Mateo 10:22 - Mixteco del suroeste de Tlaxiaco Oaxaca

²² Taꞌvi iniꞌ kua̱íyó rá ñɨvɨ kune̱ꞌyá ráa ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ nuꞌuꞌ. Soo rá ñɨvɨ kuni̱ꞌin kuiñɨ kutú ráa jín ni̱ꞌ ne̱ nu̱u̱nꞌ kenta ji̱nu jee suviráa ví ya̱ sikáku Ndiosíꞌ ráa.

Mateo 10:22 Referans Kwoze

Mateo 24:13

Soo rá ñɨvɨ kuni̱ꞌin kuiñɨ kutú ráa jín ni̱ꞌ ne̱ nu̱u̱nꞌ kenta ji̱nu jee suviráa ví ya̱ sikáku Ndiosíꞌ ráa.

Santiago 1:12

Na̱ ka̱ꞌ netuꞌ ka̱ꞌ ví ñɨvɨ kúníꞌin íñɨ́ ni̱ꞌin sáá nóꞌo‑o tu̱nóꞌó ya̱ jítotúníꞌ yó. Chi sáá kuneí kene na̱a̱ꞌ ñɨvɨ vá, jee ni̱ꞌi̱nꞌ‑i ta̱ꞌvi̱ꞌ ya̱ kutekuꞌ‑u nɨ́ɨ́nkání jín Ndiosíꞌ, ya̱ nchi̱sóyuꞌú re̱ꞌ nu̱u̱nꞌ rá ñɨvɨ ya̱ ñúnúunꞌ ráa re̱ꞌ.

Apoclipsis 2:10

Soo koto yúꞌví rán jie̱ꞌe̱ꞌ rá tu̱nóꞌó kunoꞌo rán. Chi kui̱ꞌna̱ꞌ kúñáꞌnú, jee saꞌá‑a ya̱ chiꞌi ñɨvɨ sava ránoꞌó veka̱a sáva kototúníꞌ‑i ránoꞌó retú kunikɨnꞌ nijia rán nuꞌuꞌ áxí ntu̱ví, jee kunoꞌo rán tu̱nóꞌó u̱ji̱ꞌ ki̱vɨ̱ꞌ. Soo kuiñɨ ni̱ꞌin rán sikúnkuvi na̱a̱ꞌ rán súka̱ꞌ ne̱ kuviꞌ rán, saájee taji ni̱ꞌ ta̱ꞌvi̱ꞌ nu̱u̱nꞌ rán, ya̱ suvi kuvi ya̱ ni̱ꞌi̱nꞌ rán ya̱ saꞌá Ndiosíꞌ ya̱ kutekuꞌ rán jín ni̱ꞌ nɨ́ɨ́nkání.

Marcos 13:13

Taꞌvi iniꞌ kua̱íyó rá ñɨvɨ kune̱ꞌyá ráa ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ nuꞌuꞌ. Soo rá ñɨvɨ kuni̱ꞌin kuiñɨ kutú ráa jín ni̱ꞌ ne̱ nu̱u̱nꞌ kenta ji̱nu jee suviráa ví ya̱ sikáku Ndiosíꞌ ráa.

Mateo 10:39

Jee ɨɨn ñɨvɨ ya̱ jiáꞌnu‑u sáni ya̱ va̱ꞌa nu̱u̱nꞌ maáa sáva ka̱ku‑u nu̱u̱nꞌ tu̱nóꞌó kiji nu̱u̱nꞌ‑u jie̱ꞌe̱ꞌ níkɨ́nꞌ‑ɨ nuꞌuꞌ, jee sukuíta‑a kutekuꞌ‑u jín Ndiosíꞌ. Soo ɨɨn ñɨvɨ ya̱ níkɨ́nꞌ‑ɨ nuꞌuꞌ súka̱ꞌ nóꞌo‑o tu̱nóꞌó ne̱ kuviꞌ‑i jie̱ꞌe̱ꞌ níkɨ́nꞌ‑ɨ nuꞌuꞌ, jee ka̱ku nijia‑a chi ni̱ꞌi̱nꞌ‑i ya̱ kutekuꞌ‑u jín Ndiosíꞌ.

1 Juan 3:13

Ránoꞌó ñaniꞌ ni̱ꞌ jín ku̱ꞌva ni̱ꞌ, koto kúsɨ́ɨ́n iniꞌ rán retú rá ñɨvɨ yɨ́ꞌɨ́ ñujiínꞌ jiáꞌnu ñɨvɨ ñɨ̱vɨ́ yaꞌá táꞌvi iniꞌ ráa néꞌyá ráa ránoꞌó.

Mateo 24:9

’Saájee naku̱ꞌva rá ñɨvɨ ránoꞌó xi̱ntíín rá te̱e jiéꞌnéꞌ kua̱chi ya̱ xinóꞌo ránoꞌó, jee kaꞌniꞌ ráa ránoꞌó, jee taꞌvi iniꞌ kua̱íyó rá ñɨvɨ kune̱ꞌyá ráa ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ nuꞌuꞌ.

