Mateo 12:20 - Mixteco del suroeste de Tlaxiaco Oaxaca

²⁰ Jee [koo másúꞌ iniꞌ re̱ꞌ jín rá ñɨvɨ táyáꞌ iniꞌ], kuéntáꞌ ntu jiáꞌnu re̱ꞌ iteꞌ tu̱yo̱ó nátaꞌnu, jee kuéntáꞌ ntu xínáꞌváꞌ re̱ꞌ yu̱ꞌve̱ꞌ ɨɨn itɨ vesíkɨ ka̱ꞌ tɨ́ɨn ñuꞌunꞌ, saꞌá re̱ꞌ suꞌva ne̱kua̱ꞌ kuneí kakɨnꞌ re̱ꞌ ya̱ saꞌá Ndiosíꞌ ya̱ kino̱o na̱a̱ꞌ rá ñɨvɨ re̱ꞌ nu̱u̱nꞌ‑u.

Mateo 12:20 Referans Kwoze

Lucas 4:18

Ta̱chi̱ꞌ Ííꞌ I̱toꞌoꞌ‑ó Ndiosíꞌ íyó‑o jín nuꞌuꞌ, chi ñani Ndiosíꞌ nuꞌuꞌ sáva nakani ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ láꞌví, jee suni nchu̱ichí re̱ꞌ nuꞌuꞌ sáva nasaꞌá váꞌa ni̱ꞌ iniꞌ rá ñɨvɨ ya̱ íyó tu̱nkuíꞌyáꞌ iniꞌ ánímaꞌ ráa, jín sáva kachitu̱ꞌún ni̱ꞌ tu̱ꞌun váꞌa ya̱ nakani núne ni̱ꞌ rá ñɨvɨ ya̱ yɨ́ꞌɨ́ ráa xi̱ntíín kua̱chi ráa, jín suni sáva saꞌá ni̱ꞌ ya̱ nakune̱ꞌyá rá ñɨvɨ kuáá, jee suni sáva nakani núne ni̱ꞌ rá ñɨvɨ nu̱u̱nꞌ tu̱nóꞌó jíchi rá ñɨvɨ ráa,

Apoclipsis 6:2

Saájee nna̱kune̱ꞌyá ni̱ꞌ, jee niniꞌ ni̱ꞌ ɨɨn kitɨ kuíjín, jee ɨɨn ya̱ yósóꞌ ya̱ta̱ꞌ kitɨ vá ínaꞌá‑a ɨɨn arco. Saájee nni̱ꞌi̱nꞌ‑i ɨɨn corona nna̱ku̱ꞌun xi̱ni̱ꞌ‑i, jee nkene‑e kɨ̱kantáꞌán‑a jee kuneí‑i, sáva kuneí‑i si̱kɨ̱ꞌ ntáká.

2 Corintios 2:7

Jee saáva, íyó va̱ꞌa ka̱ꞌ ya̱ íyó kunekáꞌnú iniꞌ rán kune̱ꞌyá rán ñɨvɨ vá, jee nasaváꞌa rán iniꞌ‑i, sáva nkúneí tu̱nkuéká iniꞌ‑i jín‑i.

Mateo 11:28

’Neꞌenꞌ nu̱u̱nꞌ ni̱ꞌ ntáká ránoꞌó ya̱ kuítá rán jín ya̱ níꞌi rá tiñu véi si̱kɨ̱ꞌ ránoꞌó, jee xinájiávi ni̱ꞌ ánímaꞌ ránoꞌó.

2 Corintios 2:14

Soo kútaꞌviꞌ ni̱ꞌ nu̱u̱nꞌ Ndiosíꞌ, chi suvire̱ꞌ vá sukuáni náka re̱ꞌ ránuꞌuꞌ sáva stúvi re̱ꞌ ya̱ kúneí re̱ꞌ si̱kɨ̱ꞌ nɨꞌɨ jie̱ꞌe̱ꞌ ya̱ nsa̱ꞌá re̱ꞌ jín ránuꞌuꞌ, kuéntáꞌ ɨɨn desfile stúvi‑i ya̱ nku̱neí ɨɨn general sáá nka̱ntáꞌán re̱ꞌ. Náka Ndiosíꞌ ránuꞌuꞌ sukuán jie̱ꞌe̱ꞌ yɨ́ꞌɨ́ ránꞌ nu̱u̱nꞌ Cristo. Jee jiátíñú re̱ꞌ ránuꞌuꞌ sáva sikúténuun ránꞌ tu̱ꞌun váꞌa Cristo nta̱ká ichi, sáva kuvi kuniꞌ rá ñɨvɨ iniꞌ re̱ꞌ, kuéntáꞌ kua̱ꞌ jiéténuun xikoꞌ jiávi̱xi̱ꞌ.

Mateo 11:7

Jee sáá kua̱noꞌonꞌ rá te̱e vá, jee nka̱jiéꞌé Jesús káchíꞌ re̱ꞌ nu̱u̱nꞌ rá kue̱ꞌe̱ꞌ ñɨvɨ tu̱ꞌun jie̱ꞌe̱ꞌ Juan: ―¿Ná kúvi ya̱ nkene rán ña̱ne̱ꞌyá rán nu̱u̱nꞌ ñu̱ꞌún saɨn nu̱u̱nꞌ ntu̱náꞌ ñɨvɨ nééꞌ rúja? ¿Á [ɨɨn te̱e kási̱kɨ́ kuéntáꞌ] ɨɨn tu̱nooꞌ iteꞌ ya̱ síkántáꞌ ta̱chi̱ꞌ víjin rúja?