Mateo 11:30 - Mixteco del suroeste de Tlaxiaco Oaxaca

³⁰ Chi ntu víjí kɨꞌɨ rán xi̱ntíín ni̱ꞌ jee tiñu taji ni̱ꞌ nu̱u̱nꞌ rán nsú tiñu véi ví‑i ―nkachiꞌ Jesús.

Mateo 11:30 Referans Kwoze

1 Juan 5:3

Chi tu̱ꞌun ñúnúunꞌ‑ó Ndiosíꞌ kúvi yaꞌá ya̱ síkúnkuvi‑ó rá tu̱ꞌun nta̱túníꞌ re̱ꞌ. Jee rá tiñu nta̱túníꞌ re̱ꞌ chi nsáꞌ véi ví‑i.

Juan 16:33

Ntáká rá tu̱ꞌun yaꞌá nkaꞌanꞌ ni̱ꞌ jín rán sáva ne̱ va̱ꞌa kino̱o ánímaꞌ rán, chi yɨ́ꞌɨ́ rán nu̱u̱nꞌ ni̱ꞌ. Chi kiji tu̱nóꞌó nu̱u̱nꞌ rán iniꞌ ñɨ̱vɨ́ yaꞌá, soo koo neí iniꞌ rán, chi ya nku̱neí ni̱ꞌ nu̱u̱nꞌ nɨꞌɨ ya̱ niváꞌa íyó iniꞌ ñɨ̱vɨ́.

Filipenses 4:13

Kuvi kuiñɨ ni̱ꞌ nu̱u̱nꞌ nta̱ká ya̱ nóꞌo ni̱ꞌ, chi yɨ́ꞌɨ́ ni̱ꞌ nu̱u̱nꞌ Cristo, ya̱ násáneí re̱ꞌ iniꞌ nuꞌuꞌ.

Gálatas 5:1

Nna̱kani núne Cristo yó, sáva kuiñɨ núne yó. Saáva kuiñɨ ni̱ꞌin núne rán nu̱u̱nꞌ tu̱ꞌun ley vá ya̱ nta̱túníꞌ Ndiosíꞌ. Jee koto kíninkava tuku rán xi̱ntíín tu̱ꞌun vá ya̱ kuvi tuku rán musúꞌ sátíñú saɨn.

Gálatas 5:18

Soo retú jíka rán sáni chúꞌun Ta̱chi̱ꞌ Ííꞌ ránoꞌó ichi re̱ꞌ, ña̱re ntu yɨ́ꞌɨ́ rán chi̱ji tu̱ꞌun ley.

Hechos 15:10

Saájee, ¿na̱kui chi kénta rán si̱kɨ̱ꞌ ya̱ sáꞌá Ndiosíꞌ, sáva síkítɨ́ꞌ rán iniꞌ re̱ꞌ? Chi jiáꞌa rán ɨɨn tiñu véi nasɨ́kuitɨꞌ nu̱u̱nꞌ rá ñɨvɨ níkɨ́nꞌ ñujiínꞌ Jesús, ya̱ ntu nkúvi kuniso‑ó maa ni rá tátáꞌ‑ó yanaꞌán.

2 Corintios 4:17

Chi súnika̱ꞌ nóꞌo‑ó ñɨ̱vɨ́ yaꞌá, soo víyáxín kúvi rá tu̱nóꞌó vá jee núún ni ví‑i, chi sáꞌá‑a ya̱ ni̱ꞌi̱nꞌ‑ó ta̱ꞌvi̱ꞌ ya̱ viiꞌ kúñáꞌnú nasɨ́kuitɨꞌ ka̱ꞌ sáá kuneeꞌ‑ó nɨ́ɨ́nkání jín Ndiosíꞌ.

Hechos 15:28

Chi kúnáaꞌ iniꞌ Ta̱chi̱ꞌ Ííꞌ Ndiosíꞌ jín‑ó ya̱ ntu̱náꞌ tee ránꞌ ni ɨɨn tiñu ka̱ꞌ nu̱u̱nꞌ rán, nsú káꞌ rá yaꞌá ya̱ íyó saꞌá rán.

Mateo 12:1

Jee tiempúꞌ yukuán kua̱jia̱ꞌa Jesús nteñu nu̱u̱nꞌ káá ituꞌ trigúꞌ ɨɨn ki̱vɨ̱ꞌ nájiáví, jee rá te̱e kútáꞌán jín re̱ꞌ rá súkuáꞌa re̱ꞌ ráa, jíso̱ko ráa, jee nki̱jiéꞌé ráa túꞌun ráa yoko trigúꞌ jee yájíꞌ ráa maa.