Mateo 12:18 - Mixteco del suroeste de Tlaxiaco Oaxaca

¹⁸ ¡Kune̱ꞌyá! Yaꞌá íyó musúꞌ ni̱ꞌ ya̱ nka̱ji ni̱ꞌ, ya̱ ñúnúunꞌ ni̱ꞌ, jee kúváꞌa iniꞌ ni̱ꞌ ne̱ ánímaꞌ ni̱ꞌ néꞌyá ni̱ꞌ re̱ꞌ, jee ku̱ꞌva ni̱ꞌ Ta̱chi̱ꞌ Ííꞌ ni̱ꞌ nu̱u̱nꞌ re̱ꞌ, jee stekútu̱ꞌún re̱ꞌ nu̱u̱nꞌ rá ñɨvɨ nɨꞌɨ rá ñuunꞌ íyó ñɨ̱vɨ́ jie̱ꞌe̱ꞌ na̱ja saꞌá Ndiosíꞌ ya̱ kino̱o na̱a̱ꞌ ñɨvɨ nu̱u̱nꞌ‑u.

Mateo 12:18 Referans Kwoze

Lucas 4:18

Ta̱chi̱ꞌ Ííꞌ I̱toꞌoꞌ‑ó Ndiosíꞌ íyó‑o jín nuꞌuꞌ, chi ñani Ndiosíꞌ nuꞌuꞌ sáva nakani ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ láꞌví, jee suni nchu̱ichí re̱ꞌ nuꞌuꞌ sáva nasaꞌá váꞌa ni̱ꞌ iniꞌ rá ñɨvɨ ya̱ íyó tu̱nkuíꞌyáꞌ iniꞌ ánímaꞌ ráa, jín sáva kachitu̱ꞌún ni̱ꞌ tu̱ꞌun váꞌa ya̱ nakani núne ni̱ꞌ rá ñɨvɨ ya̱ yɨ́ꞌɨ́ ráa xi̱ntíín kua̱chi ráa, jín suni sáva saꞌá ni̱ꞌ ya̱ nakune̱ꞌyá rá ñɨvɨ kuáá, jee suni sáva nakani núne ni̱ꞌ rá ñɨvɨ nu̱u̱nꞌ tu̱nóꞌó jíchi rá ñɨvɨ ráa,

Hechos 10:38

Jesús kúvi re̱ꞌ te̱e ñuunꞌ Nazaret. Jíníꞌ rán ya̱ ñani Ndiosíꞌ re̱ꞌ jee njia̱ꞌa‑a nu̱u̱nꞌ re̱ꞌ Ta̱chi̱ꞌ Ííꞌ‑i jín fuersáꞌ ííꞌ‑i. Jee ni̱kónúun re̱ꞌ nsa̱ꞌá re̱ꞌ ya̱ váꞌa, jee nxi̱núvi re̱ꞌ rá ñɨvɨ nóꞌo sáꞌá kui̱ꞌna̱ꞌ kúñáꞌnú, chi Ndiosíꞌ íñɨ́ jín re̱ꞌ.

Juan 3:34

Chi maáréꞌ ya̱ nchu̱ichí Ndiosíꞌ re̱ꞌ, jee káꞌánꞌ re̱ꞌ rá Tu̱ꞌun Ndiosíꞌ, jee ntu ñúkúꞌvá iniꞌ Ndiosíꞌ jiáꞌa‑a Ta̱chi̱ꞌ Ííꞌ‑i [íyó jín re̱ꞌ].

1 Pedro 2:4

Nátuꞌva rán nu̱u̱nꞌ I̱toꞌoꞌ‑ó, ya̱ kúvi re̱ꞌ yu̱u̱ꞌ tékúꞌ ya̱ nku̱ichi iniꞌ rá ñɨvɨ maa, soo Ndiosíꞌ nka̱ji re̱ꞌ maa ya̱ yɨ́yáꞌvi‑i.

