Mateo 10:25 - Mixteco del suroeste de Tlaxiaco Oaxaca

²⁵ Jee te̱e ya̱ kútúꞌva, íyó va̱ꞌani ya̱ kuvi re̱ꞌ kuéntáꞌ kua̱ꞌ mestrúꞌ re̱ꞌ. Jee suni sukuán ɨɨn musúꞌ, suni íyó va̱ꞌani retú kuvi re̱ꞌ kuéntáꞌ kua̱ꞌ i̱toꞌoꞌ‑o. Saáva retú kachiꞌ rá ñɨvɨ ya̱ i̱toꞌoꞌ xí veꞌi ví Beelzebú, ya̱ kúvi kui̱ꞌna̱ꞌ kúñáꞌnú, jee si̱kɨ̱ꞌ ká kaꞌanꞌ niva̱ꞌa ráa kune̱ꞌyá ráa rá ñɨvɨ táꞌán veꞌi re̱ꞌ.

Mateo 10:25 Referans Kwoze

Lucas 11:15

Soo sava ráa nkachiꞌ: ―Táváꞌ re̱ꞌ kui̱ꞌna̱ꞌ jín tiñu kákini njiáꞌa Beelzebú i̱toꞌoꞌ rá kui̱ꞌna̱ꞌ nu̱u̱nꞌ re̱ꞌ ―nkachiꞌ ráa.

Mateo 12:24

Soo sáá nteso̱ꞌo rá te̱e yɨ́ꞌɨ́ ñujiínꞌ fariseo tu̱ꞌun yaꞌá, jee nkachiꞌ ráa: ―Te̱e yaꞌá chi, nsú Ndiosíꞌ chíneí‑i maáréꞌ táváꞌ re̱ꞌ rá kui̱ꞌna̱ꞌ iniꞌ ñɨvɨ, chi kua̱chi táváꞌ re̱ꞌ rá kui̱ꞌna̱ꞌ jín fuersáꞌ njiáꞌa Beelzebú nu̱u̱nꞌ re̱ꞌ. Beelzebú, kúvi Satanás, i̱toꞌoꞌ rá kui̱ꞌna̱ꞌ ―nkachiꞌ ráa.

Mateo 9:34

Soo rá te̱e ya̱ yɨ́ꞌɨ́ ñujiínꞌ fariseo, nkachiꞌ ráa: ―Táváꞌ re̱ꞌ rá kui̱ꞌna̱ꞌ jín tiñu kákini njiáꞌa i̱toꞌoꞌ rá kui̱ꞌna̱ꞌ nu̱u̱nꞌ re̱ꞌ.

Juan 7:20

Jee nna̱xiníkó rá ñɨvɨ kue̱ꞌe̱ꞌ vá nu̱u̱nꞌ Jesús, jee nkachiꞌ ráa: ―Ta̱chi̱ꞌ kíni yɨ́ꞌɨ́ noꞌó. ¿Né ɨɨn níꞌvɨ́ꞌ iniꞌ‑i kaꞌniꞌ‑i noꞌó?

Marcos 3:22

Suni nkenta rá te̱e xínéꞌénꞌ ley, rá naní escriba. Nkiji ráa ne̱ ñuunꞌ káꞌnú Jerusalén, jee nkachiꞌ ráa: ―Satanás, ya̱ kúvi i̱toꞌoꞌ rá kui̱ꞌna̱ꞌ, naní Beelzebú, yɨ́ꞌɨ́ re̱ꞌ iniꞌ te̱e vá. Jee táváꞌ te̱e vá rá kui̱ꞌna̱ꞌ jín tiñu kákini jiáꞌa i̱toꞌoꞌ rá kui̱ꞌna̱ꞌ nu̱u̱nꞌ te̱e vá ―nkachiꞌ ráa.

Juan 8:48

Saájee nna̱xiníkó rá ñɨvɨ Israel, jee nkachiꞌ ráa nu̱u̱nꞌ Jesús: ―¿Á ntu su va̱tu̱ni káchíꞌ ránꞌ ya̱ kúvi nú ɨɨn te̱e ñuunꞌ Samaria, jín ya̱ yɨ́ꞌɨ́ ɨɨn kui̱ꞌna̱ꞌ iniꞌ nú? ―nkachiꞌ ráa.

