Mateo 10:32 - Mixteco del suroeste de Tlaxiaco Oaxaca

³² ’Saájee ntáká ñɨvɨ ya̱ na̱siáꞌa ráa ya̱ nááꞌ ichinúúnꞌ rá inka ñɨvɨ ya̱ kúvi ni̱ꞌ I̱toꞌoꞌ ráa, jee nuꞌuꞌ, suni na̱siáꞌa ni̱ꞌ ya̱ nááꞌ nu̱u̱nꞌ Tátáꞌ ni̱ꞌ ya̱ nééꞌ antivɨ́ súkún ya̱ yɨ́ꞌɨ́ ráa nu̱u̱nꞌ ni̱ꞌ.

Mateo 10:32 Referans Kwoze

Apoclipsis 3:5

’Ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, saájee naku̱ꞌun‑u saꞌma kuíjín. Jee ni nsáꞌ xinónoo ni̱ꞌ súví ñɨvɨ vá nu̱u̱nꞌ tutuꞌ ya̱ níso súví rá ñɨvɨ ya̱ kutekuꞌ ráa nɨ́ɨ́nkání jín nuꞌuꞌ. Jee stúvi ni̱ꞌ nu̱u̱nꞌ Tátáꞌ ni̱ꞌ jín nu̱u̱nꞌ rá najiáꞌáꞌ ííꞌ re̱ꞌ, ya̱ yɨ́ꞌɨ́ nijia ñɨvɨ vá nu̱u̱nꞌ nuꞌuꞌ.

1 Juan 4:15

Jee néni ɨɨn ñɨvɨ ya̱ jiáꞌayuꞌú ya̱ Se̱ꞌya Ndiosíꞌ ví Jesús, jee kínóo kutú Ndiosíꞌ yɨ́ꞌɨ́ re̱ꞌ iniꞌ ñɨvɨ vá, jee kínóo kutú ñɨvɨ vá yɨ́ꞌɨ́‑ɨ nu̱u̱nꞌ re̱ꞌ.

2 Timoteo 1:8

Koto kúkanuun nú nakani nú tu̱ꞌun váꞌa jie̱ꞌe̱ꞌ I̱toꞌoꞌ‑ó. Jee suni koto kúkanuun nú jie̱ꞌe̱ꞌ ni̱ꞌ, ya̱ yɨ́ꞌɨ́ ni̱ꞌ veka̱a jie̱ꞌe̱ꞌ yɨ́tíñú ni̱ꞌ nu̱u̱nꞌ re̱ꞌ. Chisaꞌ tɨɨn jín ni̱ꞌ tu̱nóꞌó kunoꞌo‑ó jie̱ꞌe̱ꞌ tu̱ꞌun váꞌa Cristo, sáni sáꞌá fuersáꞌ ííꞌ níso Ndiosíꞌ ya̱ kuiñɨ ni̱ꞌin‑ó.

Apoclipsis 2:13

[Jee jíníꞌ ni̱ꞌ ntáká tiñu váꞌa sáꞌá rán.] Jee jíníꞌ ni̱ꞌ ya̱ nééꞌ rán nu̱u̱nꞌ tátúníꞌ kui̱ꞌna̱ꞌ kúñáꞌnú naní Satanás. Soo súka̱ꞌ sukuán soo íñɨ́ ni̱ꞌin rán níkɨ́nꞌ na̱a̱ꞌ rán nuꞌuꞌ. Jee ni ntu nníkó iniꞌ rán ya̱ jínúꞌ iniꞌ rán nuꞌuꞌ, ni súnika̱ꞌ sáá nkuvi rá ki̱vɨ̱ꞌ nneeꞌ Antipas nteñu rán, ɨɨn te̱e ya̱ nsi̱kúnkuvi na̱a̱ꞌ re̱ꞌ nna̱kani na̱a̱ꞌ re̱ꞌ tu̱ꞌun ni̱ꞌ, jee ñaꞌniꞌ ráa maa nteñu rán yukuán ñuunꞌ nu̱u̱nꞌ nééꞌ Satanás.

Juan 9:22

Jee rá tu̱ꞌun yaꞌá nkachiꞌ tááꞌ re̱ꞌ jín náánꞌ re̱ꞌ chi yúꞌví ráa néꞌyá ráa rá te̱e kúñáꞌnú nu̱u̱nꞌ rá ñɨvɨ Israel, chi ya nna̱túꞌún rá te̱e kúñáꞌnú nu̱u̱nꞌ rá ñɨvɨ Israel vá ya̱ retú néni ɨɨn ñɨvɨ jiáꞌayuꞌú ya̱ Jesús kúvi Cristo, [ya̱ nchu̱ichí Ndiosíꞌ maa sáva tatúníꞌ‑i nu̱u̱nꞌ ñɨ̱vɨ́], yukuán jee tavaꞌ ráa ñɨvɨ vá rá veꞌi sinagoga nu̱u̱nꞌ kútútú rá ñɨvɨ Israel, jee nsáꞌ ku̱ꞌva ráa ka̱ꞌ ki̱vɨ ñɨvɨ vá iniꞌ veꞌi sinagoga yukuán.

Mateo 25:34

’Saájee nuꞌuꞌ ya̱ kúvi ni̱ꞌ ya̱ tátúníꞌ nu̱u̱nꞌ nɨꞌɨ jee kachiꞌ ni̱ꞌ nu̱u̱nꞌ rá ñɨvɨ íñɨ́ ichi kuáꞌá ni̱ꞌ: “Neꞌenꞌ ránoꞌó, ya̱ netuꞌ kúvi rán nsa̱ꞌá Tátáꞌ ni̱ꞌ, jee ni̱ꞌi̱nꞌ rán ta̱ꞌvi̱ꞌ ya̱ váꞌa ya̱ yɨ́ꞌɨ́ rán xi̱ntíín re̱ꞌ tátúníꞌ re̱ꞌ nu̱u̱nꞌ rán ya̱ ya íyó túꞌva‑a ne̱ sáá nka̱jiéꞌé ña̱ko̱o ñɨ̱vɨ́ yaꞌá nsa̱ꞌá re̱ꞌ.

Lucas 15:10

Jee saáva nuꞌuꞌ káchíꞌ ni̱ꞌ nu̱u̱nꞌ rán ya̱ suni íyó tu̱ꞌun kúsɨ́ɨꞌ iniꞌ rá najiáꞌáꞌ ííꞌ Ndiosíꞌ jie̱ꞌe̱ꞌ ɨɨn ñɨvɨ kua̱chi retú nákani iniꞌ‑i jie̱ꞌe̱ꞌ kua̱chi sáꞌá‑a jee kunikɨnꞌ‑ɨ Ndiosíꞌ ―nkachiꞌ Jesús.