2 Pedro 1:17

Jee nni̱ꞌi̱nꞌ re̱ꞌ ya̱ Tátáꞌ‑ó Ndiosíꞌ nkaꞌanꞌ yɨ́ñúꞌún‑u jín re̱ꞌ, jee nsa̱ꞌá ñáꞌnú‑u re̱ꞌ. Chi ne̱ súkún nkiji rá tu̱ꞌun ne̱ nu̱u̱nꞌ nuva máá Ndiosíꞌ máá viiꞌ kúñáꞌnú‑u, jee nkachiꞌ‑i: “Yaꞌá ví Se̱ꞌya ni̱ꞌ jee ñúnúunꞌ ni̱ꞌ re̱ꞌ, jee kúváꞌa iniꞌ ni̱ꞌ néꞌyá ni̱ꞌ re̱ꞌ”, nkachiꞌ Ndiosíꞌ.

Colosenses 1:13

Chi maá Ndiosíꞌ nna̱kani núne re̱ꞌ yó nsi̱káku re̱ꞌ yó xi̱ntíín kua̱chi‑ó jín xi̱ntíín Satanás, nu̱u̱nꞌ níyo kuéntáꞌ ñaꞌnu‑ó nu̱u̱nꞌ neenꞌ. Jee nna̱siáꞌa re̱ꞌ yó naꞌá Se̱ꞌya re̱ꞌ ya̱ ñúnúunꞌ re̱ꞌ, jee tátúníꞌ‑i nu̱u̱nꞌ‑ó.

Colosenses 1:1

Nuꞌuꞌ Pablo, ya̱ nísotíñú ni̱ꞌ tiñu apóstol Cristo Jesús, chi nchu̱ichí re̱ꞌ nuꞌuꞌ sáni nkuíni Ndiosíꞌ, jee ni núvíꞌ ni̱ꞌ jín ñaniꞌ‑ó Timoteo,

Efesios 1:6

Saáva jie̱ꞌe̱ꞌ vá íyó nakuetúꞌún‑ó Ndiosíꞌ ya̱ viiꞌ kúñáꞌnú re̱ꞌ jie̱ꞌe̱ꞌ ya̱ na̱ ka̱ꞌ vá íyó mániꞌ iniꞌ re̱ꞌ jín yó jee nsi̱kútaꞌviꞌ saɨn re̱ꞌ ya̱ váꞌa nu̱u̱nꞌ‑ó, jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, ya̱ ñúnúunꞌ re̱ꞌ maa.

Hechos 14:27

Sáá nnenta i̱i̱ꞌ ráa Antioquía, jee nstútú ráa rá ñɨvɨ ya̱ kúneí iniꞌ rává Jesús. Jee nna̱kani ráa rá nsa̱ꞌá Ndiosíꞌ jín ráa. Jee nna̱kani ráa ya̱ kuéntáꞌ nine Ndiosíꞌ ɨɨn yuvéꞌí, sáva ki̱vɨ rá ñɨvɨ ntu kúvi Israel nu̱u̱nꞌ Ndiosíꞌ, chi suni kúneí iniꞌ ráa Jesús.

Hechos 11:18

Jee sáá nteso̱ꞌo ráa tu̱ꞌun yaꞌá, ña̱kui̱ñɨ̱ꞌ ráa ya̱ kántátúꞌun ráa, jee nna̱kuetúꞌún ráa Ndiosíꞌ: ―I̱ña̱jée suni Ndiosíꞌ jiáꞌa ya̱ rá ñɨvɨ, ya̱ ntu kúvi Israel, nakani iniꞌ ráa jie̱ꞌe̱ꞌ ichi jiáꞌnu ráa, sáva ki̱vɨ ráa nu̱u̱nꞌ re̱ꞌ, sáva kutekuꞌ ráa nɨ́ɨ́nkání jín re̱ꞌ.

Lucas 23:35

Jee íñɨ́ rá ñɨvɨ néꞌyá ráa nu̱u̱nꞌ re̱ꞌ jee suni ne̱ rá te̱e nísotíñú nátai̱chi̱ꞌ ráa néꞌyá ráa Jesús jee káchíꞌ ráa: ―Rá inka ka̱ꞌ ñɨvɨ nsi̱káku re̱ꞌ, sikáku‑u maáa retú suvi nijia‑a kúvi te̱e ya̱ nka̱ji Ndiosíꞌ maa sáva kani re̱ꞌ maa sáva kuvi‑i máá Cristo ya̱ tají re̱ꞌ sáva tatúníꞌ‑i nu̱u̱nꞌ nɨꞌɨ ―nkachiꞌ ráa.

