Mateo 11:18 - Mixteco del suroeste de Tlaxiaco Oaxaca

¹⁸ Chi nkiji Juan, jee kue̱ꞌe̱ꞌ íchí nneeꞌ niteꞌ re̱ꞌ, ntu̱ví nyájíꞌ re̱ꞌ jee ni ntu̱ví níꞌi re̱ꞌ nixiꞌ, jee nkachiꞌ ráa: “Ta̱chi̱ꞌ kíni yɨ́ꞌɨ́ iniꞌ re̱ꞌ.”

Mateo 11:18 Referans Kwoze

Lucas 1:15

chi ichinúúnꞌ Ndiosíꞌ kuvi re̱ꞌ ɨɨn te̱e kúñáꞌnú. Jee ni nsáꞌ koꞌo re̱ꞌ nixiꞌ nu̱xi uva ni nixiꞌ xéénꞌ, jee ne̱ kɨꞌɨ chitú Ta̱chi̱ꞌ Ííꞌ Ndiosíꞌ iniꞌ re̱ꞌ ne̱ ñúchíji nánáꞌ re̱ꞌ maáréꞌ.

Mateo 3:4

Jee ñúꞌún Juan saꞌma láꞌví ya̱ kúvi ixi kitɨ kameyúꞌ, jín ɨɨn manchíjí ñɨɨn yɨ́ꞌɨ́ chi̱ji re̱ꞌ, jee nyajiꞌ re̱ꞌ lito̱o̱ꞌ jín nu̱xi ñu̱ñu̱ꞌ yúkú.

Juan 10:20

Jee kue̱ꞌe̱ꞌ ráa nkachiꞌ: ―Ta̱chi̱ꞌ kini yɨ́ꞌɨ́ iniꞌ re̱ꞌ, jee sáná xíniꞌ re̱ꞌ vá káꞌánꞌ re̱ꞌ sukuán. ¿Na̱ kuvi chi tésóꞌo rán nu̱u̱nꞌ káꞌánꞌ re̱ꞌ? ―nkachiꞌ ráa.

Juan 8:48

Saájee nna̱xiníkó rá ñɨvɨ Israel, jee nkachiꞌ ráa nu̱u̱nꞌ Jesús: ―¿Á ntu su va̱tu̱ni káchíꞌ ránꞌ ya̱ kúvi nú ɨɨn te̱e ñuunꞌ Samaria, jín ya̱ yɨ́ꞌɨ́ ɨɨn kui̱ꞌna̱ꞌ iniꞌ nú? ―nkachiꞌ ráa.

Juan 7:20

Jee nna̱xiníkó rá ñɨvɨ kue̱ꞌe̱ꞌ vá nu̱u̱nꞌ Jesús, jee nkachiꞌ ráa: ―Ta̱chi̱ꞌ kíni yɨ́ꞌɨ́ noꞌó. ¿Né ɨɨn níꞌvɨ́ꞌ iniꞌ‑i kaꞌniꞌ‑i noꞌó?

Mateo 10:25

Jee te̱e ya̱ kútúꞌva, íyó va̱ꞌani ya̱ kuvi re̱ꞌ kuéntáꞌ kua̱ꞌ mestrúꞌ re̱ꞌ. Jee suni sukuán ɨɨn musúꞌ, suni íyó va̱ꞌani retú kuvi re̱ꞌ kuéntáꞌ kua̱ꞌ i̱toꞌoꞌ‑o. Saáva retú kachiꞌ rá ñɨvɨ ya̱ i̱toꞌoꞌ xí veꞌi ví Beelzebú, ya̱ kúvi kui̱ꞌna̱ꞌ kúñáꞌnú, jee si̱kɨ̱ꞌ ká kaꞌanꞌ niva̱ꞌa ráa kune̱ꞌyá ráa rá ñɨvɨ táꞌán veꞌi re̱ꞌ.