Romanos 2:7

Jee rá ñɨvɨ níkɨ́nꞌ ni̱ꞌin ráa sáꞌá ráa ya̱ váꞌa chi núkú ráa ya̱ saꞌá Ndiosíꞌ ya̱ nuñáꞌnú ráa, jín ya̱ nakuatáꞌví re̱ꞌ ráa jín ya̱ nku̱víꞌ ráa ka̱ꞌ. Jee nachunáán re̱ꞌ nu̱u̱nꞌ ráa ya̱ kutekuꞌ ráa jín re̱ꞌ nɨ́ɨ́nkání.

Hebreos 6:11

Soo ñúkúvi iniꞌ ráníꞌ ya̱ suni sukuán kuꞌun káñá iniꞌ ta ɨɨn ɨɨn rán, ne̱ kenta ji̱nu tékúꞌ rán, sáva nɨꞌɨ noo kino̱o kutú iniꞌ rán ya̱ íyó tu̱neí iniꞌ‑órán ya̱ taji Ndiosíꞌ nu̱u̱nꞌ‑ó ya̱ nchi̱sóyuꞌú re̱ꞌ.

Juan 17:14

Jee njia̱ꞌa ni̱ꞌ tu̱ꞌun nú nu̱u̱nꞌ ráa, soo rá ñɨvɨ ñɨ̱vɨ́ yaꞌá ya̱ ntu yɨ́ꞌɨ́ rává xi̱ntíín nú jee táꞌvi iniꞌ rává néꞌyá rává ráa, chi ntu íñɨ́ ráa ichi jiáꞌnu rává, kuéntáꞌ su jín nuꞌuꞌ ya̱ ntu̱ví yɨ́ꞌɨ́ ni̱ꞌ ñujiínꞌ rá ñɨvɨ ñɨ̱vɨ́ yaꞌá.

Gálatas 6:9

Koto núun iniꞌ‑órán saꞌá‑ó ya̱ váꞌa. Chi kenta ki̱vɨ̱ꞌ ñani Ndiosíꞌ ya̱ ni̱ꞌi̱nꞌ‑ó ta̱ꞌvi̱ꞌ taji re̱ꞌ, kuéntáꞌ níꞌínꞌ‑ó tataꞌ sáꞌá‑ó, retú ntu nikó iniꞌ‑ó sáꞌá‑ó ya̱ váꞌa.

Lucas 6:22

’Na̱ ka̱ꞌ netuꞌ ka̱ꞌ kúvi ránoꞌó sáá táꞌvi iniꞌ ñɨvɨ néꞌyá ráa ránoꞌó, jín sáá táváꞌ ráa ránoꞌó nteñu ráa, jín sáá ténúunꞌ ráa ránoꞌó, jín sáá jíníichiꞌ ráa ránoꞌó káꞌánꞌ niva̱ꞌa ráa jie̱ꞌe̱ꞌ rán jie̱ꞌe̱ꞌ íñɨ́ rán jín nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

2 Corintios 4:11

Chi ni nééꞌ ránꞌ tékúꞌ ránꞌ iniꞌ ñɨ̱vɨ́ yaꞌá, jee sukuáni núkú ñɨvɨ kaꞌniꞌ ráa ránuꞌuꞌ jie̱ꞌe̱ꞌ yɨ́tíñú ránꞌ nu̱u̱nꞌ Jesús. Jee sukuán túvi ya̱ tékúꞌ Jesús iniꞌ yɨkɨkúñu ránꞌ ya̱ kuviꞌ‑i, jee sátíñú re̱ꞌ iniꞌ ránꞌ.

Mateo 5:11

’Na̱ ka̱ꞌ netuꞌ ka̱ꞌ kúvi ránoꞌó sáá ténúunꞌ ñɨvɨ ránoꞌó, jee sáꞌá kini ráa ránoꞌó, jee káchíꞌ ráa ntáká nu̱u̱nꞌ ya̱ níváꞌa si̱kɨ̱ꞌ rán sátúꞌún ráa si̱kɨ̱ꞌ rán, jie̱ꞌe̱ꞌ yɨ́ꞌɨ́ rán nu̱u̱nꞌ nuꞌuꞌ.

Apoclipsis 2:17

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ku̱ꞌva ni̱ꞌ kajiꞌ‑i maná ya̱ íyó yuꞌuꞌ. Jee suni ku̱ꞌva ni̱ꞌ ɨɨn yu̱u̱ꞌ kuíjín nu̱u̱nꞌ ñɨvɨ vá, jee nu̱u̱nꞌ yu̱u̱ꞌ yukuán nééꞌ ɨɨn súví jiáá, ya̱ ni ɨɨn ñɨvɨ ntu jíníꞌ maa, chi sáni maá ni ñɨvɨ ya̱ ni̱ꞌi̱nꞌ yu̱u̱ꞌ vá ví ya̱ kukáꞌnú iniꞌ maa.”

