Mateo 10:19 - Mixteco del suroeste de Tlaxiaco Oaxaca

¹⁹ Soo sáá naku̱ꞌva ráa ránoꞌó nu̱u̱nꞌ rá te̱e nísotíñú, jee koto nániꞌvɨꞌ iniꞌ rán ná kachiꞌ rán, áxí na̱ kuvi ya̱ kachiꞌ rán, chi hora yukuán jee maá Ndiosíꞌ taji tu̱ꞌun nu̱u̱nꞌ rán sákachiꞌ rán nu̱u̱nꞌ ráa.

Mateo 10:19 Referans Kwoze

2 Timoteo 4:17

Soo máá I̱toꞌoꞌ‑ó ni̱ñɨ jín ni̱ꞌ jee nchi̱neí nchituvi re̱ꞌ nuꞌuꞌ, sáva sikúnkuvi ni̱ꞌ kachitu̱ꞌún ni̱ꞌ tu̱ꞌun váꞌa re̱ꞌ, sáva teso̱ꞌo nta̱ká ñɨvɨ ya̱ ntu kúvi Israel maa. Jee nsi̱káku re̱ꞌ nuꞌuꞌ nu̱u̱nꞌ tu̱nóꞌó xinóꞌo ñɨvɨ xe̱e̱nꞌ niva̱ꞌa, kuéntáꞌ kua̱ꞌ réáꞌ nsi̱káku re̱ꞌ nuꞌuꞌ nu̱u̱nꞌ maá yuꞌú nikaꞌa.

Lucas 12:11

’Jee sáá kɨ̱na̱siáꞌa rá ñɨvɨ ránoꞌó iniꞌ rá veꞌi sinagoga ichinúúnꞌ rá te̱e jiéꞌnéꞌ kua̱chi jín rá te̱e nísotíñú, jee koto nániꞌvɨꞌ iniꞌ rán na̱ja naxiníkó rán ni ná kúvi ya̱ kachiꞌ rán nama rán maárán ni ná kúvi ya̱ kaꞌanꞌ rán.

Santiago 1:5

Soo retú néni ɨɨn ránoꞌó kúmániꞌ ta̱nɨ̱ꞌ xi̱ni̱ꞌ‑i, ka̱ka̱nꞌ maa nu̱u̱nꞌ Ndiosíꞌ, jee ku̱ꞌva re̱ꞌ maa nu̱u̱nꞌ‑u. Chi ntu ñúkúꞌvá iniꞌ re̱ꞌ jiáꞌa re̱ꞌ maa nu̱u̱nꞌ nɨꞌɨ ñɨvɨ, jee ni ntu násóyu̱ꞌú re̱ꞌ nu̱u̱nꞌ ñɨvɨ vá jie̱ꞌe̱ꞌ ya̱ jíkánꞌ maa.

Mateo 6:31

Jee saáva koto nániꞌvɨꞌ iniꞌ rán jee kachiꞌ rán: “¿Ná kúvi ya̱ kajiꞌ‑ó?”, áxí, “¿ná kúvi ya̱ koꞌo‑ó?”, áxí, “¿ná kúvi ya̱ kuꞌun‑ó?”

Mateo 6:25

’Jee saáva káchíꞌ ni̱ꞌ nu̱u̱nꞌ rán ya̱ koto nániꞌvɨꞌ iniꞌ rán jie̱ꞌe̱ꞌ na̱ja kutekuꞌ rán, va̱ni jie̱ꞌe̱ꞌ rénákúvi ya̱ kajiꞌ rán, áxí, rénákúvi ya̱ koꞌo rán, jee koto nániꞌvɨꞌ iniꞌ rán jie̱ꞌe̱ꞌ yɨkɨkúñu rán, va̱ni ré jie̱ꞌe̱ꞌ na̱ saꞌma kuꞌun rán. Chi, ¿á nsáꞌ ya̱ yɨ́yáꞌvi ka̱ꞌ ví ya̱ sáꞌá Ndiosíꞌ jín‑ó ni tékúꞌ‑ó nsú ka̱ꞌ ya̱ kajiꞌ‑ó rúja?, jee, ¿á nsáꞌ yɨ́yáꞌvi ka̱ꞌ yɨkɨkúñu‑ó, nsú káꞌ saꞌma ñúꞌún‑ó rúja?

Filipenses 4:6

Koto núkuíꞌyá iniꞌ rán na̱ni jie̱ꞌe̱ꞌ, chisaꞌ jie̱ꞌe̱ꞌ nta̱ká tiñu, kaꞌanꞌ rán jín Ndiosíꞌ jee ka̱ka̱nꞌ rán nu̱u̱nꞌ re̱ꞌ jee suni nakuatáꞌví rán nu̱u̱nꞌ re̱ꞌ jee saájee ka̱ka̱nꞌ táꞌvíꞌ ránꞌ nu̱u̱nꞌ re̱ꞌ ya̱ jíniñúꞌún rán.

Hechos 6:10

Soo ntu̱né nníꞌínꞌ ráa kuneí ráa jín re̱ꞌ, chi níchí xíniꞌ re̱ꞌ, jee njia̱ꞌa Ta̱chi̱ꞌ Ííꞌ Ndiosíꞌ nu̱u̱nꞌ re̱ꞌ sákachiꞌ re̱ꞌ.

Mateo 6:34

Jee saáva, koto nániꞌvɨꞌ iniꞌ rán jie̱ꞌe̱ꞌ ya̱ kiji ki̱vɨ̱ꞌ steñu̱ꞌún, chi kiji ya̱ naniꞌvɨꞌ iniꞌ rán steñu̱ꞌún. Jee ya̱ nkuvi ni nániꞌvɨꞌ iniꞌ rán jie̱ꞌe̱ꞌ rá tiñu íyó vitan.

Mateo 10:18

’Jee suni kɨ̱naka rá ñɨvɨ ránoꞌó nu̱u̱nꞌ rá te̱e nísotíñú kúvi gobernador jín rá te̱e ya̱ tátúníꞌ rá nación sáva sijíta ráa ránoꞌó jie̱ꞌe̱ꞌ ya̱ yɨ́ꞌɨ́ rán nu̱u̱nꞌ ni̱ꞌ, jee suꞌva naku̱ꞌva rán ya̱ nááꞌ jie̱ꞌe̱ꞌ nuꞌuꞌ nu̱u̱nꞌ ráa jín nu̱u̱nꞌ rá ñɨvɨ ntáká nación ya̱ ntu kúvi ñɨvɨ ñuunꞌ Israel.

Lucas 12:12

Chi maa hora yukuán jee máá Ta̱chi̱ꞌ Ííꞌ taji‑i nu̱u̱nꞌ rán tu̱ꞌun íyó kachiꞌ rán ―nkachiꞌ Jesús.