱ꞌ musúꞌ saɨn nu̱u̱nꞌ nú, chi maáníꞌ jee njia̱ꞌa ni̱ꞌ nute káꞌnú Jordán yaꞌá jee kua̱chi kuitɨꞌ karútíꞌ ni̱ꞌ vá nééꞌ ni̱ꞌ, jee vitan jee nkenta kúmí ni̱ꞌ ne̱ u̱vi̱ꞌ grupo ñɨvɨ jín rá sa̱na̱ꞌ.

Mateo 15:26

Jee nkachiꞌ Jesús nu̱u̱nꞌ ña: ―Ntu váꞌa ixtá ya̱ yájíꞌ rá súchí lúlí, jee sikéne maa nu̱u̱nꞌ rá tinaꞌ lúlí ―nkachiꞌ re̱ꞌ.

Mateo 15:28

Saájee nna̱xiníkó Jesús jee nkachiꞌ‑i nu̱u̱nꞌ ña: ―Noꞌó ñaꞌan, na̱ ka̱ꞌ kúneí víꞌí ka̱ꞌ iniꞌ nú nuꞌuꞌ. ¡Kuvi sáni kuíni nú ya̱ saꞌá ni̱ꞌ! ―nkachiꞌ re̱ꞌ. Jee ne̱ máá hora yukuán, jee nnuvi se̱ꞌya sɨ́ꞌɨ́ ña.

Marcos 7:28

Jee nna̱xiníkó ña nu̱u̱nꞌ re̱ꞌ: ―I̱toꞌoꞌ, soo suni ne̱ rá úsú lúlí yɨ́ꞌɨ́ chi̱ji mesa yájíꞌ rátíꞌ rá yuchi yuꞌú rá su̱chí kuáchí.