Juan 10:20

Jee kue̱ꞌe̱ꞌ ráa nkachiꞌ: ―Ta̱chi̱ꞌ kini yɨ́ꞌɨ́ iniꞌ re̱ꞌ, jee sáná xíniꞌ re̱ꞌ vá káꞌánꞌ re̱ꞌ sukuán. ¿Na̱ kuvi chi tésóꞌo rán nu̱u̱nꞌ káꞌánꞌ re̱ꞌ? ―nkachiꞌ ráa.

Juan 8:52

Saájee rá te̱e kúñáꞌnú nu̱u̱nꞌ rá ñɨvɨ Israel nkachiꞌ ráa nu̱u̱nꞌ Jesús: ―Vitan jee jíníꞌ va̱ꞌa rán ya̱ yɨ́ꞌɨ́ ta̱chi̱ꞌ kíni iniꞌ nú. Chi Abraham jee ni̱ꞌi̱ꞌ‑i, jín suni rá te̱e nna̱kani ráa tu̱ꞌun nkene yuꞌú Ndiosíꞌ ne̱ yanaꞌán, jee suni ni̱ꞌi̱ꞌ ráa. Jee noꞌó chi káchíꞌ nú ya̱: “Néni ɨɨn ñɨvɨ ya̱ chuꞌun iniꞌ tu̱ꞌun ni̱ꞌ, jee ni̱ꞌ nsáꞌ kuviꞌ‑i”, káchíꞌ nú.

Mateo 12:27

’Soo retú táváꞌ ni̱ꞌ rá kui̱ꞌna̱ꞌ iniꞌ rá ñɨvɨ jín fuersáꞌ níso kui̱ꞌna̱ꞌ kúñáꞌnú Beelzebú, jee rá se̱ꞌya ñuunꞌ rán ya̱ súkuáꞌa jín ránoꞌó, ¿né ɨɨn fuersáꞌ jiátíñú ráa táváꞌ ráa rá kui̱ꞌna̱ꞌ rúja? Jee saáva ne̱ maáráa sijíta ráa ránoꞌó jie̱ꞌe̱ꞌ tu̱ꞌun niváꞌa káchíꞌ rán.

Lucas 11:18

Jee suni sukuán retú rá kui̱ꞌna̱ꞌ yɨ́ꞌɨ́ ráa xi̱ntíín Satanás, sáꞌá sɨ́ɨ́n ráa maáráa jee kénta re̱ꞌ si̱kɨ̱ꞌ maáráa, ¿jee na̱ja kuvi kuni̱ꞌin kuiñɨ‑ɨ tatúníꞌ‑i nu̱u̱nꞌ rá táꞌán kui̱ꞌna̱ꞌ‑a rúja? Na̱ jie̱ꞌe̱ꞌ vá káchíꞌ ni̱ꞌ sukuán chi káchíꞌ rán ya̱ jín fuersáꞌ níso kui̱ꞌna̱ꞌ kúñáꞌnú naní Beelzebú jiátíñú ni̱ꞌ jee táváꞌ ni̱ꞌ rá kui̱ꞌna̱ꞌ iniꞌ rá ñɨvɨ, káchíꞌ ránú.

Lucas 11:19

Soo retú táváꞌ ni̱ꞌ rá kui̱ꞌna̱ꞌ iniꞌ rá ñɨvɨ jín fuersáꞌ níso kui̱ꞌna̱ꞌ kúñáꞌnú Beelzebú, jee rá se̱ꞌya ñuunꞌ rán ya̱ súkuáꞌa jín ránoꞌó, ¿né ɨɨn fuersáꞌ jiátíñú ráa táváꞌ ráa rá kui̱ꞌna̱ꞌ rúja? Jee saáva ne̱ maáráa sijíta ráa ránoꞌó jie̱ꞌe̱ꞌ tu̱ꞌun niváꞌa káchíꞌ rán.

Marcos 10:39

Suviráa nkachiꞌ: ―Kuvi. Jee nkachiꞌ Jesús nu̱u̱nꞌ ráa: ―Ya̱ kunoꞌo ni̱ꞌ, kunoꞌo rán. Jee ya̱ kuanuté ni̱ꞌ jín tu̱nóꞌó kuanuté rán.