Mateo 11:28 - Mixteco del suroeste de Tlaxiaco Oaxaca

²⁸ ’Neꞌenꞌ nu̱u̱nꞌ ni̱ꞌ ntáká ránoꞌó ya̱ kuítá rán jín ya̱ níꞌi rá tiñu véi si̱kɨ̱ꞌ ránoꞌó, jee xinájiávi ni̱ꞌ ánímaꞌ ránoꞌó.

Mateo 11:28 Referans Kwoze

Mateo 11:29

Chiꞌi rán maárán xi̱ntíín ni̱ꞌ, ya̱ kúvi‑i kuéntáꞌ chísó rán yugo ni̱ꞌ ránoꞌó, jee kutu̱ꞌva rán ya̱ xinéꞌénꞌ ni̱ꞌ ránoꞌó. Chi másúꞌ iniꞌ ni̱ꞌ, jee ñúꞌún láꞌví iniꞌ ni̱ꞌ, jee sukuán jee ni̱ꞌi̱nꞌ rán ya̱ najia̱ví ánímaꞌ rán saꞌá ni̱ꞌ.

Juan 7:37

Ki̱vɨ̱ꞌ nu̱u̱nꞌ nɨ́ꞌɨ viko vá ya̱ kúvi ki̱vɨ̱ꞌ ñáꞌnú ka̱ꞌ, jee nnakui̱ñɨ̱ꞌ nichiꞌ Jesús jee nkachiꞌ re̱ꞌ: ―Retú né ni̱ꞌ ɨɨn rán kuéntáꞌ jíchíꞌ iniꞌ ánímaꞌ‑a nute, jee natuꞌva nu̱u̱nꞌ ni̱ꞌ jee koꞌo [ya̱ taji ni̱ꞌ nu̱u̱nꞌ nú].

Juan 6:37

Chi nta̱ká ñɨvɨ ya̱ táji Tátáꞌ ni̱ꞌ nu̱u̱nꞌ ni̱ꞌ, jee natuꞌva ráa nuꞌuꞌ. Jee ɨɨn ñɨvɨ natuꞌva‑a nuꞌuꞌ ni nsáꞌ sukuíta ni̱ꞌ maa nu̱u̱nꞌ ni̱ꞌ.

Gálatas 5:1

Nna̱kani núne Cristo yó, sáva kuiñɨ núne yó. Saáva kuiñɨ ni̱ꞌin núne rán nu̱u̱nꞌ tu̱ꞌun ley vá ya̱ nta̱túníꞌ Ndiosíꞌ. Jee koto kíninkava tuku rán xi̱ntíín tu̱ꞌun vá ya̱ kuvi tuku rán musúꞌ sátíñú saɨn.

Apoclipsis 22:17

Jee Ta̱chi̱ꞌ Ííꞌ jín rá ñɨvɨ yɨ́ꞌɨ́ nu̱u̱nꞌ Ndiosíꞌ, ya̱ suviráa vá kuvi kuéntáꞌ ñaꞌan ya̱ tana̱ꞌá jín Jesús. Jee káchíꞌ ráa: ―¡Neꞌenꞌ! Jee ñɨvɨ ya̱ tésóꞌo‑o tu̱ꞌun re̱ꞌ yaꞌá, jee suni íyó kachiꞌ‑i: ―¡Neꞌenꞌ! Jee ñɨvɨ ya̱ kuéntáꞌ jíchíꞌ‑i nute jee ñúkúvi iniꞌ‑i Ndiosíꞌ, jee, ¡neꞌenꞌ!, natuꞌva nu̱u̱nꞌ re̱ꞌ jee tɨɨn saɨn‑ɨ nute koꞌo‑o ya̱ sáꞌá nute vá kutekuꞌ nú nɨ́ɨ́nkání jín re̱ꞌ.

Mateo 23:4

Chi xínéꞌénꞌ ráa rá tu̱ꞌun tátúníꞌ maáráa rá tiñu véi ya̱ víjí sikúnkuvi maa, jee jiákɨ́nꞌ ráa maa nu̱u̱nꞌ rá ñɨvɨ sáva sikúnkuvi ñɨvɨ maa, soo maáráa chi ni sú jín ɨɨn xi̱ntíín ráa ni ntu skántáꞌ ráa sáva chineí ráa saꞌá‑a rá tiñu vá.

Hebreos 4:1

Jee saáva, vitan íyó‑ó ka̱ꞌ jín tu̱ꞌun ya̱ nchi̱sóyuꞌú Ndiosíꞌ ya̱ ni̱ꞌi̱nꞌ‑ó ki̱vɨ‑ó naꞌá re̱ꞌ nu̱u̱nꞌ ni̱ꞌi̱nꞌ‑ó najia̱ví‑ó saꞌá re̱ꞌ. Jee íyó kuꞌun yúꞌví iniꞌ rán kumí rán maárán sáva nkóo ni ɨɨn rán ya̱ sanáaꞌ Ndiosíꞌ jie̱ꞌe̱ꞌ ñɨvɨ vá ya̱ nsáꞌ ni̱ꞌi̱nꞌ‑i ki̱vɨ‑ɨ nu̱u̱nꞌ najia̱ví‑i saꞌá re̱ꞌ.

2 Tesalonicenses 1:7

Jee suni ránoꞌó, ya̱ nóꞌo rán, íyó na̱a̱ꞌ ya̱ sáꞌá re̱ꞌ ya̱ najia̱ví rán jín ránuꞌuꞌ nu̱u̱nꞌ ya̱ nkúnoꞌo‑ó ka̱ꞌ, sáá kene I̱toꞌoꞌ‑ó Jesús súkún nu̱u̱nꞌ nééꞌ Ndiosíꞌ. Jee kenta nijinꞌ re̱ꞌ yaꞌá jín rá najiáꞌáꞌ ííꞌ re̱ꞌ, ya̱ níso ráa fesáꞌ ííꞌ re̱ꞌ.

Hechos 15:10

Saájee, ¿na̱kui chi kénta rán si̱kɨ̱ꞌ ya̱ sáꞌá Ndiosíꞌ, sáva síkítɨ́ꞌ rán iniꞌ re̱ꞌ? Chi jiáꞌa rán ɨɨn tiñu véi nasɨ́kuitɨꞌ nu̱u̱nꞌ rá ñɨvɨ níkɨ́nꞌ ñujiínꞌ Jesús, ya̱ ntu nkúvi kuniso‑ó maa ni rá tátáꞌ‑ó yanaꞌán.

Hechos 20:35

Jee jie̱ꞌe̱ꞌ nsa̱ꞌá ni̱ꞌ nɨꞌɨ yaꞌá, jee suꞌva nna̱stúvi ni̱ꞌ ya̱ íyó satíñú ni̱ꞌin‑ó sukuán, sáva chineí‑ó rá ñɨvɨ kúmániꞌ nu̱u̱nꞌ. Naku̱ꞌun iniꞌ rán tu̱ꞌun ya̱ nkachiꞌ I̱toꞌoꞌ‑ó Jesús: “Netuꞌ kúvi‑ó ka̱ꞌ ku̱ꞌva‑ó nsú ká natɨɨn‑ó.”