Juan 7:7

Chi rá ñɨvɨ íyó ñɨ̱vɨ́ yaꞌá, jee ntu̱ví kúvi kuꞌun táꞌvi iniꞌ ráa kune̱ꞌyá ráa ránoꞌó. Soo nuꞌuꞌ chi ñúꞌún táꞌvi iniꞌ ráa néꞌyá ráa nuꞌuꞌ, chi jiáꞌa ni̱ꞌ ya̱ naáꞌ jie̱ꞌe̱ꞌ ráa chi stúvi ni̱ꞌ ya̱ niváꞌa kúvi rá tiñu sáꞌá ráa.

Lucas 8:15

Soo rá nikɨn tataꞌ ya̱ ñákava nu̱u̱nꞌ ñu̱ꞌún váꞌa, suvi kúvi rá ñɨvɨ ya̱ jín ánímaꞌ na̱a̱ꞌ va̱ꞌa tésóꞌo ráa Tu̱ꞌun Ndiosíꞌ, jee chúꞌun iniꞌ ráa maa síkúnkuvi ráa maa jee kúníꞌin ráa jíjia ráa jín tu̱ꞌun vá jee suꞌva jiáꞌa tataꞌ sáꞌá.

Apoclipsis 3:21

’Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ku̱ꞌva ni̱ꞌ ya̱ kuneeꞌ ñɨvɨ vá jín nuꞌuꞌ nu̱u̱nꞌ teyuꞌ ni̱ꞌ nu̱u̱nꞌ tátúníꞌ ni̱ꞌ, kuéntáꞌ kua̱ꞌ nku̱neí ni̱ꞌ si̱kɨ̱ꞌ tiñu níváꞌa jee nééꞌ ni̱ꞌ jín Tááꞌ ni̱ꞌ nu̱u̱nꞌ teyuꞌ re̱ꞌ nu̱u̱nꞌ tátúníꞌ re̱ꞌ.

Apoclipsis 2:7

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, saájee ku̱ꞌva ni̱ꞌ ya̱ kajiꞌ ñɨvɨ vá rá vixíꞌ ya̱ kúun nu̱u̱nꞌ maá yutun ya̱ sáꞌá ya̱ kutekuꞌ ñɨvɨ nɨ́ɨ́nkání jín ni̱ꞌ. Jee yutun vá íñɨ́‑ɨ ne̱ nu̱u̱nꞌ viiꞌ víꞌí íyó nu̱u̱nꞌ nééꞌ Ndiosíꞌ.”

Hebreos 3:14

Chi ni̱yo tu̱neí iniꞌ‑ó ne̱ tiempúꞌ xíꞌnañúꞌún ya̱ káchíꞌ tu̱ꞌun na̱a̱ꞌ. Jee retú koo kutú tu̱neí iniꞌ‑ó sukuán ne̱kua̱ꞌ kenta nu̱u̱nꞌ nɨ́ꞌɨ tékúꞌ‑ó, jee sukuán kenta‑ó kuneeꞌ nkáꞌnú‑ó jín Cristo.

Apoclipsis 2:26

’Ñɨvɨ ya̱ kuneí ráa si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jín ya̱ sikúnkuvi na̱a̱ꞌ va̱ꞌa ráa tiñu ni̱ꞌ sáni kuíni ni̱ꞌ ne̱ nu̱u̱nꞌ nɨ́ꞌɨ, saájee saꞌá ni̱ꞌ ya̱ kúñáꞌnú rá ñɨvɨ vá jee tátúníꞌ ráa nu̱u̱nꞌ rá nación.

Hechos 9:16

I̱ña̱jée nuꞌuꞌ, xinéꞌénꞌ ni̱ꞌ nu̱u̱nꞌ re̱ꞌ na̱sa íyó kunoꞌo re̱ꞌ jie̱ꞌe̱ꞌ nuꞌuꞌ ―nkachiꞌ I̱toꞌoꞌ‑ó nu̱u̱nꞌ Ananías.

Apoclipsis 2:3

Jee káꞌnú íyó iniꞌ rán kúníꞌin kutú rán íñɨ́ rán jín nuꞌuꞌ jín ya̱ jiéꞌnéꞌ iniꞌ rán nóꞌo rán tu̱nóꞌó sáꞌá kini rá ñɨvɨ ránoꞌó jie̱ꞌe̱ꞌ ínúꞌ iniꞌ rán nuꞌuꞌ, jee ni ntu núun iniꞌ rán saꞌá rán tiñu ni̱ꞌ.

Lucas 21:17

Jee taꞌvi iniꞌ kua̱íyó rá ñɨvɨ kune̱ꞌyá ráa ránoꞌó jie̱ꞌe̱ꞌ yɨ́ꞌɨ́ rán nu̱u̱nꞌ nuꞌuꞌ.

Lucas 21:19

Jee jie̱ꞌe̱ꞌ kuiñɨ ni̱ꞌin rán kuni̱ꞌin kutú rán jín nuꞌuꞌ, jee ni̱ꞌi̱nꞌ rán maárán kutekuꞌ rán nɨ́ɨ́nkání jín ni̱ꞌ.