1 Corintios 9:27

Chisaꞌ, xichiꞌ nákeꞌen ni̱ꞌ yɨkɨkúñu ni̱ꞌ, jee chíꞌi ni̱ꞌ maa xi̱ntíín ni̱ꞌ, jee sáꞌá ni̱ꞌ sukuán sáva sáá nku̱neí ni̱ꞌ ya̱ nste̱kútu̱ꞌún ni̱ꞌ Tu̱ꞌun Ndiosíꞌ nu̱u̱nꞌ inka ñɨvɨ, jee retú ntu nákeꞌen ni̱ꞌ yɨkɨkúñu ni̱ꞌ jee sa̱naanꞌ jee ntu tɨɨn kuéntáꞌ Ndiosíꞌ ya̱ nsa̱ꞌá ni̱ꞌ jee xitá re̱ꞌ ta̱ꞌvi̱ꞌ nachunáán re̱ꞌ nu̱u̱nꞌ nuꞌuꞌ nékúvi.

Hechos 26:24

Sáá náma re̱ꞌ maáréꞌ suꞌva, jee nkaꞌanꞌ ni̱ꞌin Festo: ―Sáꞌá xi̱ni̱ꞌ nú jín tu̱ꞌun káꞌánꞌ nú, ká Pablo. Máá súkuáꞌa nasɨ́kuitɨꞌ nú, jee nkenta kúꞌvíꞌ xi̱ni̱ꞌ nú.

Mateo 9:34

Soo rá te̱e ya̱ yɨ́ꞌɨ́ ñujiínꞌ fariseo, nkachiꞌ ráa: ―Táváꞌ re̱ꞌ rá kui̱ꞌna̱ꞌ jín tiñu kákini njiáꞌa i̱toꞌoꞌ rá kui̱ꞌna̱ꞌ nu̱u̱nꞌ re̱ꞌ.

Mateo 11:17

jee káchíꞌ ráa: “Tívɨ́ꞌ ráníꞌ xi̱kiꞌli nu̱u̱nꞌ ránú soo ni ntu̱ví kátiéꞌé ránú. Jee jíta ráníꞌ yaaꞌ jíta kuéká, soo ni ntu náꞌyúꞌ ránú.”

Marcos 3:22

Suni nkenta rá te̱e xínéꞌénꞌ ley, rá naní escriba. Nkiji ráa ne̱ ñuunꞌ káꞌnú Jerusalén, jee nkachiꞌ ráa: ―Satanás, ya̱ kúvi i̱toꞌoꞌ rá kui̱ꞌna̱ꞌ, naní Beelzebú, yɨ́ꞌɨ́ re̱ꞌ iniꞌ te̱e vá. Jee táváꞌ te̱e vá rá kui̱ꞌna̱ꞌ jín tiñu kákini jiáꞌa i̱toꞌoꞌ rá kui̱ꞌna̱ꞌ nu̱u̱nꞌ te̱e vá ―nkachiꞌ ráa.

Juan 8:52

Saájee rá te̱e kúñáꞌnú nu̱u̱nꞌ rá ñɨvɨ Israel nkachiꞌ ráa nu̱u̱nꞌ Jesús: ―Vitan jee jíníꞌ va̱ꞌa rán ya̱ yɨ́ꞌɨ́ ta̱chi̱ꞌ kíni iniꞌ nú. Chi Abraham jee ni̱ꞌi̱ꞌ‑i, jín suni rá te̱e nna̱kani ráa tu̱ꞌun nkene yuꞌú Ndiosíꞌ ne̱ yanaꞌán, jee suni ni̱ꞌi̱ꞌ ráa. Jee noꞌó chi káchíꞌ nú ya̱: “Néni ɨɨn ñɨvɨ ya̱ chuꞌun iniꞌ tu̱ꞌun ni̱ꞌ, jee ni̱ꞌ nsáꞌ kuviꞌ‑i”, káchíꞌ nú.