Lucas 9:35

Saájee nu̱u̱nꞌ vi̱ko̱ꞌ vá nkene ɨɨn nusuyuꞌú ya̱ káchíꞌ‑i: ―Yaꞌá ví Se̱ꞌya yɨ́ɨ́ ni̱ꞌ, [jee ñúnúunꞌ ni̱ꞌ re̱ꞌ], ya̱ nkáji ni̱ꞌ maa. Tɨɨn kuéntáꞌ ñáꞌnú rá tu̱ꞌun káchíꞌ re̱ꞌ ―nkachiꞌ‑i.

Lucas 3:22

jee nki̱nkuun Ta̱chi̱ꞌ Ííꞌ nu̱u̱nꞌ re̱ꞌ kuéntáꞌ kua̱ꞌ íyó ñunéꞌyúꞌ ɨɨn paloma, jee ne̱ antivɨ́ vá nkiji nusuyuꞌú, jee káchíꞌ‑i: ―Noꞌó kúvi Se̱ꞌya ni̱ꞌ jee ñúnúunꞌ ni̱ꞌ noꞌó, jee kúváꞌa víꞌí iniꞌ ni̱ꞌ néꞌyá ni̱ꞌ noꞌó.

Marcos 9:7

Jee nkenta ɨɨn vi̱ko̱ꞌ jee nna̱kasɨꞌ‑ɨ nu̱u̱nꞌ íñɨ́ ntáká ráa. Jee nkene ɨɨn nusuyuꞌú ma̱ꞌñú vi̱ko̱ꞌ vá, jee nkachiꞌ‑i: ―Yaꞌá ví Se̱ꞌya yɨ́ɨ́ ni̱ꞌ jee ñúnúunꞌ ni̱ꞌ re̱ꞌ. Tɨɨn kuéntáꞌ ñáꞌnú rá tu̱ꞌun káchíꞌ re̱ꞌ.

Marcos 1:11

Jee nkaꞌanꞌ ɨɨn ta̱chi̱yuꞌú ne̱ súkún jee nkachiꞌ‑i: ―Noꞌó kúvi Se̱ꞌya ni̱ꞌ jee ñúnúunꞌ ni̱ꞌ nó jee kúváꞌa víꞌí iniꞌ ni̱ꞌ néꞌyá ni̱ꞌ noꞌó.

Mateo 17:5

Jee ni káꞌánꞌ i̱i̱ꞌ ka̱ꞌ Pedro, jee nkenta vi̱ko̱ꞌ maa jiánu̱te̱ꞌ kuéntáꞌ íyó nuva ñuꞌunꞌ ñasɨꞌ‑ɨ ráa, jee nu̱u̱nꞌ vi̱ko̱ꞌ vá nkene ɨɨn ta̱chi̱yuꞌú, jee káchíꞌ‑i: ―Yaꞌá ví Se̱ꞌya ni̱ꞌ jee ñúnúunꞌ ni̱ꞌ re̱ꞌ, jee kúváꞌa iniꞌ ni̱ꞌ néꞌyá ni̱ꞌ re̱ꞌ. Tɨɨn kuéntáꞌ ñáꞌnú rá tu̱ꞌun káchíꞌ re̱ꞌ ―nkachiꞌ nusuyuꞌú vá.

Mateo 12:17

Nkuvi yaꞌá sukuán, sáva kuna̱a̱ꞌ nu̱u̱nꞌ Tu̱ꞌun Ndiosíꞌ njia̱ꞌa re̱ꞌ sákachiꞌ Isaías, te̱e nna̱kani tu̱ꞌun nkene yuꞌú máá maá Ndiosíꞌ, sáá nkachiꞌ re̱ꞌ: