Mateo 13:55 - Mixteco del suroeste de Tlaxiaco Oaxaca

⁵⁵ Chi, ¿á nsú te̱e yaꞌá ví se̱ꞌya te̱e chútáꞌán yutun rúja? Jee, ¿á nsú nánáꞌ re̱ꞌ naní María rúja? Jee, ¿á nsú rá ñaniꞌ re̱ꞌ ví Jacobo, jín José, jín Simón jín Judas rúja?

Mateo 13:55 Referans Kwoze

Juan 6:42

Saájee nkachiꞌ ráa: ―¿Á nsú te̱e yaꞌá ví Jesús ya̱ kúvi se̱ꞌya José? Jee jíníꞌ‑ó né ɨɨn ví tátáꞌ re̱ꞌ jín nánáꞌ re̱ꞌ. ¿Na̱sa kúvi káchíꞌ re̱ꞌ: “Ne̱ antivɨ́ nkikuun ni̱ꞌ, rúsa”? ―nkachiꞌ ráa.

Marcos 6:3

¿Á nsú te̱e chutáꞌán yutun ví te̱e yaꞌá, rúsa? Jín, ¿á nsú se̱ꞌya María kúvi re̱ꞌ?, jee, ¿á nsú kúvi re̱ꞌ ñaniꞌ Jacobo, José, Judas, jín Simón? Jee, ¿á suni nsáꞌ nééꞌ rá ku̱ꞌva re̱ꞌ yaꞌá nteñu‑ó, rúsa? ―nkachiꞌ rá ñɨvɨ ñuunꞌ yukuán. Saájee nku̱níní iniꞌ ráa jie̱ꞌe̱ꞌ re̱ꞌ.

Lucas 3:23

Jee sáá nka̱jiéꞌé Jesús saꞌá re̱ꞌ tiñu njiáꞌa Ndiosíꞌ nu̱u̱nꞌ re̱ꞌ jee íñɨ́ re̱ꞌ yatin o̱ko̱ꞌ u̱ji̱ꞌ (30) kui̱ya̱ꞌ. Jee rá ñɨvɨ jiáni iniꞌ ráa ya̱ se̱ꞌya José kúvi re̱ꞌ, jee nkuvi re̱ꞌ ichiyúkúnꞌ nkene re̱ꞌ ne̱ nu̱u̱nꞌ Elí,

Lucas 4:22

Jee ntáká rá ñɨvɨ káꞌánꞌ va̱ꞌa ráa jie̱ꞌe̱ꞌ re̱ꞌ jee tívɨ́ xíniꞌ ráa jie̱ꞌe̱ꞌ rá tu̱ꞌun viiꞌ káchíꞌ re̱ꞌ, jee nkachiꞌ ráa: ―¿Á nsú se̱ꞌya José kúvi te̱e yaꞌá rúja?

Juan 19:25

Jee yatin nu̱u̱nꞌ íñɨ́ kurúsiꞌ nu̱u̱nꞌ níntakaa Jesús íñɨ́ nánáꞌ re̱ꞌ, jín ku̱ꞌvi̱ꞌ nánáꞌ re̱ꞌ, jín María ya̱ kúvi ñasɨ́ꞌɨ́ Cleofas, jín María ñaꞌan ñuunꞌ Magdala.

Marcos 15:47

Jee María ñuunꞌ Magdala, jín María nánáꞌ José, niniꞌ ráa nu̱u̱nꞌ nse̱ꞌí ráa ñunéꞌyúꞌ Jesús.

Gálatas 1:19

Soo ntu níníꞌ ni̱ꞌ ni ɨɨn rá inka te̱e níso ráa tiñu apóstol. Kua̱chi Jacobo niniꞌ ni̱ꞌ ya̱ kúvi re̱ꞌ ñaniꞌ I̱toꞌoꞌ‑ó Jesús.

Lucas 24:10

Jee rá ñaꞌan vá ví María, ñaꞌan ñuunꞌ Magdala, jín Juana, jín María, nánáꞌ Jacobo, jín rá inka ñaꞌan ya̱ kútáꞌán jín ráña. Jee nákani ráña rá tu̱ꞌun yaꞌá jie̱ꞌe̱ꞌ ya̱ nkuvi nu̱u̱nꞌ rá te̱e kúvi apóstol.

Lucas 1:27

Ña̱ne̱ꞌyá‑a ɨɨn ñaꞌan súchí núún jee káá náꞌviꞌ jie̱ꞌe̱ꞌ ña ya̱ tana̱ꞌá ña jín ɨɨn te̱e naní José ya̱ kúvi re̱ꞌ se̱ꞌya ichiyúkúnꞌ va̱ji nu̱u̱nꞌ David. Jee ñaꞌan súchí núún vá naní ña María.

Marcos 15:40

Jee suni ni̱ñɨ rá ñaꞌan nne̱ꞌyá íká ráa. Jee nteñu ráa ni̱ñɨ María ñuunꞌ Magdala, jín Salomé, jín María, nánáꞌ José jín Jacobo, ya̱ súchí ka̱ꞌ.

Mateo 27:56

Jee nteñu ráña vá íñɨ́ María, ñaꞌan ñuunꞌ Magdala, jín María, nánáꞌ Jacobo jín José, jín nánáꞌ rá se̱ꞌya Zebedeo.

Juan 9:29

Ránuꞌuꞌ chi jíníꞌ ránꞌ ya̱ nkaꞌanꞌ Ndiosíꞌ jín Moisés. Soo jie̱ꞌe̱ꞌ te̱e yukuán, chi ni ntu̱ví jíníꞌ ránꞌ né núꞌ va̱ji re̱ꞌ ―nkachiꞌ ráa.

Judas 1:1

Nuꞌuꞌ Judas, ya̱ kúvi ni̱ꞌ musúꞌ Jesús, níso re̱ꞌ tiñu Cristo ya̱ ñani Ndiosíꞌ re̱ꞌ sáva tatúníꞌ re̱ꞌ nu̱u̱nꞌ nɨꞌɨ. Jee kúvi ni̱ꞌ ñaniꞌ Jacobo. Jee tée ni̱ꞌ tutuꞌ yaꞌá nu̱u̱nꞌ ránoꞌó ñɨvɨ ya̱ nkana Tátáꞌ‑ó Ndiosíꞌ ránoꞌó kɨꞌɨ rán nu̱u̱nꞌ re̱ꞌ, jee ñúnúunꞌ re̱ꞌ ránoꞌó. Jee maá Jesús, ya̱ kúvi re̱ꞌ Cristo, jee kúmí re̱ꞌ ránoꞌó ya̱ yɨ́ꞌɨ́ rán xi̱ntíín re̱ꞌ.

Lucas 8:20

Jee ɨɨn rá ñɨvɨ ña̱kachiꞌ‑i nu̱u̱nꞌ re̱ꞌ: ―Nánáꞌ nú jín rá ñaniꞌ nú íñɨ́ ráa chíkéꞌi jee kuíni ráa kine̱ꞌyá ráa noꞌó ―nkachiꞌ‑i.