Mateo 12:42 - Mixteco del suroeste de Tlaxiaco Oaxaca

⁴² Jee suni máá ñaꞌan ya̱ nta̱túníꞌ ña nu̱u̱nꞌ ɨɨn ñuunꞌ ichi sur, jee suni natekuꞌ ña jín rá ñɨvɨ íyó tiempúꞌ vitan ki̱vɨ̱ꞌ sanáaꞌ Ndiosíꞌ kua̱chi jie̱ꞌe̱ꞌ rá ñɨvɨ, jee sijíta ña rá ñɨvɨ íyó tiempúꞌ vitan, chi nkiji ña ne̱ íká nasɨ́kuitɨꞌ sáva teso̱ꞌo ña rá tu̱ꞌun níchí nkaꞌanꞌ Salomón ya̱ nta̱túníꞌ ñuunꞌ Israel yanaꞌán víꞌí. Soo ¡kune̱ꞌyá rán!, íyó ni̱ꞌ jín rán yaꞌá jee máá kúñáꞌnú nasɨ́kuitɨꞌ ni̱ꞌ ka̱ꞌ nsú káꞌ Salomón [jee ntu nákani iniꞌ rán].

Mateo 12:42 Referans Kwoze

Juan 1:14

Jee maáréꞌ ya̱ kúvi Tu̱ꞌun vá nkenta nkuvi re̱ꞌ ɨɨn te̱e ñunéꞌyúꞌ jee nneeꞌ re̱ꞌ nteñu‑ó. Jee niniꞌ ránꞌ ya̱ viiꞌ nasɨ́kuitɨꞌ kúñáꞌnú re̱ꞌ. Kúñáꞌnú re̱ꞌ chi Se̱ꞌya métúꞌún Ndiosíꞌ kúvi re̱ꞌ ya̱ váji ne̱ nu̱u̱nꞌ Tátáꞌ‑ó Ndiosíꞌ. Jee ntántúníꞌ íyó mániꞌ iniꞌ re̱ꞌ néꞌyá re̱ꞌ yó jee mani kúvi re̱ꞌ ya̱ nááꞌ ya̱ saꞌ víꞌí káꞌ stúvi ya̱ nááꞌ jie̱ꞌe̱ꞌ Ndiosíꞌ.

Mateo 17:5

Jee ni káꞌánꞌ i̱i̱ꞌ ka̱ꞌ Pedro, jee nkenta vi̱ko̱ꞌ maa jiánu̱te̱ꞌ kuéntáꞌ íyó nuva ñuꞌunꞌ ñasɨꞌ‑ɨ ráa, jee nu̱u̱nꞌ vi̱ko̱ꞌ vá nkene ɨɨn ta̱chi̱yuꞌú, jee káchíꞌ‑i: ―Yaꞌá ví Se̱ꞌya ni̱ꞌ jee ñúnúunꞌ ni̱ꞌ re̱ꞌ, jee kúváꞌa iniꞌ ni̱ꞌ néꞌyá ni̱ꞌ re̱ꞌ. Tɨɨn kuéntáꞌ ñáꞌnú rá tu̱ꞌun káchíꞌ re̱ꞌ ―nkachiꞌ nusuyuꞌú vá.

Juan 1:18

Ndiosíꞌ chi ni ɨɨn ñɨvɨ ntu̱ví jíníꞌ nijinꞌ maa na̱sa íyó re̱ꞌ, chi métúꞌún ni Se̱ꞌya re̱ꞌ ya̱ kúvi Ndiosíꞌ ya̱ nééꞌ‑e jín re̱ꞌ jíníꞌ na̱sa íyó re̱ꞌ, jee suvi‑i vá nstúvi‑i na̱sa iniꞌ re̱ꞌ.

Mateo 3:17

Saájee ɨɨn ta̱chi̱yuꞌú nteso̱ꞌo ne̱ antivɨ́ súkún, jee nkachiꞌ‑i: ―Yaꞌá kúvi Se̱ꞌya ni̱ꞌ jee ñúnúunꞌ ni̱ꞌ maa, jee kúváꞌa víꞌí iniꞌ ni̱ꞌ néꞌyá ni̱ꞌ maa ―nkachiꞌ Ndiosíꞌ.

Mateo 12:41

Jee rá ñɨvɨ ñuunꞌ Nínive kuiñɨ ráa jín rá ñɨvɨ íyó tiempúꞌ vitan ichinúúnꞌ Ndiosíꞌ ki̱vɨ̱ꞌ sanáaꞌ re̱ꞌ jie̱ꞌe̱ꞌ kua̱chi rá ñɨvɨ, jee sijíta ráa rá ñɨvɨ íyó tiempúꞌ vitan, chi ñɨvɨ ñuunꞌ Nínive vá nna̱kani iniꞌ ráa nxi̱nóo ráa kua̱chi ráa, sáá nteso̱ꞌo ráa Tu̱ꞌun Ndiosíꞌ nkachitu̱ꞌún Jonás nu̱u̱nꞌ ráa. Soo ¡kune̱ꞌyá rán!, íyó ni̱ꞌ jín rán yaꞌá jee máá kúñáꞌnú nasɨ́kuitɨꞌ ni̱ꞌ ka̱ꞌ nsú káꞌ Jonás.

Mateo 12:6

Soo káchíꞌ ni̱ꞌ nu̱u̱nꞌ rán ya̱ ɨɨn máá kúñáꞌnú nasɨ́kuitɨꞌ ka̱ꞌ íyó‑o jín rán yaꞌá nsú káꞌ veñu̱ꞌun vá.