Mateo 11:20 - Mixteco del suroeste de Tlaxiaco Oaxaca

²⁰ Saájee nka̱jiéꞌé káꞌánꞌ xichiꞌ re̱ꞌ si̱kɨ̱ꞌ rá ñɨvɨ rá ñuunꞌ nu̱u̱nꞌ ni̱kónúun re̱ꞌ nsa̱ꞌá víꞌí re̱ꞌ ka̱ꞌ rá milagrúꞌ, jie̱ꞌe̱ꞌ ya̱ ntu̱ví nna̱kani iniꞌ ráa jie̱ꞌe̱ꞌ kua̱chi sáꞌá ráa jee nakunikɨnꞌ ráa ichi Ndiosíꞌ, saáva nkachiꞌ re̱ꞌ:

Mateo 11:20 Referans Kwoze

Apoclipsis 2:21

Jee ya̱ njia̱ꞌa ni̱ꞌ tiempúꞌ sáva nakani iniꞌ ña, soo ni ntu kuíni ña nakani iniꞌ ña xinóo ña ya̱ sáꞌá téní ña.

Apoclipsis 16:11

Soo nkakuíyuꞌú ráa si̱kɨ̱ꞌ Ndiosíꞌ ya̱ nééꞌ antivɨ́ súkún, chi yájíꞌ víꞌí ñunéꞌyúꞌ ráa jie̱ꞌe̱ꞌ rá ni̱ꞌyɨ xki̱yɨ́ ráa, jee ntu nna̱kani iniꞌ ráa jie̱ꞌe̱ꞌ tiñu niva̱ꞌa sáꞌá ráa.

Apoclipsis 16:9

Jee nka̱yu̱ꞌ víꞌí rá ñɨvɨ ya̱ sááꞌ nasɨ́kuitɨꞌ. Soo nkakuíyuꞌú ráa si̱kɨ̱ꞌ súví Ndiosíꞌ, maáréꞌ ya̱ nísotíñú‑u nu̱u̱nꞌ rá tu̱nóꞌó yaꞌá nóꞌo ráa jee ntu nna̱kani iniꞌ ráa jie̱ꞌe̱ꞌ kua̱chi ráa, jee ni ntu nnákuetúꞌún ráa Ndiosíꞌ ya̱ kúñáꞌnú víꞌí ka̱ꞌ.

Santiago 1:5

Soo retú néni ɨɨn ránoꞌó kúmániꞌ ta̱nɨ̱ꞌ xi̱ni̱ꞌ‑i, ka̱ka̱nꞌ maa nu̱u̱nꞌ Ndiosíꞌ, jee ku̱ꞌva re̱ꞌ maa nu̱u̱nꞌ‑u. Chi ntu ñúkúꞌvá iniꞌ re̱ꞌ jiáꞌa re̱ꞌ maa nu̱u̱nꞌ nɨꞌɨ ñɨvɨ, jee ni ntu násóyu̱ꞌú re̱ꞌ nu̱u̱nꞌ ñɨvɨ vá jie̱ꞌe̱ꞌ ya̱ jíkánꞌ maa.

Hechos 17:20

Chi va̱ji nú jín tu̱ꞌun sɨ́ɨ́n nasɨ́kuitɨꞌ jie̱ꞌe̱ꞌ so̱ꞌo ráníꞌ. Jee kuíni ránꞌ kukáꞌnú iniꞌ ránꞌ ná kuíni kachiꞌ tu̱ꞌun káꞌánꞌ nú.

Marcos 16:14

Jee kuéé ka̱ꞌ, ntu̱vi Jesús nu̱u̱nꞌ rá ni u̱ji̱ꞌ ɨɨn te̱e, ni nééꞌ ráa nu̱u̱nꞌ mesa kúxíní ráa. Jee nku̱xeenꞌ re̱ꞌ nu̱u̱nꞌ ráa, ya̱ ntu nínúꞌ iniꞌ ráa, ya̱ ni̱ꞌin ánímaꞌ ráa, chi ntu nínúꞌ iniꞌ ráa rá ñɨvɨ niniꞌ ya̱ nna̱tekuꞌ i̱i̱ꞌ re̱ꞌ.

Marcos 9:19

Jee nna̱xiníkó Jesús nu̱u̱nꞌ ráa: ―¡Na̱ ka̱ꞌ rá ñɨvɨ yaꞌá ya̱ ntu ínúꞌ iniꞌ ráa Ndiosíꞌ! ¿Na̱ja ka̱ꞌ tiempúꞌ vá íyó kuneeꞌ ni̱ꞌ jín ránoꞌó? ¿Na̱ja ka̱ꞌ tiempúꞌ vá íyó keꞌneꞌ iniꞌ ni̱ꞌ nu̱u̱nꞌ ránoꞌó ya̱ ntu ínúꞌ iniꞌ rán Ndiosíꞌ? Kínaka rán se̱ꞌya yɨ́ɨ́ nú nu̱u̱nꞌ ni̱ꞌ ―nkachiꞌ re̱ꞌ.

Mateo 12:41

Jee rá ñɨvɨ ñuunꞌ Nínive kuiñɨ ráa jín rá ñɨvɨ íyó tiempúꞌ vitan ichinúúnꞌ Ndiosíꞌ ki̱vɨ̱ꞌ sanáaꞌ re̱ꞌ jie̱ꞌe̱ꞌ kua̱chi rá ñɨvɨ, jee sijíta ráa rá ñɨvɨ íyó tiempúꞌ vitan, chi ñɨvɨ ñuunꞌ Nínive vá nna̱kani iniꞌ ráa nxi̱nóo ráa kua̱chi ráa, sáá nteso̱ꞌo ráa Tu̱ꞌun Ndiosíꞌ nkachitu̱ꞌún Jonás nu̱u̱nꞌ ráa. Soo ¡kune̱ꞌyá rán!, íyó ni̱ꞌ jín rán yaꞌá jee máá kúñáꞌnú nasɨ́kuitɨꞌ ni̱ꞌ ka̱ꞌ nsú káꞌ Jonás.

2 Corintios 12:21

Ñúꞌún yúꞌví iniꞌ ni̱ꞌ ya̱ sáá tukuni kua̱jiaaꞌ ni̱ꞌ nu̱u̱nꞌ ránoꞌó jee sa̱naanꞌ ku̱ꞌva Ndiosíꞌ tu̱ꞌun kánuun nuꞌuꞌ jie̱ꞌe̱ꞌ ya̱ sáꞌá rán. Jee jiaku iniꞌ ni̱ꞌ jie̱ꞌe̱ꞌ kue̱ꞌe̱ꞌ ránoꞌó, ya̱ ya nsa̱ꞌá ráa kua̱chi jee ntu nni̱kó iniꞌ ráa jie̱ꞌe̱ꞌ ya̱ ntu nsa̱ꞌá ninuꞌun ráa, jín jie̱ꞌe̱ꞌ nkusi̱kɨ́ ráa maáráa, jín jie̱ꞌe̱ꞌ ya̱ kánéꞌí nsa̱ꞌá ráa.