Mateo 15:22 - Mixteco del suroeste de Tlaxiaco Oaxaca

²² Jee yukuán nééꞌ ɨɨn ñaꞌan ñuunꞌ Canaán, jee nkenta ña nu̱u̱nꞌ Jesús, jee ne̱ kánajíín ña, jee nkachiꞌ ña: ―I̱toꞌoꞌ, noꞌó ya̱ kúvi nú Se̱ꞌya tataꞌ ichiyúkúnꞌ veꞌi David, kunáꞌví iniꞌ nú nuꞌuꞌ. Chi se̱ꞌya sɨ́ꞌɨ́ ni̱ꞌ yɨ́ꞌɨ́ ta̱chi̱ꞌ kíni ña, jee nóꞌo víꞌí ña ―nkachiꞌ‑i.

Mateo 15:22 Referans Kwoze

Mateo 9:27

Jee nkene Jesús yukuán jee kua̱ꞌa̱nꞌ re̱ꞌ, jee u̱vi̱ꞌ te̱e kuáá nchi̱nikɨnꞌ ráa re̱ꞌ, jee kánajíín ráa, jee nkachiꞌ ráa: ―¡Kunáꞌví iniꞌ nú kune̱ꞌyá nú ránuꞌuꞌ, noꞌó ya̱ kúvi nú Se̱ꞌya ichiyúkúnꞌ David! ―nkachiꞌ ráa.

Mateo 17:15

―I̱toꞌoꞌ, kunáꞌví iniꞌ nú kune̱ꞌyá nú se̱ꞌya yɨ́ɨ́ ni̱ꞌ, chi jíꞌíyɨ̱ꞌɨ́ re̱ꞌ, jee nóꞌo nasɨ́kuitɨꞌ re̱ꞌ, chi kue̱ꞌe̱ꞌ íchí nániso‑o nu̱u̱nꞌ ñúꞌúnꞌ, jín kue̱ꞌe̱ꞌ íchí nu̱u̱nꞌ nute.

Lucas 18:13

Soo te̱e vá ya̱ nástútú xu̱ꞌún náneeꞌ ñuunꞌ Roma, íñɨ́ íká‑a ntíꞌ, jee ni ntu kíji iniꞌ‑i nna̱nenu̱u̱nꞌ‑u súkún, chisaꞌ kúun‑u naꞌá‑a ni̱ka‑a, jee káchíꞌ‑i: “Ndiosíꞌ, kunáꞌví iniꞌ nú kune̱ꞌyá nú nuꞌuꞌ ya̱ ñɨvɨ kua̱chi kúvi ni̱ꞌ”, nkachiꞌ‑i.

Lucas 17:13

Jee nka̱najíín ráa, jee nkachiꞌ ráa: ―Jesús, Mestrúꞌ, kunáꞌví iniꞌ nú ránuꞌuꞌ ―nkachiꞌ ráa.

Mateo 4:24

Jee ñe̱te̱nuun tu̱ꞌun jie̱ꞌe̱ꞌ Jesús nu̱u̱nꞌ ntáká rá ñuunꞌ sánitɨ́ɨn ñuunꞌ Siria. Jee nki̱naka rá ñɨvɨ nu̱u̱nꞌ Jesús ntáká rá ñɨvɨ kúꞌvíꞌ ya̱ nóꞌo sɨ́ɨ́n sɨ́ɨ́n kéꞌín nu̱u̱nꞌ kue̱ꞌi̱ꞌ, jín rá yájíꞌ yatúꞌ, jín rá yɨ́ꞌɨ́ ta̱chi̱ꞌ kíni, jín rá jíꞌíyɨ̱ꞌɨ́ jín rá ñɨvɨ ya̱ ntu kúvi kantaꞌ ñunéꞌyúꞌ jee nxi̱núvi Jesús ráa.

Mateo 1:1

Yaꞌá ví rá súví rá ñɨvɨ tataꞌ ichiyúkúnꞌ yanaꞌán nu̱u̱nꞌ nkiji Jesús nkaku re̱ꞌ, ya̱ nísotíñú re̱ꞌ ya̱ kúvi re̱ꞌ máá Cristo [ya̱ ñani Ndiosíꞌ re̱ꞌ sáva natavaꞌ re̱ꞌ ñɨvɨ nu̱u̱nꞌ kua̱chi ráa]. Jee kúvi Jesús nu̱u̱nꞌ tataꞌ ichiyúkúnꞌ nkene nu̱u̱nꞌ David jee nu̱u̱nꞌ tataꞌ ichiyúkúnꞌ váji nu̱u̱nꞌ Abraham.

Mateo 15:23

Soo ni ɨɨn tu̱ꞌun ntu̱náꞌ nna̱xiníkó kuitɨꞌ Jesús nu̱u̱nꞌ ña. Saájee ña̱kuyatin rá te̱e súkuáꞌa re̱ꞌ vá nu̱u̱nꞌ re̱ꞌ, jee ni̱ka̱nꞌ táꞌvíꞌ ráa nu̱u̱nꞌ re̱ꞌ, jee nkachiꞌ ráa: ―Nachuichí ñaꞌan vá kɨ̱ꞌɨ̱nꞌ iyo ña, chi va̱ji ña kánajíín ña ya̱ta̱ꞌ‑ó ―nkachiꞌ ráa.

Lucas 6:18

nkenta ráa sáva teso̱ꞌo ráa tu̱ꞌun xínéꞌénꞌ re̱ꞌ jín sáva suni xinúvi re̱ꞌ ráa nu̱u̱nꞌ rá kue̱ꞌi̱ꞌ nóꞌo ráa. Jee xínúvi re̱ꞌ rá ñɨvɨ ya̱ xínóꞌo rá ta̱chi̱ꞌ kákini ráa.