Mateo 10:26 - Mixteco del suroeste de Tlaxiaco Oaxaca

²⁶ ’Jee saáva koto yúꞌví rán ya̱ sáꞌá ñɨvɨ ránoꞌó. Chi ni ntu̱né íyó ni ɨɨn yɨ́séꞌí‑i ya̱ nsáꞌ natu̱vi‑i nu̱nijínꞌ, jee ni ntu íyó ɨɨn ya̱ kínóo yuꞌuꞌ‑u, ya̱ nsáꞌ kenta kuniꞌ maa.

Mateo 10:26 Referans Kwoze

Lucas 8:17

Chi ntáká tiñu sú yɨ́séꞌí‑i, jee kenta nu̱nijínꞌ natu̱vi nu̱u̱nꞌ rá ñɨvɨ, jín suni ntáká tiñu ya̱ íyó yuꞌuꞌ, ya̱ kenta kukáꞌnú iniꞌ ñɨvɨ ñuꞌunꞌ vá.

Marcos 4:22

Chi nɨꞌɨ rá yɨ́yuꞌuꞌ tu̱vi nu̱u̱nꞌ nijínꞌ. Jee suni nɨꞌɨ rá yɨ́séꞌí kenta nu̱u̱nꞌ nijínꞌ.

1 Corintios 4:5

Saáva, koto sáꞌá náaꞌ rán si̱kɨ̱ꞌ táꞌán rán nekuaꞌ niji maá I̱toꞌoꞌ‑ó. Maáréꞌ nastúvi nijinꞌ re̱ꞌ rá tiñu nsa̱ꞌá yuꞌuꞌ‑ó nu̱u̱nꞌ neenꞌ, jee nastúvi re̱ꞌ ya̱ ñúꞌún iniꞌ ánímaꞌ‑ó. Saájee nakuetúꞌún Ndiosíꞌ ta ɨɨn ɨɨn ñɨvɨ sánikua̱ꞌ íyó ni̱ꞌi̱nꞌ maa.

Mateo 10:28

Jee koto yúꞌví rán rá ñɨvɨ ya̱ jiáꞌníꞌ ráa ñunéꞌyúꞌ, soo ntu kúvi kaꞌniꞌ ráa ánímaꞌ rán. Chisaꞌ íyó kuyu̱ꞌví rán Ndiosíꞌ, ya̱ suvire̱ꞌ ví ya̱ kúvi xínáánꞌ re̱ꞌ ne̱ ánímaꞌ jín ñunéꞌyúꞌ nu̱u̱nꞌ ñuꞌúnꞌ xéénꞌ.

1 Pedro 3:14

Soo asúnika̱ꞌ nóꞌo rán jie̱ꞌe̱ꞌ tiñu ya̱ jiáꞌnu na̱a̱ꞌ rán, jee na̱ ka̱ꞌ netuꞌ ka̱ꞌ kúvi rán. Jee saáva koto yúꞌví rán kune̱ꞌyá rán rá ñɨvɨ ya̱ siúꞌví‑i ránoꞌó, ni koto nániꞌvɨꞌ iniꞌ rán.

Hechos 4:19

Soo Pedro jín Juan nkachiꞌ rává nu̱u̱nꞌ ráa: ―I̱ña̱vá kachiꞌ maárán ré na̱a̱ꞌ ví‑i nu̱u̱nꞌ Ndiosíꞌ, retú kaníjiá ránꞌ ránoꞌó, nsú káꞌ kaníjiá ránꞌ Ndiosíꞌ.

Hechos 1:8

Soo ni̱ꞌi̱nꞌ rán fuersáꞌ ííꞌ sáá kenta Ta̱chi̱ꞌ Ííꞌ kɨꞌɨ re̱ꞌ iniꞌ rán. Jee kuvi rán ñɨvɨ, ya̱ istúvi rán ya̱ naáꞌ jie̱ꞌe̱ꞌ nuꞌuꞌ nu̱u̱nꞌ rá ñɨvɨ ñuunꞌ Jerusalén jín nu̱u̱nꞌ nɨꞌɨ rá sánitɨ́ɨn Judea jín Samaria, jín nu̱u̱nꞌ rá ñɨvɨ íyó rá ñuunꞌ íká ka̱ꞌ nu̱u̱nꞌ nɨ́ɨ́nkáꞌnú ñɨ̱vɨ́ ―nkachiꞌ Jesús.

Hechos 4:13

Jee sáá niniꞌ ráa ya̱ chúneí iniꞌ Pedro jín Juan, jee sáá nku̱káꞌnú iniꞌ ráa ya̱ nsú te̱e nsu̱kuáꞌa víꞌí ví rává jee kúvi rává te̱e saɨn, jee nti̱vɨ́ xi̱ni̱ꞌ ráa. Jee nna̱kuniꞌ ráa ya̱ kúvi rává rá te̱e nku̱táꞌán rává jín Jesús.

Lucas 24:47

Jee te̱ku̱tu̱ꞌún tu̱ꞌun ni̱ꞌ ya̱ nu̱u̱nꞌ nuꞌuꞌ váji ya̱ nakani iniꞌ ñɨvɨ jie̱ꞌe̱ꞌ kua̱chi ráa sáva kunekáꞌnú iniꞌ Ndiosíꞌ ráa jie̱ꞌe̱ꞌ kua̱chi ráa. Te̱ku̱tu̱ꞌún tu̱ꞌun ni̱ꞌ nu̱u̱nꞌ rá ñɨvɨ ntáká rá ñuunꞌ kua̱íyó ñɨ̱vɨ́ jee kajiéꞌé‑e ne̱ ñuunꞌ Jerusalén.