Mateo 12:50 - Mixteco del suroeste de Tlaxiaco Oaxaca

⁵⁰ Chi néni ɨɨn ñɨvɨ ya̱ sáꞌá‑a sáni kuíni Tátáꞌ ni̱ꞌ Ndiosíꞌ ya̱ nééꞌ antivɨ́ súkún, jee suvi‑i ví ñaniꞌ ni̱ꞌ jín ku̱ꞌva ni̱ꞌ jín náánꞌ ni̱ꞌ ―nkachiꞌ Jesús.

Mateo 12:50 Referans Kwoze

Lucas 8:21

Jee nna̱xiníkó Jesús: ―Nánáꞌ ni̱ꞌ jín rá ñaniꞌ ni̱ꞌ kúvi rá ñɨvɨ ya̱ tésóꞌo ráa Tu̱ꞌun Ndiosíꞌ jee síkúnkuvi ráa maa ―nkachiꞌ re̱ꞌ.

Marcos 3:35

Chi néni ɨɨn ñɨvɨ ya̱ sáꞌá‑a sáni kuíni Ndiosíꞌ, suvi‑i ví ñaniꞌ ni̱ꞌ jín ku̱ꞌva ni̱ꞌ jín náánꞌ ni̱ꞌ ―nkachiꞌ re̱ꞌ.

Juan 15:14

’Jee ránoꞌó, chi ñɨvɨ kámani jín ni̱ꞌ kúvi rán, retú síkúnkuvi na̱a̱ꞌ nijia rán rá tu̱ꞌun ni̱ꞌ ya̱ nta̱túníꞌ ni̱ꞌ nu̱u̱nꞌ rán.

Juan 6:29

Jee nna̱xiníkó Jesús nu̱u̱nꞌ ráa, jee nkachiꞌ re̱ꞌ: ―Tiñu Ndiosíꞌ ví ya̱ kuneí iniꞌ rán nuꞌuꞌ, ya̱ nchu̱ichí re̱ꞌ va̱ji ni̱ꞌ ―nkachiꞌ Jesús.

Mateo 28:10

Saájee nkachiꞌ re̱ꞌ nu̱u̱nꞌ ráña: ―Koto yúꞌví rán, jee kuáꞌán rán jee kachiꞌ rán nu̱u̱nꞌ rá ñaniꞌ ni̱ꞌ ya̱ kɨ̱ꞌɨ̱nꞌ ráa nu̱u̱nꞌ ñuꞌun Galilea, jee yukuán kuniꞌ ráa nuꞌuꞌ ―nkachiꞌ Jesús.

Romanos 8:29

Chi rá ñɨvɨ vá ya̱ jíníꞌ ya̱chi̱ꞌ re̱ꞌ nka̱ji ya̱chi̱ꞌ re̱ꞌ nékúvi, jee sunisaá ya̱ nkuna̱a̱ꞌ ya̱chi̱ꞌ iniꞌ re̱ꞌ ya̱ kuneen ráa iniꞌ Se̱ꞌya re̱ꞌ, sáva kuvi‑i Se̱ꞌya ñáꞌnú ya̱ kosoꞌ‑o nu̱u̱nꞌ kue̱ꞌe̱ꞌ ñaniꞌ‑i jín ku̱ꞌva‑a.

Juan 6:40

Chi yaꞌá kúvi ya̱ kuíni Tátáꞌ ni̱ꞌ ya̱ nchu̱ichí nuꞌuꞌ: Nta̱ká ñɨvɨ ya̱ jínúꞌ iniꞌ ráa néꞌyá ráa Se̱ꞌya Ndiosíꞌ, jee kúneí iniꞌ ráa maa, jee kutekuꞌ ráa nɨ́ɨ́nkání jín re̱ꞌ, jee xinátekuꞌ i̱i̱ꞌ ni̱ꞌ ráa jee xinákóo ni̱ꞌ ráa kene ráa nteñu rá níꞌiꞌ ki̱vɨ̱ꞌ nu̱u̱nꞌ nɨ́ꞌɨ. Chi nuꞌuꞌ kuvi ni̱ꞌ Se̱ꞌya Ndiosíꞌ ―nkachiꞌ Jesús.

1 Juan 2:17

Jee ñɨ̱vɨ́ chi kua̱nɨꞌɨ‑ɨ, jín rá íyó iniꞌ‑i ya̱ níyo iniꞌ‑ó. Soo ñɨvɨ ya̱ sáꞌá sánikua̱ꞌ kuíni Ndiosíꞌ kino̱o kutú‑u jín re̱ꞌ nɨ́ɨ́nkání.

