Mateo 13:24 - Mixteco del suroeste de Tlaxiaco Oaxaca

²⁴ Jee tukuni nkachiꞌ Jesús inka ka̱ꞌ tu̱ꞌun kúnkunuún káꞌánꞌ‑a, jee nkachiꞌ re̱ꞌ nu̱u̱nꞌ rá ñɨvɨ: ―Tiñu na̱sa sátíñú Ndiosíꞌ nééꞌ antivɨ́ iniꞌ rá ñɨvɨ ya̱ ki̱vɨ xi̱ntíín re̱ꞌ, kúvi‑i kuéntáꞌ nkuvi jín ɨɨn te̱e ya̱ nxi̱náváꞌ re̱ꞌ nikɨn váꞌa nu̱u̱nꞌ ñu̱ꞌún re̱ꞌ.

Mateo 13:24 Referans Kwoze

Mateo 25:1

’Saájee, nééꞌ Ndiosíꞌ antivɨ́ súkún jee suꞌva kenta tatúníꞌ re̱ꞌ nu̱u̱nꞌ rá ñɨvɨ kívɨ naꞌá re̱ꞌ kuéntáꞌ u̱ji̱ꞌ rá ñaꞌan súchí núún íyó ninuꞌun, ya̱ ntɨɨn tanu̱u̱nꞌ ráa kantil ráa, jee nkene ráa kua̱taꞌanꞌ ráa te̱e tánáꞌá.

Mateo 20:1

’Suꞌva tátúníꞌ Ndiosíꞌ nééꞌ antivɨ́ súkún nu̱u̱nꞌ rá ñɨvɨ yɨ́ꞌɨ́ xi̱ntíín re̱ꞌ, kúvi‑i kuéntáꞌ ɨɨn te̱e kúvi i̱toꞌoꞌ xí ñuꞌun, jee neꞌenꞌ víꞌí nkene re̱ꞌ kua̱nukú re̱ꞌ musúꞌ sáva satíñú ráa nteñu rá tataꞌ uva re̱ꞌ.

Mateo 13:47

’Jee suni nu̱u̱nꞌ kívɨ ñɨvɨ xi̱ntíín Ndiosíꞌ nééꞌ antivɨ́ tátúníꞌ re̱ꞌ nu̱u̱nꞌ ráa kúvi‑i kuéntáꞌ ɨɨn ñunu yúꞌvé tɨ́ɨn tia̱ká, ya̱ síkéne maa nu̱u̱nꞌ nteñúꞌún, jee kéin‑i ntáká na̱ja nu̱u̱nꞌ rá tia̱ká,

Mateo 22:2

―Suꞌva tátúníꞌ Ndiosíꞌ nééꞌ antivɨ́ súkún nu̱u̱nꞌ rá ñɨvɨ yɨ́ꞌɨ́ xi̱ntíín re̱ꞌ, kúnkunuún kúvi‑i kuéntáꞌ ɨɨn te̱e ya̱ tátúníꞌ ɨɨn ñuunꞌ, jee maáréꞌ nsa̱ꞌá re̱ꞌ ɨɨn viko tána̱ꞌá se̱ꞌya yɨ́ɨ́ re̱ꞌ.

Mateo 13:37

Saájee nna̱xiníkó Jesús jee nkachiꞌ re̱ꞌ: ―Te̱e ya̱ xínáváꞌ nikɨn tataꞌ váꞌa ví nuꞌuꞌ, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ñɨ̱vɨ́.

Lucas 13:20

Jee suni nkachiꞌ tuku Jesús: ―¿Ná kúvi ya̱ saꞌá nuún ni̱ꞌ jín na̱ja sátíñú Ndiosíꞌ iniꞌ rá ñɨvɨ yɨ́ꞌɨ́ xi̱ntíín re̱ꞌ?

Lucas 13:18

Saájee nkachiꞌ re̱ꞌ: ―¿Ná kúvi ya̱ kúnkunuún jín na̱ja sátíñú Ndiosíꞌ iniꞌ ñɨvɨ yɨ́ꞌɨ́ xi̱ntíín re̱ꞌ? Jee, ¿ná kúvi ya̱ saꞌá nuún ni̱ꞌ maa jín‑i?

Mateo 13:33

Jee inka tuku ka̱ꞌ tu̱ꞌun kúnkunuún nkachiꞌ Jesús nu̱u̱nꞌ ráa: ―Suꞌva tátúníꞌ Ndiosíꞌ nééꞌ antivɨ́ nu̱u̱nꞌ rá ñɨvɨ yɨ́ꞌɨ́ xi̱ntíín re̱ꞌ, kúvi‑i kuéntáꞌ íyó levadura ya̱ ntɨɨn ɨɨn ñaꞌan, jee nsakaꞌ ña maa jín o̱ko̱ꞌ xa̱ꞌu̱nꞌ ku̱mi̱ꞌ (39) litro yuchi trigúꞌ, nekuaꞌ nxi̱náa‑a kua̱íyó chi̱ji ñujien vá ―nkachiꞌ Jesús.

1 Pedro 1:23

Chi nna̱kaku jiáá tuku rán, soo nsáꞌ nna̱kaku rán se̱ꞌya ni̱ñɨ̱ꞌ nu̱u̱nꞌ sɨꞌɨ́ ya̱ jíꞌíꞌ‑i, chisaꞌ nna̱kaku rán sáꞌá Tu̱ꞌun Ndiosíꞌ ya̱ tékúꞌ‑u jee kino̱o‑o nɨ́ɨ́nkání.

