Mateo 12:22 - Mixteco del suroeste de Tlaxiaco Oaxaca

²² Saájee ña̱na̱ka rá ñɨvɨ nu̱u̱nꞌ Jesús ɨɨn te̱e kuáá jee ñɨ́ꞌɨ́nꞌ‑ɨ, chi yɨ́ꞌɨ́ kui̱ꞌna̱ꞌ maa. Jee nxi̱núvi Jesús maa, jee nkuvi nna̱kune̱ꞌyá‑a, jee nkuvi nna̱kaꞌanꞌ‑a.

Mateo 12:22 Referans Kwoze

Hechos 26:18

sava sine nú rá nchinúún ráa sáva kɨ̱ku̱ꞌun iniꞌ ráa Tu̱ꞌun Ndiosíꞌ. Jee sáva kene ráa nu̱u̱nꞌ neenꞌ, jee nakui̱ñɨ̱ꞌ ráa nu̱u̱nꞌ túúnꞌ ñuꞌunꞌ. Jee kene ráa naꞌá ta̱chi̱ꞌ kini kúñáꞌnú kúvi Satanás, jee ki̱vɨ ráa naꞌá Ndiosíꞌ. Sáva ni̱ꞌi̱nꞌ ráa ya̱ kunekáꞌnú iniꞌ Ndiosíꞌ jie̱ꞌe̱ꞌ kua̱chi ráa, jín sáva ni̱ꞌi̱nꞌ ráa ta̱ꞌvi̱ꞌ nteñu rá ñɨvɨ ya̱ nsa̱ꞌá sɨ́ɨ́n re̱ꞌ ráa sáva kuvi ráa ñɨvɨ re̱ꞌ, chi kúneí iniꞌ ráa nuꞌuꞌ.”

Marcos 3:11

Jee rá ñɨvɨ yɨ́ꞌɨ́ ta̱chi̱ꞌ néꞌí, sáá niniꞌ ráa re̱ꞌ, nstu̱víꞌ ráa maáráa ichinúúnꞌ re̱ꞌ, jee kánajíín ráa: ―Suvinú kúvi Se̱ꞌya Ndiosíꞌ.

Mateo 4:24

Jee ñe̱te̱nuun tu̱ꞌun jie̱ꞌe̱ꞌ Jesús nu̱u̱nꞌ ntáká rá ñuunꞌ sánitɨ́ɨn ñuunꞌ Siria. Jee nki̱naka rá ñɨvɨ nu̱u̱nꞌ Jesús ntáká rá ñɨvɨ kúꞌvíꞌ ya̱ nóꞌo sɨ́ɨ́n sɨ́ɨ́n kéꞌín nu̱u̱nꞌ kue̱ꞌi̱ꞌ, jín rá yájíꞌ yatúꞌ, jín rá yɨ́ꞌɨ́ ta̱chi̱ꞌ kíni, jín rá jíꞌíyɨ̱ꞌɨ́ jín rá ñɨvɨ ya̱ ntu kúvi kantaꞌ ñunéꞌyúꞌ jee nxi̱núvi Jesús ráa.

2 Tesalonicenses 2:9

Jee te̱e vá kiji re̱ꞌ saꞌá Satanás. Jee kuniso te̱e vá kua̱íyó fuersáꞌ Satanás ya̱ saꞌá re̱ꞌ rá milagrúꞌ, jín seña, jín tiñu a̱nasɨ́ ya̱ ti̱vɨ́ xíniꞌ rá ñɨvɨ kune̱ꞌyá ráa maa, jee xináꞌví‑i ráa.