Mateo 25:40

’Jee nuꞌuꞌ ya̱ kúvi ya̱ tátúníꞌ nu̱u̱nꞌ nɨꞌɨ naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán ya̱, mákua sukuán nsa̱ꞌá rán jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee nu̱u̱nꞌ nuꞌuꞌ nsa̱ꞌá rán maa”, kachiꞌ ni̱ꞌ.

1 Timoteo 5:2

jín nu̱u̱nꞌ rá ñaꞌan ñáꞌnú kuéntáꞌ káꞌánꞌ nú jín náánꞌ maánú, jín nu̱u̱nꞌ ráña súchí ka̱ꞌ kuéntáꞌ káꞌánꞌ nú jín rá ku̱ꞌva maánú. Jee kaꞌanꞌ ninuꞌun nú jín ráña.

1 Pedro 4:2

sáva ntu kueꞌnu‑u ka̱ꞌ nu̱u̱nꞌ rá tiñu níváꞌa ya̱ níyo iniꞌ rá ñɨvɨ rá tiempúꞌ tékúꞌ‑u iniꞌ yɨkɨkúñu‑u. Chisaꞌ kueꞌnu‑u sáni kuíni Ndiosíꞌ.

Gálatas 6:15

Chi nu̱u̱nꞌ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu ré saꞌá circuncidar‑ó áxí nsáꞌ saꞌá circuncidar‑ó. Soo ya̱ yɨ́yáꞌvi ka̱ꞌ ví ya̱ sáꞌá Ndiosíꞌ ya̱ nújiáá‑ó.

Juan 20:17

Jee nkachiꞌ Jesús nu̱u̱nꞌ ña: ―Koto tɨ́ɨn nú nuꞌuꞌ chinetu nú, chi ntiáꞌan kɨ̱naa ni̱ꞌ nu̱u̱nꞌ Tátáꞌ ni̱ꞌ. Soo kuáꞌán nu̱u̱nꞌ rá ñaniꞌ ni̱ꞌ, ya nsu̱kuáꞌa ni̱ꞌ ráa, jee kachiꞌ nú nu̱u̱nꞌ ráa ya̱ kɨ̱naa ni̱ꞌ nu̱u̱nꞌ Tátáꞌ maáníꞌ ya̱ kúvi Tátáꞌ ránoꞌó ranika̱ꞌ, jín ya̱ kúvi Ndiosíꞌ ni̱ꞌ jín Ndiosíꞌ ránoꞌó ―nkachiꞌ Jesús.

Apoclipsis 22:14

Saáva na̱ ka̱ꞌ netuꞌ ka̱ꞌ kuvi rá ñɨvɨ ya̱ nasánoo ráa iniꞌ ánímaꞌ ráa nu̱u̱nꞌ ya̱ níváꞌa, jee yukuán kúvi kuéntáꞌ nakete ráa saꞌma ráa. Jee sukuán íyó ni̱ꞌi̱nꞌ ráa ya̱ kuvi kajiꞌ ráa ya̱ vixíꞌ kúun yutun ya̱ sáꞌá ya̱ kutekuꞌ ráa nɨ́ɨ́nkání yukuán, jee íyó ni̱ꞌi̱nꞌ ráa ya̱ kuvi ki̱vɨ ráa rá yuvéꞌí ñuunꞌ ííꞌ yukuán.

Colosenses 3:11

Jee saáva ntu̱náꞌ ítú iniꞌ retú ntu kúvi‑ó ñɨvɨ Israel, áxí kúvi‑ó ñɨvɨ Israel, retú níso yɨkɨkúñu‑ó seña ñɨvɨ Israel naní circuncisión, áxí ntu níso‑ó maa, retú kúvi‑ó rá to̱ꞌo̱ꞌ, áxí ñɨvɨ ñuunꞌ láꞌví, retú kúvi‑ó musúꞌ ya̱ kéꞌen ñɨvɨ maa, áxí ñɨvɨ ya̱ yɨ́tíñú nu̱u̱nꞌ tiñu maáa. Chi I̱toꞌoꞌ kua̱íyó kuitɨꞌ‑ó ví Cristo, jee yɨ́ꞌɨ́ re̱ꞌ iniꞌ kua̱íyó kuitɨꞌ‑ó.

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

Hechos 17:30

Soo tióꞌ ya̱ta̱ꞌ ntu nsa̱ꞌá kuéntáꞌ Ndiosíꞌ ya̱ ntu jíníꞌ rá ñɨvɨ jie̱ꞌe̱ꞌ re̱ꞌ. Soo vitan tátúníꞌ re̱ꞌ nu̱u̱nꞌ kua̱íyó ñɨvɨ nu̱u̱nꞌ nɨꞌɨ ñɨ̱vɨ́ ya̱ nakani iniꞌ ráa ñujiínꞌ ráa.