Mateo 13:31

Jee inka tuku ka̱ꞌ tu̱ꞌun kúnkunuún nkaꞌanꞌ Jesús, jee nkachiꞌ re̱ꞌ nu̱u̱nꞌ rá ñɨvɨ: ―Suꞌva tátúníꞌ Ndiosíꞌ nééꞌ antivɨ́ nu̱u̱nꞌ rá ñɨvɨ yɨ́ꞌɨ́ xi̱ntíín re̱ꞌ, kúvi‑i kuéntáꞌ ɨɨn nikɨn yutun kúlíꞌ, ya̱ ntɨɨn ɨɨn te̱e jee ntaji re̱ꞌ maa nu̱u̱nꞌ ñu̱ꞌún re̱ꞌ.

Mateo 18:23

’Jee saáva sukuán kúnkunuún kúvi tiñu tátúníꞌ Ndiosíꞌ nééꞌ antivɨ́ súkún, kuéntáꞌ kua̱ꞌ sáꞌá ɨɨn te̱e ya̱ tátúníꞌ ya̱ nkuini re̱ꞌ natavaꞌ re̱ꞌ kuéntáꞌ jín rá musúꞌ re̱ꞌ.

Mateo 13:19

Ntáká ñɨvɨ ya̱ tésóꞌo tu̱ꞌun jie̱ꞌe̱ꞌ na̱sa kívɨ ñɨvɨ xi̱ntíín Ndiosíꞌ tátúníꞌ re̱ꞌ nu̱u̱nꞌ ráa, jee ntu̱ví jiáku̱ꞌun iniꞌ ráa tu̱ꞌun vá, jee kénta kui̱ꞌna̱ꞌ kákini jee sííyo re̱ꞌ tu̱ꞌun váꞌa vá ya̱ níꞌinꞌ ñɨvɨ vá ñúꞌún iniꞌ ánímaꞌ‑a. Suvi‑i kúvi kuéntáꞌ nikɨn ya̱ ña̱kava yuíchí sáá nxi̱náváꞌ te̱e vá maa.

Mateo 3:2

jee nkachiꞌ re̱ꞌ: ―Nakani iniꞌ rán xinóo rán kua̱chi rán, chi ya nkikuyatin nu̱u̱nꞌ rán ya̱ kuvi ki̱vɨ rán naꞌá Ndiosíꞌ ya̱ nééꞌ re̱ꞌ antivɨ́ súkún sáva tatúníꞌ re̱ꞌ nu̱u̱nꞌ rán ―nkachiꞌ Juan.

Mateo 21:33

’Teso̱ꞌo ránú inka ka̱ꞌ tu̱ꞌun kúnkunuún yaꞌá: Ni̱yo ɨɨn te̱e kúvi i̱toꞌoꞌ xí ñuꞌun, jee ntee re̱ꞌ rá yokúꞌúꞌ uva nu̱u̱nꞌ ñu̱ꞌún re̱ꞌ, jee ñasɨꞌ re̱ꞌ kuráꞌ yuꞌú nu̱u̱nꞌ káá rá yokúꞌúꞌ uva vá, jee ntu̱fí re̱ꞌ nu̱u̱nꞌ yu̱u̱ꞌ nu̱u̱nꞌ kuꞌni ráa uva, jee nsa̱ꞌá re̱ꞌ ɨɨn veꞌi súkún sáva kumí ráa nu̱u̱nꞌ káá tataꞌ uva. Jee kuíre njia̱núún re̱ꞌ ñuꞌun vá nu̱u̱nꞌ rá te̱e satíñú maa jee nkene re̱ꞌ kua̱ꞌa̱nꞌ íká re̱ꞌ.

Mateo 4:23

Jee jíkónúun Jesús kua̱íyó rá ñuunꞌ sánitɨ́ɨn Galilea, xínéꞌénꞌ re̱ꞌ Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ kútútú rá ñɨvɨ Israel yukuán, jee stékútu̱ꞌún re̱ꞌ tu̱ꞌun váꞌa jie̱ꞌe̱ꞌ ya̱ kuvi ki̱vɨ ñɨvɨ naꞌá Ndiosíꞌ nu̱u̱nꞌ tátúníꞌ‑i, jee xínúvi re̱ꞌ ntáká rá ñɨvɨ kúꞌvíꞌ jín ntáká rá ñɨvɨ ya̱ táyáꞌ ñunéꞌyúꞌ ráa.

Colosenses 1:5

Jiáꞌnu rán suꞌva chi jie̱ꞌe̱ꞌ ni ka̱ꞌ íyó tu̱ꞌun neí iniꞌ rán ni̱ꞌi̱nꞌ rán ta̱ꞌvi̱ꞌ ya̱ nanitáꞌvíꞌ rán ya̱ ñúꞌún va̱ꞌa ne̱ ñuunꞌ íyó súkún nu̱u̱nꞌ íyó Ndiosíꞌ. Jie̱ꞌe̱ꞌ ta̱ꞌvi̱ꞌ vá ví ya̱ ya nteso̱ꞌo rán nu̱u̱nꞌ tu̱ꞌun na̱a̱ꞌ, ya̱ kúvi tu̱ꞌun váꞌa jie̱ꞌe̱ꞌ Cristo, naní evangelio.

Mateo 13:25

Jee sáá nkixiꞌ rá musúꞌ re̱ꞌ, jee ɨɨn te̱e ya̱ túfíꞌ ta̱ꞌán jín re̱ꞌ nkenta‑a yukuán, jee nxi̱náváꞌ‑a nikɨn yu̱ku̱ꞌ ne̱ꞌén nteñu rá nikɨn trigúꞌ, jee kua̱ꞌa̱nꞌ‑a.