Mateo 14:27 - Mixteco del suroeste de Tlaxiaco Oaxaca

²⁷ Soo kuísá ntañúꞌún nkaꞌanꞌ Jesús ráa, jee kachiꞌ re̱ꞌ: ―¡Koo tiɨ́kɨ́ iniꞌ rán, chi nuꞌuꞌ ví‑i, koto yúꞌví rán! ―nkachiꞌ Jesús.

Mateo 14:27 Referans Kwoze

Juan 16:33

Ntáká rá tu̱ꞌun yaꞌá nkaꞌanꞌ ni̱ꞌ jín rán sáva ne̱ va̱ꞌa kino̱o ánímaꞌ rán, chi yɨ́ꞌɨ́ rán nu̱u̱nꞌ ni̱ꞌ. Chi kiji tu̱nóꞌó nu̱u̱nꞌ rán iniꞌ ñɨ̱vɨ́ yaꞌá, soo koo neí iniꞌ rán, chi ya nku̱neí ni̱ꞌ nu̱u̱nꞌ nɨꞌɨ ya̱ niváꞌa íyó iniꞌ ñɨ̱vɨ́.

Hechos 23:11

Yakuááꞌ ki̱vɨ̱ꞌ steñu̱ꞌún yukuán ntu̱vi I̱toꞌoꞌ‑ó nu̱u̱nꞌ Pablo, jee nkachiꞌ‑i nu̱u̱nꞌ re̱ꞌ: ―Neí koo iniꞌ nú, chi kuéntáꞌ nna̱stúvi nú ya̱ naáꞌ jie̱ꞌe̱ꞌ ni̱ꞌ Jerusalén, sukuán íyó nastúvi nú ya̱ naáꞌ jie̱ꞌe̱ꞌ ni̱ꞌ ñuunꞌ Roma.

Juan 6:20

Soo maáréꞌ nkachiꞌ nu̱u̱nꞌ ráa: ―¡Nuꞌuꞌ ví‑i, koto yúꞌví rán! ―nkachiꞌ Jesús nu̱u̱nꞌ ráa.

Mateo 17:7

Saájee ña̱kuyatin Jesús nu̱u̱nꞌ káá nei ráa, jee nsi̱káchiꞌi re̱ꞌ ráa, jee nkachiꞌ re̱ꞌ nu̱u̱nꞌ ráa: ―Nako̱o rán, koto yúꞌví rán ―nkachiꞌ re̱ꞌ.

Mateo 9:2

Jee yukuán nkuvi ya̱ nki̱naka rá ñɨvɨ nu̱u̱nꞌ re̱ꞌ ɨɨn te̱e kúꞌvíꞌ ya̱ ntu kúvi kantaꞌ‑a, jee yósóꞌ‑o nu̱u̱nꞌ tu̱nchi̱só. Jee sáá niniꞌ Jesús ya̱ jínúꞌ iniꞌ ráa kúneí iniꞌ ráa re̱ꞌ jee nkachiꞌ re̱ꞌ nu̱u̱nꞌ te̱e ntu kúvi kantaꞌ vá: ―Se̱ꞌya, nasáneí iniꞌ nú, chi ya nne̱káꞌnú iniꞌ ni̱ꞌ noꞌó jie̱ꞌe̱ꞌ kua̱chi nú ―nkachiꞌ Jesús.

Lucas 1:30

Saájee nkachiꞌ najiáꞌáꞌ ííꞌ vá nu̱u̱nꞌ ña: ―María, koto yúꞌví nú, chi nni̱ꞌi̱nꞌ nú ya̱ váꞌa íyó mániꞌ iniꞌ Ndiosíꞌ néꞌyá re̱ꞌ noꞌó.

Lucas 1:13

Soo nkachiꞌ najiáꞌáꞌ ííꞌ vá nu̱u̱nꞌ re̱ꞌ: ―Koto yúꞌví nú, Zacarías, chi ntɨɨn kuéntáꞌ Ndiosíꞌ ya̱ jíkánꞌ táꞌvíꞌ nú, jee ñasɨ́ꞌɨ́ nú, Elisabet, koo ɨɨn se̱ꞌya yɨ́ɨ́ ña, jee sikúnání nú maa Juan.

Mateo 28:10

Saájee nkachiꞌ re̱ꞌ nu̱u̱nꞌ ráña: ―Koto yúꞌví rán, jee kuáꞌán rán jee kachiꞌ rán nu̱u̱nꞌ rá ñaniꞌ ni̱ꞌ ya̱ kɨ̱ꞌɨ̱nꞌ ráa nu̱u̱nꞌ ñuꞌun Galilea, jee yukuán kuniꞌ ráa nuꞌuꞌ ―nkachiꞌ Jesús.

Lucas 2:10

Soo nkachiꞌ najiáꞌáꞌ ííꞌ vá nu̱u̱nꞌ ráa: ―Koto yúꞌví rán, chi kuniꞌ rán ya̱ va̱ji taji ni̱ꞌ tu̱ꞌun váꞌa nu̱u̱nꞌ rán, ya̱ saꞌá ya̱ kusɨ̱ɨ̱ꞌ víꞌí iniꞌ ránú jín ya̱ kuvi ya̱ váꞌa nu̱u̱nꞌ kua̱íyó rá ñɨvɨ.

Mateo 14:28

Saájee nna̱xiníkó Pedro, jee nkachiꞌ‑i: ―¡I̱toꞌoꞌ! Retú maánú, jee tatúníꞌ nú ya̱ kua̱jiaaꞌ ni̱ꞌ nu̱u̱nꞌ nú kaka jiéꞌé ni̱ꞌ nu̱u̱nꞌ nute.

Mateo 28:5

Saájee nkachiꞌ najiáꞌáꞌ ííꞌ vá nu̱u̱nꞌ rá ñaꞌan vá: ―Koto yúꞌví rán, chi jíníꞌ ni̱ꞌ ya̱ nánukú rán Jesús, ya̱ níꞌiꞌ‑i nu̱u̱nꞌ kurúsiꞌ.

Marcos 6:50

chi ntáká ráa niniꞌ maa jee nyu̱ꞌví ráa. Soo kuíntañúꞌún nkaꞌanꞌ re̱ꞌ ráa, jee nkachiꞌ re̱ꞌ: ―Koo tiɨ́kɨ́ iniꞌ rán. Chi nuꞌuꞌ ví‑i. Koto yúꞌví rán.

Lucas 5:10

Jee suni sukuán nti̱vɨ́ xíniꞌ Jacobo jín Juan, rá se̱ꞌya Zebedeo, ya̱ táꞌán sátíñú nkáꞌnú kúvi ráa jín Simón. Jee nkachiꞌ Jesús nu̱u̱nꞌ Simón: ―Koto yúꞌví nú, chi ne̱ vitan jee stútú nú rá ñɨvɨ ki̱vɨ ráa naꞌá Ndiosíꞌ kuéntáꞌ kua̱ꞌ tɨ́ɨn rán tia̱ká ntañúꞌún ―nkachiꞌ re̱ꞌ.

Lucas 12:32

’Koto yúꞌví rán, ránoꞌó ya̱ kúvi rán kuéntáꞌ yakuꞌ lanchi ni̱ꞌ, chi Tátáꞌ rán Ndiosíꞌ kúváꞌa iniꞌ re̱ꞌ taji re̱ꞌ nu̱u̱nꞌ rán ya̱ ki̱vɨ rán xi̱ntíín re̱ꞌ nu̱u̱nꞌ tátúníꞌ re̱ꞌ nu̱u̱nꞌ rán.