Mateo 17:5

Jee ni káꞌánꞌ i̱i̱ꞌ ka̱ꞌ Pedro, jee nkenta vi̱ko̱ꞌ maa jiánu̱te̱ꞌ kuéntáꞌ íyó nuva ñuꞌunꞌ ñasɨꞌ‑ɨ ráa, jee nu̱u̱nꞌ vi̱ko̱ꞌ vá nkene ɨɨn ta̱chi̱yuꞌú, jee káchíꞌ‑i: ―Yaꞌá ví Se̱ꞌya ni̱ꞌ jee ñúnúunꞌ ni̱ꞌ re̱ꞌ, jee kúváꞌa iniꞌ ni̱ꞌ néꞌyá ni̱ꞌ re̱ꞌ. Tɨɨn kuéntáꞌ ñáꞌnú rá tu̱ꞌun káchíꞌ re̱ꞌ ―nkachiꞌ nusuyuꞌú vá.

Hebreos 5:9

Jee sáá ni̱yo tu̱ꞌva re̱ꞌ sukuán, jee nkenta kúvi re̱ꞌ ne̱ nu̱u̱nꞌ váji ya̱ nene ñɨvɨ nu̱u̱nꞌ kua̱chi ráa jee sikáku re̱ꞌ nɨ́ɨ́nkání ntáká rá ñɨvɨ ya̱ káníjiá ráa re̱ꞌ.

2 Corintios 11:2

Chi ñúꞌún kuíñɨ́ iniꞌ ni̱ꞌ néꞌyá ni̱ꞌ ránoꞌó, sáni kuíñɨ́ iniꞌ maá Ndiosíꞌ néꞌyá re̱ꞌ ránoꞌó. Chi nsa̱ꞌá ni̱ꞌ kuéntáꞌ te̱e jíka na̱ꞌvi̱ꞌ, chi njia̱ꞌayuꞌú ni̱ꞌ ku̱ꞌva ni̱ꞌ ránoꞌó nu̱u̱nꞌ métúꞌún Cristo, kuéntáꞌ kúvi re̱ꞌ yɨɨ́ rán, ku̱ꞌva ni̱ꞌ ránoꞌó nu̱u̱nꞌ re̱ꞌ kuéntáꞌ jiáꞌa ráa ɨɨn ñaꞌan núún íyó ninuꞌun nu̱u̱nꞌ yɨɨ́ ña.

Hechos 26:20

Jee xíꞌnañúꞌún nste̱kútu̱ꞌún ni̱ꞌ nu̱u̱nꞌ rá ñɨvɨ ñuunꞌ Damasco, jín suni nu̱u̱nꞌ rá ñɨvɨ ñuunꞌ Jerusalén, jín nu̱u̱nꞌ nɨꞌɨ sánitɨ́ɨn Judea, jín nu̱u̱nꞌ rá inka nación, ya̱ nakani iniꞌ ráa jee nakunikɨnꞌ ráa Ndiosíꞌ. Jee nste̱kútu̱ꞌún ni̱ꞌ, ya̱ saꞌá ráa rá tiñu váꞌa, ya̱ stúvi ya̱ nna̱kani nijia iniꞌ ráa.

Mateo 25:45

’Saájee naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán, ya̱ mákua sukuán ntu nsáꞌá rán maa jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee suni ntu nsáꞌá rán maa nu̱u̱nꞌ nuꞌuꞌ”, kachiꞌ ni̱ꞌ nu̱u̱nꞌ ráa.

1 Corintios 9:5

Jee, ¿á nsáꞌ íyó kuvi kunaka ráníꞌ ñasɨ́ꞌɨ́ ya̱ jínúꞌ iniꞌ ráa tu̱ꞌun jie̱ꞌe̱ꞌ Jesús sáva kutáꞌán ráa jín ránꞌ ré né núꞌ kua̱ꞌa̱nꞌ ránꞌ, kuéntáꞌ íyó ñasɨ́ꞌɨ́ rá inka ka̱ꞌ rá tée kúvi apóstol, jín rá te̱e ya̱ kúvi ñaniꞌ I̱toꞌoꞌ‑ó, jín suni Pedro rúja?

Mateo 12:49

jee nxi̱nénaꞌá re̱ꞌ rá te̱e súkuáꞌa re̱ꞌ ráa jee nkachiꞌ re̱ꞌ― kune̱ꞌyá, yaꞌá ví náánꞌ ni̱ꞌ jín rá ñaniꞌ ni̱ꞌ.

Mateo 13:1

Jee ki̱vɨ̱ꞌ yukuán nkene Jesús veꞌi jee kua̱ꞌa̱nꞌ re̱ꞌ yuꞌú nteñúꞌún jee yukuán ña̱kuneeꞌ re̱ꞌ.