Mateo 12:27 - Mixteco del suroeste de Tlaxiaco Oaxaca

²⁷ ’Soo retú táváꞌ ni̱ꞌ rá kui̱ꞌna̱ꞌ iniꞌ rá ñɨvɨ jín fuersáꞌ níso kui̱ꞌna̱ꞌ kúñáꞌnú Beelzebú, jee rá se̱ꞌya ñuunꞌ rán ya̱ súkuáꞌa jín ránoꞌó, ¿né ɨɨn fuersáꞌ jiátíñú ráa táváꞌ ráa rá kui̱ꞌna̱ꞌ rúja? Jee saáva ne̱ maáráa sijíta ráa ránoꞌó jie̱ꞌe̱ꞌ tu̱ꞌun niváꞌa káchíꞌ rán.

Mateo 12:27 Referans Kwoze

Romanos 3:19

Soo jíníꞌ‑ó ya̱ néni ɨɨn tu̱ꞌun ya̱ káchíꞌ ley nta̱túníꞌ Ndiosíꞌ, jee káchíꞌ‑i vá nu̱u̱nꞌ rá ñɨvɨ yɨ́ꞌɨ́ ráa chi̱ji xi̱ntíín ley vá, sáva nta̱ká ñɨvɨ kasɨꞌ ráa yuꞌú ráa chi ntu kúvi nama ráa maáráa, jee kua̱íyó ñɨvɨ ñɨ̱vɨ́ kɨꞌɨ ráa chi̱ji nu̱u̱nꞌ sanáaꞌ Ndiosíꞌ si̱kɨ̱ꞌ kua̱chi ráa.

Lucas 11:19

Soo retú táváꞌ ni̱ꞌ rá kui̱ꞌna̱ꞌ iniꞌ rá ñɨvɨ jín fuersáꞌ níso kui̱ꞌna̱ꞌ kúñáꞌnú Beelzebú, jee rá se̱ꞌya ñuunꞌ rán ya̱ súkuáꞌa jín ránoꞌó, ¿né ɨɨn fuersáꞌ jiátíñú ráa táváꞌ ráa rá kui̱ꞌna̱ꞌ rúja? Jee saáva ne̱ maáráa sijíta ráa ránoꞌó jie̱ꞌe̱ꞌ tu̱ꞌun niváꞌa káchíꞌ rán.

Lucas 19:22

Saájee nkachiꞌ re̱ꞌ nu̱u̱nꞌ‑u: “Musúꞌ kánéꞌén, jee jín rá tu̱ꞌun nkene yuꞌú maánú, sanáaꞌ ni̱ꞌ si̱kɨ̱ꞌ nú ya̱ íyó si̱kɨ̱ꞌ nú, chi ya̱ jíníꞌ nú ya̱ kúvi ni̱ꞌ ɨɨn te̱e xichiꞌ yɨ́ɨ́ víꞌí, chi nákeꞌen ni̱ꞌ ya̱ ntu ntéváꞌa ni̱ꞌ, jee nákeꞌen ni̱ꞌ tataꞌ sáꞌá ya̱ ntu ntaji ni̱ꞌ.

Mateo 4:24

Jee ñe̱te̱nuun tu̱ꞌun jie̱ꞌe̱ꞌ Jesús nu̱u̱nꞌ ntáká rá ñuunꞌ sánitɨ́ɨn ñuunꞌ Siria. Jee nki̱naka rá ñɨvɨ nu̱u̱nꞌ Jesús ntáká rá ñɨvɨ kúꞌvíꞌ ya̱ nóꞌo sɨ́ɨ́n sɨ́ɨ́n kéꞌín nu̱u̱nꞌ kue̱ꞌi̱ꞌ, jín rá yájíꞌ yatúꞌ, jín rá yɨ́ꞌɨ́ ta̱chi̱ꞌ kíni, jín rá jíꞌíyɨ̱ꞌɨ́ jín rá ñɨvɨ ya̱ ntu kúvi kantaꞌ ñunéꞌyúꞌ jee nxi̱núvi Jesús ráa.

Mateo 9:34

Soo rá te̱e ya̱ yɨ́ꞌɨ́ ñujiínꞌ fariseo, nkachiꞌ ráa: ―Táváꞌ re̱ꞌ rá kui̱ꞌna̱ꞌ jín tiñu kákini njiáꞌa i̱toꞌoꞌ rá kui̱ꞌna̱ꞌ nu̱u̱nꞌ re̱ꞌ.

Mateo 10:25

Jee te̱e ya̱ kútúꞌva, íyó va̱ꞌani ya̱ kuvi re̱ꞌ kuéntáꞌ kua̱ꞌ mestrúꞌ re̱ꞌ. Jee suni sukuán ɨɨn musúꞌ, suni íyó va̱ꞌani retú kuvi re̱ꞌ kuéntáꞌ kua̱ꞌ i̱toꞌoꞌ‑o. Saáva retú kachiꞌ rá ñɨvɨ ya̱ i̱toꞌoꞌ xí veꞌi ví Beelzebú, ya̱ kúvi kui̱ꞌna̱ꞌ kúñáꞌnú, jee si̱kɨ̱ꞌ ká kaꞌanꞌ niva̱ꞌa ráa kune̱ꞌyá ráa rá ñɨvɨ táꞌán veꞌi re̱ꞌ.