Mateo 12:44 - Mixteco del suroeste de Tlaxiaco Oaxaca

⁴⁴ saáva nkachiꞌ‑i nu̱u̱nꞌ maáa: “Nikó tuku ni̱ꞌ veꞌi nu̱u̱nꞌ nkene ni̱ꞌ.” Jee sáá nnenta‑a, jee nna̱niꞌinꞌ‑i ñɨvɨ nu̱u̱nꞌ nyɨ́ꞌɨ‑ɨ vá, kuéntáꞌ ɨɨn veꞌi núne, ya̱ ya nna̱stá, ya̱ íyó ñunkúún.

Mateo 12:44 Referans Kwoze

1 Juan 4:4

Ránoꞌó ya̱ kúvi kuéntáꞌ se̱ꞌya ni̱ꞌ, kúvi rán ñɨvɨ Ndiosíꞌ. Jee nku̱neí rán jín rá ñɨvɨ xínáꞌví vá, ya̱ ntu xínáꞌví ráa ránoꞌó, chi máá kúñáꞌnú ka̱ꞌ ví Ta̱chi̱ꞌ Ííꞌ Ndiosíꞌ ya̱ yɨ́ꞌɨ́ iniꞌ ánímaꞌ ránoꞌó, nsú káꞌ ta̱chi̱ꞌ kúneí jín rá ñɨvɨ yɨ́ꞌɨ́ ñujiínꞌ ñɨ̱vɨ́ yaꞌá.

1 Juan 2:19

Jee nteñu maáórán nkene ráa, soo ntu̱ví nkúvi ráa táꞌán‑órán ya̱ yɨ́ꞌɨ́‑órán nu̱u̱nꞌ Jesús. Chi retánꞌ nkuvi ráa táꞌán‑órán, jee nkino̱o ráa jín‑ó, nékúvi. Soo nkene ráa nteñu‑ó kua̱ꞌa̱nꞌ ráa sáva túvi kájí ya̱ nsú táꞌán‑ó kúvi nta̱ká ráa.

1 Corintios 11:19

Chi saá íyó nijia ya̱ íyó kusɨ́ɨ́n rá grupo nteñu rán ya̱ níkɨ́nꞌ inka ñujiínꞌ sáva túvi nijinꞌ nteñu rán rá ñɨvɨ ya̱ ni̱totúníꞌ Ndiosíꞌ ya̱ kéne na̱a̱ꞌ ráa ya̱ íñɨ́ ni̱ꞌin ráa níkɨ́nꞌ ráa Cristo.

Efesios 2:2

Jee sukuán ñaꞌnu rán tiempúꞌ ya̱ta̱ꞌ nékúvi ne̱ sáá ñaꞌnu rán ichi ñujiínꞌ sáni jiáꞌnu rá ñɨvɨ ñɨ̱vɨ́ yaꞌá ya̱ ntu̱ví yɨ́ꞌɨ́ ráa xi̱ntíín Ndiosíꞌ. Sukuán ñaꞌnu rán sánikua̱ꞌ kuíni kui̱ꞌna̱ꞌ kúñáꞌnú ya̱ kúvi i̱toꞌoꞌ rá ta̱chi̱ꞌ kíni ya̱ jíkanuun ráa nu̱u̱nꞌ ta̱chi̱ꞌ víjin ñɨ̱vɨ́ yaꞌá. Jee kúvi re̱ꞌ ta̱chi̱ꞌ kíni ya̱ sátíñú iniꞌ rá ñɨvɨ kújiááꞌ iniꞌ ráa nu̱u̱nꞌ Ndiosíꞌ.

Juan 13:27

Jee sáá nkuvi ntɨɨn Judas i̱xta̱tíláꞌ vá, jee ntañúꞌún kuitɨꞌ nki̱vɨ Satanás, ya̱ kúvi ta̱chi̱ꞌ kíni kúñáꞌnú, iniꞌ Judas. Saájee nkachiꞌ Jesús nu̱u̱nꞌ Judas: ―Tiñu saꞌá nú, jee ñamani saꞌá maa.

Juan 13:2

Jee viko Pascua ni kúxíní Jesús jín rá te̱e súkuáꞌa re̱ꞌ ráa, jee ya nchuꞌun kui̱ꞌna̱ꞌ kúñáꞌnú iniꞌ ánímaꞌ Judas ya̱ naku̱ꞌva re̱ꞌ Jesús xi̱ntíín rá te̱e kánéꞌén. Judas kúvi se̱ꞌya Simón Iscariote.

Juan 12:6

Sú nkachiꞌ re̱ꞌ sukuán, soo nsú jie̱ꞌe̱ꞌ ya̱ kúnáꞌví nijia iniꞌ re̱ꞌ rá láꞌví, chisaꞌ jie̱ꞌe̱ꞌ ni ka̱ꞌ ya̱ maáréꞌ kúvi ɨɨn te̱e kuíꞌná. Chi maáréꞌ kúvi te̱e ya̱ nééꞌ si̱kɨ̱ꞌ re̱ꞌ kúmí re̱ꞌ ñunu xu̱ꞌún nu̱u̱nꞌ rá táꞌán te̱e súkuáꞌa Jesús ráa, jee tɨ́ɨn kuíꞌná re̱ꞌ yakuꞌ xu̱ꞌún nu̱u̱nꞌ chúꞌun ráa ya̱ kúmí re̱ꞌ.

Mateo 12:29

’Áxí, ¿na̱ja kuvi ki̱vɨ ɨɨn ñɨvɨ iniꞌ veꞌi ɨɨn te̱e nakuiꞌ, sáva sakuíꞌná‑a nantíñú re̱ꞌ retú ntu xíꞌna ka̱ꞌ kuꞌniꞌ‑i re̱ꞌ rúja? Jee sukuán jee kuvi sakuíꞌná‑a nantíñú re̱ꞌ.

Mateo 12:43

’Saájee ɨɨn ta̱chi̱ꞌ kákini kánéꞌí sáá kéne‑e iniꞌ ɨɨn ñɨvɨ, jee kua̱ꞌa̱nꞌ‑a jíkónúun‑u rá nu̱u̱nꞌ ñu̱ꞌún saɨn íchí nu̱u̱nꞌ ntu̱náꞌ ñɨvɨ íyó núkú‑u nu̱u̱nꞌ najia̱ví‑i, jee ni ntu̱ví nániꞌinꞌ‑i vá,

Mateo 12:45

Saájee kɨ̱ꞌɨ̱nꞌ ta̱chi̱ꞌ kíni vá, kɨ̱nake̱ꞌen‑e u̱xa̱ꞌ ka̱ꞌ rá táꞌán ta̱chi̱ꞌ kíni ya̱ xe̱e̱nꞌ ka̱ꞌ nsú káꞌ maáa, jee ki̱vɨ ráa iniꞌ ñɨvɨ vá kuneeꞌ ráa yukuán. Saájee xe̱e̱nꞌ nasɨ́kuitɨꞌ ka̱ꞌ nakunoꞌo ñɨvɨ vá nsú káꞌ kua̱ꞌ nnoꞌo‑o ne̱ xíꞌna. Jee suni sukuán kunoꞌo rá ñɨvɨ níváꞌa íyó yaꞌá tiempúꞌ vitan ―nkachiꞌ Jesús.

Lucas 11:25

Jee sáá nnenta‑a, jee nna̱niꞌinꞌ‑i ñɨvɨ vá nu̱u̱nꞌ nyɨ́ꞌɨ‑ɨ vá, kuéntáꞌ ɨɨn veꞌi núne, ya̱ ya nna̱stá, ya̱ íyó ñunkúún‑u.